سورۃ النجم

قرآن مجید

ایپ میں یہ دعا/باب کھولیں

عبارت 4786

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلنَّجْمِ إِذَا هَوَىٰ

قسم ہے ستارہ کی جب وہ ٹوٹا

قَسم ہے ستارے کی جبکہ وہ ڈوبنے لگے۔

عبارت 4787

مَا ضَلَّ صَاحِبُكُمْ وَمَا غَوَىٰ

تمہارا ساتھی نہ گمراہ ہوا ہے اور نہ بہکا

کہ تمہارا یہ ساتھی (پیغمبرِ اسلام(ص)) نہ گمراہ ہوا ہے اور نہ بہکا ہے۔

عبارت 4788

وَمَا يَنطِقُ عَنِ ٱلْهَوَىٰٓ

اور وہ اپنی خواہش سے کلام بھی نہیں کرتا ہے

اور وہ (اپنی) خواہشِ نفس سے بات نہیں کرتا۔

عبارت 4789

إِنْ هُوَ إِلَّا وَحْىٌ يُوحَىٰ

اس کا کلام وہی وحی ہے جو مسلسل نازل ہوتی رہتی ہے

وہ تو بس وحی ہے جو ان کی طرف کی جاتی ہے۔

عبارت 4790

عَلَّمَهُۥ شَدِيدُ ٱلْقُوَىٰ

اسے نہایت طاقت والے نے تعلیم دی ہے

ان کو ایک زبردست قوت والے نے تعلیم دی ہے۔

عبارت 4791

ذُو مِرَّةٍ فَٱسْتَوَىٰ

وہ صاحبِ حسن و جمال جو سیدھا کھڑا ہوا

جو بڑا صاحبِ قدرت (یا بڑا دانا و حکیم) ہے پھر (وہ اپنی اصلی شکل میں) کھڑا ہوا۔

عبارت 4792

وَهُوَ بِٱلْأُفُقِ ٱلْأَعْلَىٰ

جب کہ وہ بلند ترین افق پر تھا

جبکہ وہ آسمان کے بلند ترین کنارہ پر تھا۔

عبارت 4793

ثُمَّ دَنَا فَتَدَلَّىٰ

پھر وہ قریب ہوا اور آگے بڑھا

پھر وہ قریب ہوا اور زیادہ قریب ہوا۔

عبارت 4794

فَكَانَ قَابَ قَوْسَيْنِ أَوْ أَدْنَىٰ

یہاں تک کہ دو کمان یا اس سے کم کا فاصلہ رہ گیا

یہاں تک دو کمان کے برابریا اس سے بھی کم فاصلہ رہ گیا۔

عبارت 4795

فَأَوْحَىٰٓ إِلَىٰ عَبْدِهِۦ مَآ أَوْحَىٰ

پھر خدا نے اپنے بندہ کی طرف جس راز کی بات چاہی وحی کردی

پس اس (اللہ) نے اپنے بندہ (خاص) کی طرف وحی کی جو وحی کی۔

عبارت 4796

مَا كَذَبَ ٱلْفُؤَادُ مَا رَأَىٰٓ

دل نے اس بات کو جھٹلایا نہیں جس کو آنکھوں نے دیکھا

(رسول(ص) کے) دل نے جھوٹ نہیں کہا (جھٹلایا نہیں) جو کچھ (مصطفٰی(ص) کی) آنکھ نے دیکھا۔

