عبارت 5273
بِسْمِ ٱللَّهِ ٱلرَّحْمَٰنِ ٱلرَّحِيمِ نٓ وَٱلْقَلَمِ وَمَا يَسْطُرُونَ
نۤ, قلم اور اس چیز کی قسم جو یہ لکھ رہے ہیں
نون! قَسم ہے قلم کی اور اس کی جو کچھ لوگ لکھتے ہیں۔
سورۃ القلم
عبارت 5274
مَآ أَنتَ بِنِعْمَةِ رَبِّكَ بِمَجْنُونٍ
آپ اپنے پروردگار کی نعمت کے طفیل مجنون نہیں ہیں
کہ آپ(ص) اپنے پروردگار کے فضل و کرم سے دیوانے نہیں ہیں۔
عبارت 5275
وَإِنَّ لَكَ لَأَجْرًا غَيْرَ مَمْنُونٍ
اور آپ کے لئے کبھی نہ ختم ہونے والا اجر ہے
اور بےشک آپ(ص) کے لئے ایسا اجر ہے جو کبھی ختم ہو نے والانہیں ہے۔
عبارت 5276
وَإِنَّكَ لَعَلَىٰ خُلُقٍ عَظِيمٍ
اور آپ بلند ترین اخلاق کے درجہ پر ہیں
اور بےشک آپ(ص) خلقِ عظیم کے مالک ہیں۔
عبارت 5277
فَسَتُبْصِرُ وَيُبْصِرُونَ
عنقریب آپ بھی دیکھیں گے اور وہ بھی دیکھ لیں گے
عنقریب آپ بھی دیکھیں گے اور وہ بھی دیکھ لیں گے۔
عبارت 5278
بِأَييِّكُمُ ٱلْمَفْتُونُ
کہ دیوانہ کون ہے
کہ تم میں سے کون جُنون میں مبتلا ہے۔
عبارت 5279
إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ وَهُوَ أَعْلَمُ بِٱلْمُهْتَدِينَ
آپ کا پروردگار بہتر جانتا ہے کہ کون اس کے راستہ سے بہک گیا ہے اور کون ہدایت یافتہ ہے
بےشک آپ(ص) کا پروردگار بہتر جانتا ہے کہ اس کی راہ سے بھٹکا ہواکون ہے؟ اور وہی انہیں خوب جانتا ہے جو ہدایت یافتہ ہیں۔
عبارت 5280
فَلَا تُطِعِ ٱلْمُكَذِّبِينَ
لہذا آپ جھٹلانے والوں کی اطاعت نہ کریں
تو آپ(ص) جھٹلانے والوں کا کہنا نہ مانیں۔
عبارت 5281
وَدُّوا۟ لَوْ تُدْهِنُ فَيُدْهِنُونَ
یہ چاہتے ہیں کہ آپ ذرا نرم ہوجائیں تو یہ بھی نرم ہوجائیں
وہ (کفار) تو چاہتے ہیں کہ آپ(ص) (اپنے فرضِ منصبی کی ادائیگی میں) ڈھیلے پڑجائیں تو وہ بھی (مخالفت میں) ڈھیلے ہو جائیں۔
عبارت 5282
وَلَا تُطِعْ كُلَّ حَلَّافٍ مَّهِينٍ
اور خبردار آپ کسی بھی مسلسل قسم کھانے والے ذلیل
اور آپ(ص) ہرگز ہر اس شخص کا کہنا نہ مانیں جو بہت (جھوٹی) قَسمیں کھانے والا ہے (اور) ذلیل ہے۔
عبارت 5283
هَمَّازٍ مَّشَّآءٍۭ بِنَمِيمٍ
عیب جو اور اعلٰی درجہ کے چغلخور
جو بڑی نکتہ چینی کرنے والا (اور) چلتا پھرتا چغل خور ہے۔
عبارت 5284
مَّنَّاعٍ لِّلْخَيْرِ مُعْتَدٍ أَثِيمٍ
مال میں بیحد بخل کرنے والے, تجاوز گناہگار
کارِ خیر سے بڑا منع کرنے والا، حد سے بڑھنے والا (اور) بڑا گنہگار ہے۔
عبارت 5285
عُتُلٍّۭ بَعْدَ ذَٰلِكَ زَنِيمٍ
بدمزاج اور اس کے بعد بدنسل کی اطاعت نہ کریں
سخت مزاج ہے اور ان (سب بری صفتوں) کے علاوہ وہ بداصل بھی ہے۔
