سورۃ الضحى

عبارت 6081

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلضُّحَىٰ

قسم ہے ایک پہر چڑھے دن کی

قَسم ہے روزِ روشن کی۔

وَٱلَّيْلِ إِذَا سَجَىٰ

اور قسم ہے رات کی جب وہ چیزوں کی پردہ پوشی کرے

اور رات کی جب کہ وہ آرام و سکون کے ساتھ چھا جائے۔

مَا وَدَّعَكَ رَبُّكَ وَمَا قَلَىٰ

تمہارے پروردگار نے نہ تم کو چھو ڑا ہے اور نہ تم سے ناراض ہوا ہے

(اے رسول(ص)) نہ آپ کے پروردگار نے آپ کو چھوڑا ہے اور نہ وہ ناراض ہوا ہے۔

وَلَلْـَٔاخِرَةُ خَيْرٌ لَّكَ مِنَ ٱلْأُولَىٰ

اور آخرت تمہارے لئے دنیا سے کہیں زیادہ بہتر ہے

یقیناً آپ کے لئے انجام (اور بعد کا دور) آغاز (پہلے دور) سے بہتر ہے۔

وَلَسَوْفَ يُعْطِيكَ رَبُّكَ فَتَرْضَىٰٓ

اور عنقریب تمہارا پروردگار تمہیں اس قدر عطا کردے گا کہ خوش ہوجاؤ

اورعنقریب آپ(ص) کا پروردگار آپ(ص) کو اتنا عطا کرے گا کہ آپ(ص) خوش ہو جائینگے۔

أَلَمْ يَجِدْكَ يَتِيمًا فَـَٔاوَىٰ

کیا اس نے تم کو یتیم پاکر پناہ نہیں دی ہے

کیا خدانے آپ(ص) کو یتیم نہیں پایا؟ تو پناہ کی جگہ دی؟

وَوَجَدَكَ ضَآلًّا فَهَدَىٰ

اور کیا تم کو گم گشتہ پاکر منزل تک نہیں پہنچایا ہے

اور آپ(ص) کو گمنام پایا تو (لوگوں کو آپ(ص) کی طرف) راہنمائی کی۔

وَوَجَدَكَ عَآئِلًا فَأَغْنَىٰ

اور تم کو تنگ دست پاکر غنی نہیں بنایا ہے

اور اللہ تعالیٰ نے آپ(ص) کونادار پایا سو مالدار بنا دیا۔

فَأَمَّا ٱلْيَتِيمَ فَلَا تَقْهَرْ

لہذا اب تم یتیم پر قہر نہ کرنا

پس یتیم پر سختی نہ کیجئے۔

وَأَمَّا ٱلسَّآئِلَ فَلَا تَنْهَرْ

اور سائل کوجھڑک مت دینا

اور سائل کو نہ جھڑکئے۔

وَأَمَّا بِنِعْمَةِ رَبِّكَ فَحَدِّثْ

اور اپنے پروردگار کی نعمتوں کو برابر بیان کرتے رہنا

اور اپنے پروردگار کی نعمت کا اظہار کیجئے۔