عبارت 4797

أَفَتُمَٰرُونَهُۥ عَلَىٰ مَا يَرَىٰ

کیا تم اس سے اس بات کے بارے میں جھگڑا کررہے ہو جو وہ دیکھ رہا ہے

کیا تم لوگ آپ(ص) سے اس بات پر جھگڑتے ہو جو کچھ انہوں نے دیکھا۔

عبارت 4798

وَلَقَدْ رَءَاهُ نَزْلَةً أُخْرَىٰ

اور اس نے تو اسے ایک بار اور بھی دیکھا ہے

اور آپ(ص) نے ایک بار اور بھی۔

عبارت 4799

عِندَ سِدْرَةِ ٱلْمُنتَهَىٰ

سدرِالمنتہیٰ کے نزدیک

اترتے ہوئے سدرۃ المنتہی کے پاس دیکھا۔

عبارت 4800

عِندَهَا جَنَّةُ ٱلْمَأْوَىٰٓ

جس کے پاس جنت الماویٰ بھی ہے

جہاں جنت الماوی (آرام سے رہنے کا بہشت) ہے۔

عبارت 4801

إِذْ يَغْشَى ٱلسِّدْرَةَ مَا يَغْشَىٰ

جب سدرہ پر چھا رہا تھا جو کچھ کہ چھا رہا تھا

جب کہ سدرہ پر چھا رہا تھا (وہ نور) جو چھا رہا تھا۔

عبارت 4802

مَا زَاغَ ٱلْبَصَرُ وَمَا طَغَىٰ

اس وقت اس کی آنکھ نہ بہکی اور نہ حد سے آگے بڑھی

نہ آنکھ چندھیائی اور نہ حدسے بڑھی۔

عبارت 4803

لَقَدْ رَأَىٰ مِنْ ءَايَٰتِ رَبِّهِ ٱلْكُبْرَىٰٓ

اس نے اپنے پروردگار کی بڑی بڑی نشانیان دیکھی ہیں

یقیناً آپ(ص) نے اپنے پروردگار کی بڑی بڑی نشانیاں دیکھیں۔

عبارت 4804

أَفَرَءَيْتُمُ ٱللَّٰتَ وَٱلْعُزَّىٰ

کیا تم لوگوں نے لات اور عذٰی کو دیکھا ہے

کیا تم نے کبھی لات و عزیٰ۔

عبارت 4805

وَمَنَوٰةَ ٱلثَّالِثَةَ ٱلْأُخْرَىٰٓ

اور منات جو ان کا تیسرا ہے اسے بھی دیکھا ہے

اور تیسرے منات کو کبھی دیکھا ہے (ان کی اصلیت میں غور کیا ہے؟)

عبارت 4806

أَلَكُمُ ٱلذَّكَرُ وَلَهُ ٱلْأُنثَىٰ

تو کیا تمہارے لئے لڑکے ہیں اور اس کے لئے لڑکیاں ہیں

کیا تمہارے لئے لڑکے ہیں اور اس(اللہ) کے لئے لڑکیاں؟

عبارت 4807

تِلْكَ إِذًا قِسْمَةٌ ضِيزَىٰٓ

یہ انتہائی ناانصافی کی تقسیم ہے

یہ تقسیم تو بڑی ظالمانہ ہے۔

عبارت 4808

إِنْ هِىَ إِلَّآ أَسْمَآءٌ سَمَّيْتُمُوهَآ أَنتُمْ وَءَابَآؤُكُم مَّآ أَنزَلَ ٱللَّهُ بِهَا مِن سُلْطَٰنٍ إِن يَتَّبِعُونَ إِلَّا ٱلظَّنَّ وَمَا تَهْوَى ٱلْأَنفُسُ وَلَقَدْ جَآءَهُم مِّن رَّبِّهِمُ ٱلْهُدَىٰٓ

یہ سب وہ نام ہیں جو تم نے اور تمہارے باپ دادا نے طے کرلئے ہیں خدا نے ان کے بارے میں کوئی دلیل نازل نہیں کی ہے - درحقیقت یہ لوگ صرف اپنے گمانوں کا اتباع کررہے ہیں اور جو کچھ ان کا دل چاہتا ہے اور یقینا ان کے پروردگار کی طرف سے ان کے پاس ہدایت آچکی ہے

یہ نہیں ہیں مگر صرف چند نام جو تم نے اور تمہارے باپ دادانے رکھ لئے ہیں جس پر اللہ نے کوئی دلیل (سند) نہیں نازل کی یہ لوگ محض وہم و گمان کی پیروی کر رہے ہیں اور خواہشاتِ نفس کی حالانکہ ان کے پاس ان کے پروردگار کی طرف سے ہدایت و رہنمائی آچکی۔