عبارت 5286
أَن كَانَ ذَا مَالٍ وَبَنِينَ
صرف اس بات پر کہ یہ صاحب همال و اولاد ہے
یہ سب کچھ اس بناء پر ہے کہ وہ مالدار اور اولاد والا ہے۔
عبارت 5287
إِذَا تُتْلَىٰ عَلَيْهِ ءَايَٰتُنَا قَالَ أَسَٰطِيرُ ٱلْأَوَّلِينَ
جب اس کے سامنے آیات هالۤہیہ کی تلاوت کی جاتی ہے تو کہہ دیتا ہے کہ یہ سب اگلے لوگوں کی داستانیں ہیں
جب اس کو ہماری آیتیں پڑھ کر سنائی جاتی ہیں تو وہ کہتا ہے کہ یہ تو اگلے لوگوں کے افسانے ہیں۔
عبارت 5288
سَنَسِمُهُۥ عَلَى ٱلْخُرْطُومِ
ہم عنقریب اس کی ناک پر نشان لگادیں گے
ہم عنقریب اس کی سونڈ (نا ک) پر داغ لگائیں گے۔
عبارت 5289
إِنَّا بَلَوْنَٰهُمْ كَمَا بَلَوْنَآ أَصْحَٰبَ ٱلْجَنَّةِ إِذْ أَقْسَمُوا۟ لَيَصْرِمُنَّهَا مُصْبِحِينَ
ہم نے ان کو اسی طرح آزمایا ہے جس طرح باغ والوں کو آزمایا تھا جب انہوں نے قسم کھائی تھی کہ صبح کو پھل توڑ لیں گے
ہم نے ان (کفارِ مکہ) کو اسی طرح آزمائش میں ڈالا ہے جس طرح ایک باغ والوں کو آزمائش میں ڈالا تھا جب انہوں نے قَسم کھائی تھی کہ وہ صبح سویرے ضرور اس کا پھل توڑ لیں گے۔
عبارت 5290
وَلَا يَسْتَثْنُونَ
اور انشائ اللہ نہیں کہیں گے
اور انہوں نے کوئی استثناء نہیں کیا تھا (انشاء اللہ نہیں کہا تھا)۔
عبارت 5291
فَطَافَ عَلَيْهَا طَآئِفٌ مِّن رَّبِّكَ وَهُمْ نَآئِمُونَ
تو خدا کی طرف سے راتوں رات ایک بلا نے چکر لگایا جب یہ سب سورہے تھے
پھر (راتوں رات) جب کہ وہ لوگ ابھی سوئے ہوئے تھے آپ(ص) کے پروردگار کی طرف سے ایک آفت چکر لگا گئی۔
عبارت 5292
فَأَصْبَحَتْ كَٱلصَّرِيمِ
اور سارا باغ جل کر کالی رات جیسا ہوگیا
تو وہ (باغ) کٹی ہوئی فصل کی طرح ہوگیا۔
عبارت 5293
فَتَنَادَوْا۟ مُصْبِحِينَ
پھر صبح کو ایک نے دوسرے کو آواز دی
پس انہوں نے صبح ہوتے ہی ایک دوسرے کو آواز دی۔
عبارت 5294
أَنِ ٱغْدُوا۟ عَلَىٰ حَرْثِكُمْ إِن كُنتُمْ صَٰرِمِينَ
کہ پھل توڑنا ہے تو اپنے اپنے کھیت کی طرف چلو
کہ اگر تم نے پھل توڑنا ہے تو سویرے سویرے اپنی کھیتی کی طرف چلو۔
عبارت 5295
فَٱنطَلَقُوا۟ وَهُمْ يَتَخَٰفَتُونَ
پھر سب گئے اس عالم میں کہ آپس میں راز دارانہ باتیں کررہے تھے
تو وہ اس حال میں چل پڑے کہ چپکے چپکے ایک دوسرے سے کہتے جاتے تھے۔
عبارت 5296
أَن لَّا يَدْخُلَنَّهَا ٱلْيَوْمَ عَلَيْكُم مِّسْكِينٌ
کہ خبردار آج باغ میں کوئی مسکین داخل نہ ہونے پائے
کہ خبردار! آج تمہارے پاس اس باغ میں کوئی مسکین نہ آنے پا ئے۔
عبارت 5297
