عبارت 5831
بِسْمِ ٱللَّهِ ٱلرَّحْمَٰنِ ٱلرَّحِيمِ إِذَا ٱلسَّمَآءُ ٱنفَطَرَتْ
جب آسمان شگافتہ ہوجائے گا
اور جب آسمان پھٹ جائے گا۔
سورۃ الإنفطار
عبارت 5832
وَإِذَا ٱلْكَوَاكِبُ ٱنتَثَرَتْ
اور جب ستارے بکھر جائیں گے
اور جب ستارے بکھر جائیں گے۔
عبارت 5833
وَإِذَا ٱلْبِحَارُ فُجِّرَتْ
اور جب دریا بہہ کر ایک دوسرے سے مل جائیں گے
اور جب سمندر بہہ پڑیں گے۔
عبارت 5834
وَإِذَا ٱلْقُبُورُ بُعْثِرَتْ
اور جب قبروں کو اُبھار دیا جائے گا
اور جب قبریں تہ و بالا کر دی جائیں گی۔
عبارت 5835
عَلِمَتْ نَفْسٌ مَّا قَدَّمَتْ وَأَخَّرَتْ
تب ہر نفس کو معلوم ہوگا کہ کیا مقدم کیا ہے اور کیا موخر کیا ہے
تب ہر شخص کو معلوم ہو جائے گا کہ اس نے آگے کیا بھیجا ہے اور پیچھے کیا چھوڑا ہے؟
عبارت 5836
يَٰٓأَيُّهَا ٱلْإِنسَٰنُ مَا غَرَّكَ بِرَبِّكَ ٱلْكَرِيمِ
اے انسان تجھے رب کریم کے بارے میں کس شے نے دھوکہ میں رکھا ہے
اے انسان تجھے کس چیز نے اپنے (رحیم و) کریم پروردگار سے دھو کے میں ڈال رکھا ہے؟
عبارت 5837
ٱلَّذِى خَلَقَكَ فَسَوَّىٰكَ فَعَدَلَكَ
اس نے تجھے پیدا کیا ہے اور پھر برابر کرکے متوازن بنایا ہے
جس نے تجھے پیدا کیا پھر (تیرے اعضاء کو) درست بنایا (اور) پھر تجھے متناسب بنایا۔
عبارت 5838
فِىٓ أَىِّ صُورَةٍ مَّا شَآءَ رَكَّبَكَ
اس نے جس صورت میں چاہاہے تیرے اجزائ کی ترکیب کی ہے
جس شکل میں چاہا تجھے ترتیب دے دیا۔
عبارت 5839
كَلَّا بَلْ تُكَذِّبُونَ بِٱلدِّينِ
مگر تم لوگ جزا کا انکار کرتے ہو
ہرگز نہیں! بلکہ (اصل حقیقت یہ ہے کہ) تم جزا و سزا (کے دن) کو جھٹلاتے ہو۔
عبارت 5840
وَإِنَّ عَلَيْكُمْ لَحَٰفِظِينَ
اور یقینا تمہارے سروں پر نگہبان مقرر ہیں
حالانکہ تم پر نگران (ملائکہ) مقرر ہیں۔
عبارت 5841
كِرَامًا كَٰتِبِينَ
جو باعزّت لکھنے والے ہیں
معزز لکھنے والے۔
عبارت 5842
يَعْلَمُونَ مَا تَفْعَلُونَ
وہ تمہارے اعمال کو خوب جانتے ہیں
وہ جانتے ہیں جو کچھ تم کرتے ہو۔
عبارت 5843
إِنَّ ٱلْأَبْرَارَ لَفِى نَعِيمٍ
بے شک نیک لوگ نعمتوں میں ہوں گے
بےشک نیکوکار لوگ عیش و آرام میں ہوں گے۔
عبارت 5844
وَإِنَّ ٱلْفُجَّارَ لَفِى جَحِيمٍ
اور بدکار افراد جہنم ّمیں ہوں گے
اور بدکار لوگ دوزخ میں ہوں گے۔
عبارت 5845
يَصْلَوْنَهَا يَوْمَ ٱلدِّينِ
وہ روز جزا اسی میں جھونک دیئے جائیں گے
وہ جزا (سزا) والے دن اس میں داخل ہوں گے۔
عبارت 5846
وَمَا هُمْ عَنْهَا بِغَآئِبِينَ
اور وہ اس سے بچ کر نہ جاسکیں گے
اور وہ اس سے اوجھل نہیں ہوں گے۔
عبارت 5847
وَمَآ أَدْرَىٰكَ مَا يَوْمُ ٱلدِّينِ
اور تم کیا جانو کہ جزا کا دن کیا شے ہے
تمہیں کیا معلوم کہ وہ جزا و سزا کا دن کیا ہے؟
عبارت 5848
ثُمَّ مَآ أَدْرَىٰكَ مَا يَوْمُ ٱلدِّينِ
پھر تمہیں کیا معلوم کہ جزا کا دن کیسا ہوتا ہے
(پھر سنو) تمہیں کیا معلوم کہ جزا (و سزا) والا دن کیا ہے؟
عبارت 5849
يَوْمَ لَا تَمْلِكُ نَفْسٌ لِّنَفْسٍ شَيْـًٔا وَٱلْأَمْرُ يَوْمَئِذٍ لِّلَّهِ
اس دن کوئی کسی کے بارے میں کوئی اختیار نہ رکھتا ہوگا اور سارا اختیار اللہ کے ہاتھوں میں ہوگا
جس دن کوئی کسی دوسرے کے کام نہ آسکے گا اور اس دن معاملہ (اختیار) اللہ ہی کے قبضۂ قدرت میں ہوگا۔