عبارت 4809

أَمْ لِلْإِنسَٰنِ مَا تَمَنَّىٰ

کیا انسان کو وہ سب مل سکتا ہے جس کی آرزو کرے

کیا انسان کو وہ چیز مل سکتی ہے جس کی وہ تمنا کرتا ہے؟

عبارت 4810

فَلِلَّهِ ٱلْـَٔاخِرَةُ وَٱلْأُولَىٰ

بس اللہ ہی کے لئے دنیا اور آخرت سب کچھ ہے

پس اللہ کے قبضۂ قدرت میں ہے آخرت بھی اور دنیا بھی (یعنی انجام بھی اور آغاز بھی)۔

عبارت 4811

وَكَم مِّن مَّلَكٍ فِى ٱلسَّمَٰوَٰتِ لَا تُغْنِى شَفَٰعَتُهُمْ شَيْـًٔا إِلَّا مِنۢ بَعْدِ أَن يَأْذَنَ ٱللَّهُ لِمَن يَشَآءُ وَيَرْضَىٰٓ

اور آسمانوں میں کتنے ہی فرشتے ہیں جن کی سفارش کسی کے کام نہیں آسکتی ہے جب تک خدا .... جس کے بارے میں چاہے اور اسے پسند کرے .... اجازت نہ دے دے

اور آسمانوں میں کتنے ہی فرشتے ہیں جن کی سفارش کچھ بھی فائدہ نہیں دے سکتی مگر بعد اس کے کہ اللہ جس کے لئے چاہے اجازت دے اور پسند کرے۔

عبارت 4812

إِنَّ ٱلَّذِينَ لَا يُؤْمِنُونَ بِٱلْـَٔاخِرَةِ لَيُسَمُّونَ ٱلْمَلَٰٓئِكَةَ تَسْمِيَةَ ٱلْأُنثَىٰ

بیشک جو لوگ آخرت پر ایمان نہیں رکھتے ہیں وہ ملائکہ کے نام لڑکیوں جیسے رکھتے ہیں

بےشک جو لوگ آخرت پر ایمان نہیں رکھتے وہ فرشتوں کو عورتوں کے نام سے موسوم کرتے ہیں۔

عبارت 4813

وَمَا لَهُم بِهِۦ مِنْ عِلْمٍ إِن يَتَّبِعُونَ إِلَّا ٱلظَّنَّ وَإِنَّ ٱلظَّنَّ لَا يُغْنِى مِنَ ٱلْحَقِّ شَيْـًٔا

حالانکہ ان کے پاس اس سلسلہ میں کوئی علم نہیں ہے یہ صرف وہم و گمان کے پیچھے چلے جارہے ہیں اور گمان حق کے بارے میں کوئی فائدہ نہیں پہنچا سکتا ہے

حالانکہ انہیں اس کا کوئی علم نہیں ہے وہ مخصوص ظن و گمان کی پیروی کرتے ہیں اور ظنِ حق کے مقابلہ میں ذرا بھی کام نہیں دے سکتا۔

عبارت 4814

فَأَعْرِضْ عَن مَّن تَوَلَّىٰ عَن ذِكْرِنَا وَلَمْ يُرِدْ إِلَّا ٱلْحَيَوٰةَ ٱلدُّنْيَا

لہذا جو شخص بھی ہمارے ذکر سے منہ پھیرے اور زندگانی دنیا کے علاوہ کچھ نہ چاہے آپ بھی اس سے کنارہ کش ہوجائیں

(اے رسول(ص)) آپ اس سے رُوگردانی کیجئے! جو ہمارے ذکر سے رُوگردانی کرتا ہے اور جو زندگانئ دنیا کے سوا اور کچھ نہیں چاہتا۔

عبارت 4815

ذَٰلِكَ مَبْلَغُهُم مِّنَ ٱلْعِلْمِ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ وَهُوَ أَعْلَمُ بِمَنِ ٱهْتَدَىٰ

یہی ان کے علم کی انتہا ہے اور بیشک آپ کا پروردگار خوب جانتا ہے کہ کون اس کے راستہ سے بہک گیا ہے اور کون ہدایت کے راستہ پر ہے