وَغَدَوْا۟ عَلَىٰ حَرْدٍ قَٰدِرِينَ
اور روک تھام کا بندوبست کرکے صبح سویرے پہنچ گئے
اور وہ اس (مسکین کو کچھ نہ دینے) پر قادر سمجھ کر نکلے۔
عبارت 5298
فَلَمَّا رَأَوْهَا قَالُوٓا۟ إِنَّا لَضَآلُّونَ
اب جو باغ کو دیکھا تو کہنے لگے کہ ہم تو بہک گئے
اور جب باغ کو (برباد) دیکھا تو کہا کہ ہم راستہ بھول گئے ہیں۔
عبارت 5299
بَلْ نَحْنُ مَحْرُومُونَ
بلکہ بالکل سے محروم ہوگئے
بلکہ ہم محروم ہو گئے ہیں۔
عبارت 5300
قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ
تو ان کے منصف مزاج نے کہا کہ میں نے نہ کہا تھا کہ تم لوگ تسبیح پروردگار کیوں نہیں کرتے
جو ان میں سے بہتر آدمی تھا اس نے کہا کہ کیا میں نے تم سے نہیں کہا تھا کہ (خدا کی) تسبیح کیوں نہیں کرتے؟
عبارت 5301
قَالُوا۟ سُبْحَٰنَ رَبِّنَآ إِنَّا كُنَّا ظَٰلِمِينَ
کہنے لگے کہ ہمارا رب پاک و بے نیاز ہے اور ہم واقعا ظالم تھے
(تب) انہوں نے کہا کہ پاک ہے ہمارا پروردگار بےشک ہم ظالم تھے۔
عبارت 5302
فَأَقْبَلَ بَعْضُهُمْ عَلَىٰ بَعْضٍ يَتَلَٰوَمُونَ
پھر ایک نے دوسرے کو ملامت کرنا شروع کردی
پھر وہ ایک دوسرے کی طرف متوجہ ہو کر باہم لعنت ملامت کرنے لگے۔
عبارت 5303
قَالُوا۟ يَٰوَيْلَنَآ إِنَّا كُنَّا طَٰغِينَ
کہنے لگے کہ افسوس ہم بالکل سرکش تھے
(اور) کہنے لگے وائے ہو ہم پر! بےشک ہم سرکش ہو گئے تھے۔
عبارت 5304
عَسَىٰ رَبُّنَآ أَن يُبْدِلَنَا خَيْرًا مِّنْهَآ إِنَّآ إِلَىٰ رَبِّنَا رَٰغِبُونَ
شائد ہمارا پروردگار ہمیں اس سے بہتر دے دے کہ ہم اس کی طرف رغبت کرنے والے ہیں
امید ہے کہ ہمارا پروردگار ہمیں اس (باغ) کے بدلے اس سے بہتر باغ عطا کر دے ہم اپنے پروردگار کی طرف رجوع کرتے ہیں۔
عبارت 5305
كَذَٰلِكَ ٱلْعَذَابُ وَلَعَذَابُ ٱلْـَٔاخِرَةِ أَكْبَرُ لَوْ كَانُوا۟ يَعْلَمُونَ
اسی طرح عذاب نازل ہوتا ہے اور آخرت کا عذاب تو اس سے بڑا ہے اگر انہیں علم ہو
اسی طرح عذاب آتا ہے اور آخرت کا عذاب تو (اس سے بھی) بہت بڑا ہے کاش کہ یہ لوگ جانتے۔
عبارت 5306
إِنَّ لِلْمُتَّقِينَ عِندَ رَبِّهِمْ جَنَّٰتِ ٱلنَّعِيمِ
بیشک صاحبانِ تقویٰ کے لئے پروردگار کے یہاں نعمتوں کی جنّت ہے
بےشک پرہیزگاروں کیلئے ان کے پروردگار کے ہاں نعمت و آسائش کے باغات ہیں۔
عبارت 5307
أَفَنَجْعَلُ ٱلْمُسْلِمِينَ كَٱلْمُجْرِمِينَ
کیا ہم اطاعت گزار وں کو مجرموں جیسا بنا دیں
کیا ہم فرمانبرداروں کو مجرموں کی مانند کر دیں گے؟
عبارت 5308
مَا لَكُمْ كَيْفَ تَحْكُمُونَ
تمہیں کیا ہو گیا ہے کیسا فیصلہ کر رہے ہو
