سورۃ التكوير

قرآن مجید

ایپ میں یہ دعا/باب کھولیں

عبارت 5802

بِسْمِ ٱللَّهِ ٱلرَّحْمَٰنِ ٱلرَّحِيمِ إِذَا ٱلشَّمْسُ كُوِّرَتْ

جب چادر آفتاب کو لپیٹ دیا جائے گا

جب سورج (کی بساط) لپیٹ دی جائے گی۔

عبارت 5803

وَإِذَا ٱلنُّجُومُ ٱنكَدَرَتْ

جب تارے گر پڑیں گے

اور ستارے (بکھر کر) بےنور ہو جائیں گے۔

عبارت 5804

وَإِذَا ٱلْجِبَالُ سُيِّرَتْ

جب پہاڑ حرکت میں آجائیں گے

اور جب پہاڑ چلا دئیے جائیں گے۔

عبارت 5805

وَإِذَا ٱلْعِشَارُ عُطِّلَتْ

جب عنقریب جننے والی اونٹنیاں معطل کردی جائیں گی

اور جب حاملہ اونٹیاں آوارہ پھریں گی۔

عبارت 5806

وَإِذَا ٱلْوُحُوشُ حُشِرَتْ

جب جانوروں کو اکٹھا کیا جائے گا

اور جب وحشی جانور اکٹھے کر دئیے جائیں گے۔

عبارت 5807

وَإِذَا ٱلْبِحَارُ سُجِّرَتْ

جب دریا بھڑک اٹھیں گے

اور جب سمندر بھڑکا دئیے جائیں گے۔

عبارت 5808

وَإِذَا ٱلنُّفُوسُ زُوِّجَتْ

جب روحوں کو جسموں سے جوڑ دیا جائے گا

اور جب جانیں (جِسموں سے) ملا دی جائیں گی۔

عبارت 5809

وَإِذَا ٱلْمَوْءُۥدَةُ سُئِلَتْ

اور جب زندہ درگور لڑکیوں کے بارے میں سوال کیا جائے گا

اور جب زندہ درگور کی ہوئی (لڑکی) سے پوچھا جائے گا۔

عبارت 5810

بِأَىِّ ذَنۢبٍ قُتِلَتْ

کہ انہیں کس گناہ میں مارا گیا ہے

کہ وہ کس گناہ پر قتل کی گئی؟

عبارت 5811

وَإِذَا ٱلصُّحُفُ نُشِرَتْ

اور جب نامہ اعمال منتشر کردیئے جائیں گے

اور جب اعمال نامے کھولے جائیں گے۔

عبارت 5812

وَإِذَا ٱلسَّمَآءُ كُشِطَتْ

اور جب آسمان کا چھلکا اُتار دیا جائے گا

اور جب آسمان کھول دیا جائے گا۔

عبارت 5813

وَإِذَا ٱلْجَحِيمُ سُعِّرَتْ

اور جب جہنمّ کی آگ بھڑکا دی جائے گی

اور جب دوزخ بھڑکا دی جائے گی۔

عبارت 5814

وَإِذَا ٱلْجَنَّةُ أُزْلِفَتْ

اور جب جنّت قریب تر کردی جائے گی

اور جب جنت قریب لے آئی جائے گی۔

عبارت 5815

عَلِمَتْ نَفْسٌ مَّآ أَحْضَرَتْ

تب ہر نفس کو معلوم ہوگا کہ اس نے کیا حاضر کیا ہے

تب ہر شخص کو معلوم ہو جائے گا کہ اس نے کیا لا کر پیش کیا ہے۔

عبارت 5816

فَلَآ أُقْسِمُ بِٱلْخُنَّسِ

تو میں ان ستاروں کی قسم کھاتا ہوں جو پلٹ جانے والے ہیں

تو نہیں! میں قَسم کھاتا ہوں پیچھے ہٹنے والے۔

عبارت 5817

ٱلْجَوَارِ ٱلْكُنَّسِ

چلنے والے اورحُھپ جانے والے ہیں

سیدھے چلنے اور چھپ جانے والے ستاروں کی۔

عبارت 5818

وَٱلَّيْلِ إِذَا عَسْعَسَ

اور رات کی قسم جب ختم ہونے کو آئے

اور قَسم کھاتا ہوں رات کی جب وہ جانے لگے۔

عبارت 5819

وَٱلصُّبْحِ إِذَا تَنَفَّسَ

اور صبح کی قسم جب سانس لینے لگے

اور صبح کی جب وہ سانس لے کر آنے لگے۔

عبارت 5820

إِنَّهُۥ لَقَوْلُ رَسُولٍ كَرِيمٍ

بے شک یہ ایک معزز فرشتے کا بیان ہے

بےشک یہ (قرآن) ایک معزز پیغامبر(ص) کا قول ہے۔

عبارت 5821

ذِى قُوَّةٍ عِندَ ذِى ٱلْعَرْشِ مَكِينٍ

وہ صاحبِ قوت ہے اور صاحبِ عرش کی بارگاہ کا مکین ہے

جو قوت والا ہے اور مالکِ عرش کے نزدیک بلند مرتبہ ہے۔

عبارت 5822

مُّطَاعٍ ثَمَّ أَمِينٍ

وہ وہاں قابل اطاعت اور پھر امانت دار ہے

(وہاں) اس کا حکم مانا جاتا ہے اور پھر وہ امانتدار (بھی) ہے۔

عبارت 5823

وَمَا صَاحِبُكُم بِمَجْنُونٍ

اور تمہارا ساتھی پیغمبر دیوانہ نہیں ہے

اور تمہارا ساتھی (پیغمبرِ اسلام (ص)) دیوانہ نہیں ہے۔

عبارت 5824

وَلَقَدْ رَءَاهُ بِٱلْأُفُقِ ٱلْمُبِينِ

اور اس نے فرشتہ کو بلند اُفق پر دیکھا ہے

اور اس (پیغمبر(ص)) نے اس (پیغامبر) کو روشن افق (کنارے) پر دیکھا ہے۔

عبارت 5825

وَمَا هُوَ عَلَى ٱلْغَيْبِ بِضَنِينٍ

اور وہ غیب کے بارے میں بخیل نہیں ہے

اور وہ غیب کی باتوں کے معاملہ میں بخیل نہیں ہے۔

عبارت 5826

وَمَا هُوَ بِقَوْلِ شَيْطَٰنٍ رَّجِيمٍ

اور یہ قرآن کسی شیطان رجیم کا قول نہیں ہے

اور وہ (قرآن) کسی مردود شیطان کا قول نہیں ہے۔

عبارت 5827

فَأَيْنَ تَذْهَبُونَ

تو تم کدھر چلے جارہے ہو

تم کدھر جا رہے ہو؟

عبارت 5828

إِنْ هُوَ إِلَّا ذِكْرٌ لِّلْعَٰلَمِينَ

یہ صرف عالمین کے لئے ایک نصیحت کا سامان ہے

وہ نہیں ہے مگر تمام دنیا جہان کے لئے نصیحت۔

عبارت 5829

لِمَن شَآءَ مِنكُمْ أَن يَسْتَقِيمَ

جو تم میں سے سیدھا ہونا چاہے

یعنی اس کیلئے جو تم میں سے سیدھی راہ پر چلنا چاہے۔

عبارت 5830

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلْعَٰلَمِينَ

اور تم لوگ کچھ نہیں چاہ سکتے مگریہ کہ عالمین کا پروردگار خدا چاہے

اور تم نہیں چاہتے مگر وہی جو عالمین کا پرورگار چاہتا ہے۔