ان لوگوں کامبلغ علم یہی ہے (ان کے علم کی رسائی کی حد یہی ہے) آپ(ص) کا پروردگار ہی بہتر جانتا ہے کہ اس کے راستہ سے بھٹکا ہوا کون ہے؟ اور وہی بہتر جانتا ہے کہ راہِ راست پر کون ہے؟

عبارت 4816

وَلِلَّهِ مَا فِى ٱلسَّمَٰوَٰتِ وَمَا فِى ٱلْأَرْضِ لِيَجْزِىَ ٱلَّذِينَ أَسَٰٓـُٔوا۟ بِمَا عَمِلُوا۟ وَيَجْزِىَ ٱلَّذِينَ أَحْسَنُوا۟ بِٱلْحُسْنَى

اوراللہ ہی کے لئے زمین و آسمان کے کل اختیارات ہیں تاکہ وہ بدعمل افراد کو ان کے اعمال کی سزادے سکے اور نیک عمل کرنے والوں کو ان کے اعمال کا اچھا بدلہ دے سکے

اور جو آسمانوں میں ہے اور جو کچھ زمین میں ہے وہ اللہ ہی کا ہے تاکہ وہ برا کام کرنے والوں کو ان کے (برے) کاموں کا بدلہ دے اور نیک کرنے والوں کو اچھی جزا عطا کرے۔

عبارت 4817

ٱلَّذِينَ يَجْتَنِبُونَ كَبَٰٓئِرَ ٱلْإِثْمِ وَٱلْفَوَٰحِشَ إِلَّا ٱللَّمَمَ إِنَّ رَبَّكَ وَٰسِعُ ٱلْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ ٱلْأَرْضِ وَإِذْ أَنتُمْ أَجِنَّةٌ فِى بُطُونِ أُمَّهَٰتِكُمْ فَلَا تُزَكُّوٓا۟ أَنفُسَكُمْ هُوَ أَعْلَمُ بِمَنِ ٱتَّقَىٰٓ

جو لوگ گناہانِ کبیرہ اور فحش باتوں سے پرہیز کرتے ہیں (گناہان صغیرہ کے علاوہ) بیشک آپ کا پروردگار ان کے لئے بہت وسیع مغفرت والا ہے وہ اس وقت بھی تم سب کے حالات سے خوب واقف تھا جب اس نے تمہیں خاک سے پیدا کیا تھا اور اس وقت بھی جب تم ماں کے شکم میں جنین کی منزل میں تھے لہذا اپنے نفس کو زیادہ پاکیزہ قرار نہ دو وہ متقی افراد کو خوب پہچانتا ہے

جو کہ بڑے گناہوں اور بےحیائی کے کاموں سے پرہیز کرتے ہیں مگر یہ کہ کچھ ہلکے گناہ سر زد ہو جائیں۔ بےشک آپ کا پروردگار وسیع مغفرت والا ہے وہ تمہیں (اس وقت سے) خوب جانتا ہے جب اس نے تمہیں زمین سے پیدا کیا اور جب تم اپنی ماؤں کے پیٹوں میں جنین کی صورت میں تھے پس تم اپنے آپ کی پاکی کے دعوے نہ کرو۔ وہ (اللہ) بہتر جانتا ہے کہ واقعی پرہیزگار کون ہے؟