تمہیں کیا ہوگیا ہے؟ تم کیسے فیصلے کرتے ہو؟
عبارت 5309
أَمْ لَكُمْ كِتَٰبٌ فِيهِ تَدْرُسُونَ
یا تمہاری کوئی کتاب ہے جس میں یہ سب پڑھا کرتے ہو
کیا تمہارے پاس کوئی (آسمانی) کتاب ہے جس میں تم (یہ) پڑھتے ہو؟
عبارت 5310
إِنَّ لَكُمْ فِيهِ لَمَا تَخَيَّرُونَ
کہ وہاں تمہاری پسند کی ساری چیزیں حاضر ملیں گی
کہ تمہارے لئے اس میں وہ کچھ ہے جو تم پسند کرتے ہو؟
عبارت 5311
أَمْ لَكُمْ أَيْمَٰنٌ عَلَيْنَا بَٰلِغَةٌ إِلَىٰ يَوْمِ ٱلْقِيَٰمَةِ إِنَّ لَكُمْ لَمَا تَحْكُمُونَ
یا تم نے ہم سے روزِ قیامت تک کی قسمیں لے رکھی ہیں کہ تمہیں وہ سب کچھ ملے گا جس کا تم فیصلہ کرو گے
یا کیا تم نے ہم سے کچھ قَسمیں لی ہیں کہ قیامت میں تمہارے لئے وہی کچھ ہے جس کا تم حکم لگاؤ گے (فیصلہ کرو گے؟)
عبارت 5312
سَلْهُمْ أَيُّهُم بِذَٰلِكَ زَعِيمٌ
ان سے پوچھئے کہ ان سب باتوں کا ذمہ دار کون ہے
ان سے پوچھئے کہ ان میں سے کون ان (بےبنیاد باتوں) کا ضامن ہے؟
عبارت 5313
أَمْ لَهُمْ شُرَكَآءُ فَلْيَأْتُوا۟ بِشُرَكَآئِهِمْ إِن كَانُوا۟ صَٰدِقِينَ
یا ان کے لئے شرکائ ہیں تو اگر یہ سچے ہیں تو اپنے شرکائ کو لے آئیں
یا انکے کچھ آدمی (ہمارے) شریک ہیں؟ تو اگر وہ سچے ہیں تو پھر اپنے وہ شریک پیش کریں۔
عبارت 5314
يَوْمَ يُكْشَفُ عَن سَاقٍ وَيُدْعَوْنَ إِلَى ٱلسُّجُودِ فَلَا يَسْتَطِيعُونَ
جس دن پنڈلی کھول دی جائے گی اور انہیں سجدوں کی دعوت دی جائے گی اور یہ سجدہ بھی نہ کرسکیں گے
(وہ دن یاد کرنے کے لائق ہے) جب پنڈلی کھولی جائے گی (یعنی سخت وقت ہوگا) اور ان (کافروں) کو سجدہ کیلئے بلایا جائے گا تو (اس وقت) وہ سجدہ نہیں کر سکیں گے۔
عبارت 5315
خَٰشِعَةً أَبْصَٰرُهُمْ تَرْهَقُهُمْ ذِلَّةٌ وَقَدْ كَانُوا۟ يُدْعَوْنَ إِلَى ٱلسُّجُودِ وَهُمْ سَٰلِمُونَ
ان کی نگاہیں شرم سے جھکی ہوں گی ذلّت ان پر چھائی ہوگی اور انہیں اس وقت بھی سجدوں کی دعوت دی جارہی تھی جب یہ بالکل صحیح و سالم تھے
ان کی نگاہیں جھکی ہوئی ہوں گی (اور) ان پر ذلت چھائی ہوگی حالانکہ انہیں اس وقت (بھی دنیا میں) سجدہ کی دعوت دی جاتی تھی جب وہ صحیح و سالم تھے۔
عبارت 5316
فَذَرْنِى وَمَن يُكَذِّبُ بِهَٰذَا ٱلْحَدِيثِ سَنَسْتَدْرِجُهُم مِّنْ حَيْثُ لَا يَعْلَمُونَ
تو اب مجھے اور اس بات کے جھٹلانے والوں کو چھوڑ دو ہم عنقریب انہیں اس طرح گرفتار کریں گے کہ انہیں اندازہ بھی نہ ہوگا
پس (اے رسول(ص)) آپ(ص) مجھے اور اس کو چھوڑ دیں جو اس کتاب کو جھٹلاتا ہے ہم انہیں اس طرح بتدریج تباہی کی طرف لے جائیںگے کہ ان کو خبر بھی نہ ہوگی۔