عبارت 4818

أَفَرَءَيْتَ ٱلَّذِى تَوَلَّىٰ

کیا آپ نے اسے بھی دیکھا ہے جس نے منہ پھیر لیا

(اے رسول(ص)) کیا آپ(ص) نے اس شخص کو دیکھا ہے جس نے رُوگردانی کی۔

عبارت 4819

وَأَعْطَىٰ قَلِيلًا وَأَكْدَىٰٓ

اور تھوڑا سا راسِ خدا میں دے کر بند کردیا

اس نے تھوڑا سا (مال) دیا اور پھر ہاتھ روک لیا۔

عبارت 4820

أَعِندَهُۥ عِلْمُ ٱلْغَيْبِ فَهُوَ يَرَىٰٓ

کیا اس کے پاس علم غیب ہے جس کے ذریعے وہ دیکھ رہا ہے

کیا اس کے پاس غیب کا علم ہے پس وہ دیکھ رہا ہے؟

عبارت 4821

أَمْ لَمْ يُنَبَّأْ بِمَا فِى صُحُفِ مُوسَىٰ

یا اسے اس بات کی خبر ہی نہیں ہے جو موسٰی علیھ السّلام کے صحیفوں میں تھی

کیا اسے اس بات کی خبر نہیں پہنچی جو موسیٰ (ع) کے صحیفوں میں ہے۔

عبارت 4822

وَإِبْرَٰهِيمَ ٱلَّذِى وَفَّىٰٓ

یا ابراہیم علیھ السّلام کے صحیفوں میں تھی جنہوں نے پورا پورا حق ادا کیا ہے

اور اس ابراہیم (ع) کے صحیفوں میں جس نے وفاداری کا حق ادا کر دیا۔

عبارت 4823

أَلَّا تَزِرُ وَازِرَةٌ وِزْرَ أُخْرَىٰ

کوئی شخص بھی دوسرے کا بوجھ اٹھانے والا نہیں ہے

کہ کوئی بوجھ اٹھانے والا کسی دوسرے کا بوجھ نہیں اٹھائے گا۔

عبارت 4824

وَأَن لَّيْسَ لِلْإِنسَٰنِ إِلَّا مَا سَعَىٰ

اور انسان کے لئے صرف اتنا ہی ہے جتنی اس نے کوشش کی ہے

اور یہ کہ انسان کے لئے وہی کچھ ہے جس کی وہ کوشش کرتا ہے۔

عبارت 4825

وَأَنَّ سَعْيَهُۥ سَوْفَ يُرَىٰ

اور اس کی کوشش عنقریب اس کے سامنے پیش کردی جائے گی

اور اس کی سعی و کوشش عنقریب دیکھی جائے گی۔

عبارت 4826

ثُمَّ يُجْزَىٰهُ ٱلْجَزَآءَ ٱلْأَوْفَىٰ

اس کے بعد اسے پورا بدلہ دیا جائے گا

اور پھر اسے پوری جزا دی جائے گی۔

عبارت 4827

وَأَنَّ إِلَىٰ رَبِّكَ ٱلْمُنتَهَىٰ

اور بیشک سب کی آخری منزل پروردگار کی بارگاہ ہے

اور یہ کہ سب کی انتہا آپ(ص) کے پروردگار کی طرف ہے۔

عبارت 4828

وَأَنَّهُۥ هُوَ أَضْحَكَ وَأَبْكَىٰ

اور یہ کہ اسی نے ہنسایا بھی ہے اور ----- فِلایا بھی ہے

بےشک وہی ہنساتا ہے اور رلاتا ہے۔

عبارت 4829

وَأَنَّهُۥ هُوَ أَمَاتَ وَأَحْيَا

اور وہی موت و حیات کا دینے والا ہے

اور وہی مارتا ہے اور جِلاتا ہے۔

عبارت 4830

وَأَنَّهُۥ خَلَقَ ٱلزَّوْجَيْنِ ٱلذَّكَرَ وَٱلْأُنثَىٰ

اور اسی نے نر اور مادہ کا جوڑا پیدا کیا ہے

اور یہ کہ اسی نے نر اور مادہ کے جوڑے پیدا کئے۔

عبارت 4831

مِن نُّطْفَةٍ إِذَا تُمْنَىٰ

اس نطفہ سے جو رحم میں ڈالا جاتا ہے

(وہ بھی) ایک نطفہ سے (جو رحم میں) ٹپکایا جاتا ہے۔

عبارت 4832

وَأَنَّ عَلَيْهِ ٱلنَّشْأَةَ ٱلْأُخْرَىٰ

اور اسی کے ذمہ دوسری زندگی بھی ہے