عبارت 5317
وَأُمْلِى لَهُمْ إِنَّ كَيْدِى مَتِينٌ
اور ہم تو اس لئے ڈھیل دے رہے ہیں کہ ہماری تدبیر مضبوط ہے
اور میں انہیں مہلت دے رہا ہوں۔ بےشک میری تدبیر بڑی مضبوط ہے۔
عبارت 5318
أَمْ تَسْـَٔلُهُمْ أَجْرًا فَهُم مِّن مَّغْرَمٍ مُّثْقَلُونَ
کیا آپ ان سے مزدوری مانگ رہے ہیں جو یہ اس کے تاوان کے بوجھ سے دبے جارہے ہیں
کیا آپ(ص) ان سے کوئی اجرت طلب کرتے ہیں کہ وہ اس تاوان کے بوجھ تلے دبےجاتے ہیں؟
عبارت 5319
أَمْ عِندَهُمُ ٱلْغَيْبُ فَهُمْ يَكْتُبُونَ
یا ان کے پاس کوئی غیب ہے جسے یہ لکھ رہے ہیں
یا کیا ان کے پاس غیب ہے سو جسے وہ لکھ رہے ہیں؟
عبارت 5320
فَٱصْبِرْ لِحُكْمِ رَبِّكَ وَلَا تَكُن كَصَاحِبِ ٱلْحُوتِ إِذْ نَادَىٰ وَهُوَ مَكْظُومٌ
اب آپ اپنے پروردگار کے حکم کے لئے صبر کریں اور صاحب هحوت جیسے نہ ہوجائیں جب انہوں نے نہایت غصّہ کے عالم میں آواز دی تھی
پس آپ(ص) اپنے پروردگار کے فیصلے تک صبر کریں اور مچھلی والے (جنابِ یونس(ع)) کی طرح نہ ہوں جب انہوں نے اس حال میں (اپنے پروردگار کو) پکارا کہ وہ غم و غصہ سے بھرے ہوۓ تھے (یا مغموم تھے)۔
عبارت 5321
لَّوْلَآ أَن تَدَٰرَكَهُۥ نِعْمَةٌ مِّن رَّبِّهِۦ لَنُبِذَ بِٱلْعَرَآءِ وَهُوَ مَذْمُومٌ
کہ اگر انہیں نعمت پروردگار نے سنبھال نہ لیا ہوتا تو انہیں چٹیل میدان میں برے حالوں میں چھوڑ دیا جاتا
اگر ان کے پروردگار کا فضل و کرم ان کے شاملِ حال نہ ہوتا تو انہیں اس حال میں چٹیل میدان میں پھینک دیا جاتا کہ وہ مذموم ہوتے۔
عبارت 5322
فَٱجْتَبَٰهُ رَبُّهُۥ فَجَعَلَهُۥ مِنَ ٱلصَّٰلِحِينَ
پھر ان کے رب نے انہیں منتخب کرکے نیک کرداروں میں قرار دے دیا
مگر ان کے پروردگار نے انہیں منتخب کر لیا اور انہیں (اپنے) نیکوکار بندوں سے بنا دیا۔
عبارت 5323
وَإِن يَكَادُ ٱلَّذِينَ كَفَرُوا۟ لَيُزْلِقُونَكَ بِأَبْصَٰرِهِمْ لَمَّا سَمِعُوا۟ ٱلذِّكْرَ وَيَقُولُونَ إِنَّهُۥ لَمَجْنُونٌ
اور یہ کفاّر قرآن کو سنتے ہیں تو ایسا لگتا ہے کہ عنقریب آپ کو نظروں سے پھسلادیں گے اور یہ کہتے ہیں کہ یہ تو دیوانے ہیں
اور جب کافر ذکر (قرآن) سنتے ہیں تو ایسا معلوم ہوتا ہے کہ وہ اپنی (تیز و تند) نظروں سے آپ(ص) کو (راہِ راست) سے پھسلا دیں گے اور کہتے ہیں کہ یہ ضرور دیوانہ ہے۔
عبارت 5324
وَمَا هُوَ إِلَّا ذِكْرٌ لِّلْعَٰلَمِينَ
حالانکہ یہ قرآن عالمین کے لئے نصیحت ہے اور بس
حالانکہ وہ (قرآن) تو تمام جہانوں کیلئے نصیحت ہے۔