اور بیشک دوبارہ پیدا کرنا اسی (اللہ) کے ذمہ ہے۔

عبارت 4833

وَأَنَّهُۥ هُوَ أَغْنَىٰ وَأَقْنَىٰ

اور اسی نے مالدار بنایا ہے اور سرمایہ عطا کیا ہے

اور یہ کہ وہی سرمایہ دار بناتا ہے اور وہی فقیر و نادار بناتا ہے۔

عبارت 4834

وَأَنَّهُۥ هُوَ رَبُّ ٱلشِّعْرَىٰ

اور وہی ستارہ شعریٰ کا مالک ہے

اور یہ کہ وہ شعریٰ نامی ستارے کا پروردگار ہے۔

عبارت 4835

وَأَنَّهُۥٓ أَهْلَكَ عَادًا ٱلْأُولَىٰ

اور اسی نے پہلے قوم عاد کو ہلاک کیا ہے

اور یہ کہ اسی نے عادِ اول (قومِ ہود) کو ہلاک کیا۔

عبارت 4836

وَثَمُودَا۟ فَمَآ أَبْقَىٰ

اور قوم ثمود کو بھی پھر کسی کو باقی نہیں چھوڑا ہے

اور ثمود کو بھی اس طرح ہلاک کیا کہ کسی کو باقی نہیں چھوڑا۔

عبارت 4837

وَقَوْمَ نُوحٍ مِّن قَبْلُ إِنَّهُمْ كَانُوا۟ هُمْ أَظْلَمَ وَأَطْغَىٰ

اور قوم نوح کو ان سے پہلے .کہ وہ لوگ بڑے ظالم اور سرکش تھے

اوران سب سے پہلے قومِ نوح(ع) کو بھی (برباد کیا) بےشک وہ بڑے ظالم اور بڑے سرکش تھے۔

عبارت 4838

وَٱلْمُؤْتَفِكَةَ أَهْوَىٰ

اور اسی نے قوم لوط کی اُلٹی بستیوں کو پٹک دیا ہے

(لوط (ع)) کی الٹی ہوئی ان (بستیوں) کو بھی دے مارا۔

عبارت 4839

فَغَشَّىٰهَا مَا غَشَّىٰ

پھر ان کو ڈھانک لیا جس چیز نے کہ ڈھانک لیا

پس ان (بستیوں) کو ڈھانک لیا اس (آفت) نے جس نے ڈھانک لیا۔

عبارت 4840

فَبِأَىِّ ءَالَآءِ رَبِّكَ تَتَمَارَىٰ

اب تم اپنے پروردگار کی کس نعمت پر شک کررہے ہو

پس تو اے مخاطب اپنے پروردگار کی کن کن نعمتوں میں شک کرے گا۔

عبارت 4841

هَٰذَا نَذِيرٌ مِّنَ ٱلنُّذُرِ ٱلْأُولَىٰٓ

بیشک یہ پیغمبر بھی اگلے ڈرانے والوں میں سے ایک ڈرانے والا ہے

یہ (رسول(ص)) بھی ڈرانے والا ہے پہلے ڈرانے والے (رسولوں(ع)) سے۔

عبارت 4842

أَزِفَتِ ٱلْـَٔازِفَةُ

دیکھو قیامت قریب آگئی ہے

قریب آنے والی (قیامت) قریب آگئی ہے۔

عبارت 4843

لَيْسَ لَهَا مِن دُونِ ٱللَّهِ كَاشِفَةٌ

اللہ کے علاوہ کوئی اس کا ٹالنے والا نہیں ہے

اللہ کے سوا اس کا کوئی ہٹانے والانہیں ہے۔

عبارت 4844

أَفَمِنْ هَٰذَا ٱلْحَدِيثِ تَعْجَبُونَ

کیا تم اس بات سے تعجب کررہے ہو

کیا تم اس بات سے تعجب کرتے ہو؟

عبارت 4845

وَتَضْحَكُونَ وَلَا تَبْكُونَ

اور پھر ہنستے ہو اور روتے نہیں ہو

اور ہنستے ہو اور روتے نہیں۔

عبارت 4846

وَأَنتُمْ سَٰمِدُونَ

اور تم بالکل غافل ہو

اور تم غفلت میں مدہوش ہو۔

عبارت 4847

فَٱسْجُدُوا۟ لِلَّهِ وَٱعْبُدُوا۟

( اب سے غنیمت ہے) کہ اللہ کے لئے سجدہ کرو اور اس کی عبادت کرو

پس اللہ کے لئے سجدہ کرو اور(اسی کی) عبادت کرو۔