عبارت 3790
بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلصَّٰٓفَّٰتِ صَفًّا
باقاعدہ طور پر صفیں باندھنے والوں کی قسم
باقاعدہ طور پر صف باندھنے والی ہستیوں کی قسم۔
سورۃ الصافات
عبارت 3791
فَٱلزَّٰجِرَٰتِ زَجْرًا
پھر مکمل طریقہ سے تنبیہ کرنے والوں کی قسم
(برائی سے) جھڑکنے (اور) ڈانٹنے والی ہستیوں کی قسم۔
عبارت 3792
فَٱلتَّٰلِيَٰتِ ذِكْرًا
پھر ذکر خدا کی تلاوت کرنے والوں کی قسم
پھر ذکر (قرآن) کی تلاوت کرنے والی ہستیوں کی قسم۔
عبارت 3793
إِنَّ إِلَٰهَكُمْ لَوَٰحِدٌ
بیشک تمہارا خدا ایک ہے
تمہارا الٰہ (خدا) ایک ہی ہے۔
عبارت 3794
رَّبُّ ٱلسَّمَٰوَٰتِ وَٱلْأَرْضِ وَمَا بَيْنَهُمَا وَرَبُّ ٱلْمَشَٰرِقِ
وہ آسمان و زمین اور ان کے مابین کی تمام چیزوں کا پروردگار اور ہر مشرق کا مالک ہے
جو آسمانوں اور زمین کا اور جو کچھ ان کے درمیان ہے (سب کا) پروردگار ہے۔
عبارت 3795
إِنَّا زَيَّنَّا ٱلسَّمَآءَ ٱلدُّنْيَا بِزِينَةٍ ٱلْكَوَاكِبِ
بیشک ہم نے آسمان دنیا کو ستاروں سے مزین بنادیا ہے
بے شک ہم نے آسمانِ دنیا کو ستاروں کی آرائش سے آراستہ کیا ہے۔
عبارت 3796
وَحِفْظًا مِّن كُلِّ شَيْطَٰنٍ مَّارِدٍ
اور انہیں ہر سرکش شیطان سے حفاظت کا ذریعہ بنادیا ہے
اور ہر سرکش و شیطان کی (دراندازی سے اسے) محفوظ کر دیا ہے۔
عبارت 3797
لَّا يَسَّمَّعُونَ إِلَى ٱلْمَلَإِ ٱلْأَعْلَىٰ وَيُقْذَفُونَ مِن كُلِّ جَانِبٍ
کہ اب شیاطین عالم بالا کیباتیں سننے کی کوشش نہیں کرسکتے اور وہ ہر طرف سے مارے جائیں گے
(اب) ملاءِ اعلیٰ (عالمِ بالا) کی باتوں کو کان لگا کر نہیں سن سکتے اور وہ ہر طرف سے مارے جاتے ہیں۔
عبارت 3798
دُحُورًا وَلَهُمْ عَذَابٌ وَاصِبٌ
ہنکانے کے لئے اور ان کے لئے ہمیشہ ہمیشہ کا عذاب ہے
(ان کو) دھتکارنے (اور بھگانے) کیلئے اور ان کیلئے دائمی عذاب ہے۔
عبارت 3799
إِلَّا مَنْ خَطِفَ ٱلْخَطْفَةَ فَأَتْبَعَهُۥ شِهَابٌ ثَاقِبٌ
علاوہ اس کے جو کوئی بات اچک لے تو اس کے پیچھے آگ کا شعلہ لگ جاتا ہے
مگر یہ کہ کوئی شیطان (فرشتوں کی) کوئی اڑتی ہوئی خبر اچک لے تو ایک تیز شعلہ اس کا پیچھا کرتا ہے۔
عبارت 3800
فَٱسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَآ إِنَّا خَلَقْنَٰهُم مِّن طِينٍ لَّازِبٍۭ
اب ذرا ان سے دریافت کرو کہ یہ زیادہ دشوار گزار مخلوق ہیں یا جن کو ہم پیدا کرچکے ہیں ہم نے ان سب کو ایک لسدار مٹی سے پیدا کیا ہے
پس آپ(ص) ان سے پوچھئے کہ آیا ان کی خلقت زیادہ سخت ہے یا ان کی جن کو ہم نے پیدا کیا؟ بے شک ہم نے انہیں ایک لیس دار مٹی سے پیدا کیا ہے۔
عبارت 3801
بَلْ عَجِبْتَ وَيَسْخَرُونَ
بلکہ تم تعجب کرتے ہو اور یہ مذاق اڑاتے ہیں
تم تو (ان کے انکار پر) تعجب کرتے ہو مگر وہ اس کا مذاق اڑا رہے ہیں۔
عبارت 3802
وَإِذَا ذُكِّرُوا۟ لَا يَذْكُرُونَ
اور جب نصیحت کی جاتی ہے تو قبول نہیں کرتے ہیں
اور جب انہیں نصیحت کی جاتی ہے تو وہ قبول نہیں کرتے۔
عبارت 3803
وَإِذَا رَأَوْا۟ ءَايَةً يَسْتَسْخِرُونَ
اور جب کوئی نشانی دیکھ لیتے ہیں تو مسخرا پن کرتے ہیں
اور جب کوئی نشانی (معجزہ) دیکھتے ہیں تو اس کا مذاق اڑاتے ہیں۔
عبارت 3804
وَقَالُوٓا۟ إِنْ هَٰذَآ إِلَّا سِحْرٌ مُّبِينٌ
اور کہتے ہیں کہ یہ تو ایک کھلا ہوا جادو ہے
اور کہتے ہیں کہ یہ تو کھلا ہوا جادو ہے۔
عبارت 3805
أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَبْعُوثُونَ
کیا جب ہم مرجائیں گے اور مٹی اور ہڈی ہوجائیں گے تو کیا دوبارہ اٹھائیں جائیں گے
بھلا جب ہم مر جائیں گے اور (مر کر) مٹی اور ہڈیاں ہو جائیں گے تو کیا ہم (زندہ کر کے) اٹھائے جائیں گے۔
عبارت 3806
أَوَءَابَآؤُنَا ٱلْأَوَّلُونَ
اور کیا ہمارے اگلے باپ دادا بھی زندہ کئے جائیں گے
یا کیا ہمارے اگلے باپ دادا بھی (اٹھائے جائیں گے؟)
عبارت 3807
قُلْ نَعَمْ وَأَنتُمْ دَٰخِرُونَ
کہہ دیجئے کہ بیشک اور تم ذلیل بھی ہوگے
آپ کہیے کہ ہاں اور تم (اس وقت) ذلیل و خوار ہوگے۔
عبارت 3808
فَإِنَّمَا هِىَ زَجْرَةٌ وَٰحِدَةٌ فَإِذَا هُمْ يَنظُرُونَ
یہ قیامت تو صرف ایک للکار ہوگی جس کے بعد سب دیکھنے لگیں گے
بس وہ قیامت تو صرف ایک جھڑک ہوگی (اس کے بعد) ایک دم (زندہ ہو کر ادھر اُدھر) دیکھ رہے ہوں گے۔
عبارت 3809
وَقَالُوا۟ يَٰوَيْلَنَا هَٰذَا يَوْمُ ٱلدِّينِ
اور کہیں گے کہ ہائے افسوس یہ تو قیامت کا دن ہے
اور کہیں گے ہائے ہماری بدبختی! یہ تو جزا (و سزا) کا دن ہے۔
عبارت 3810
هَٰذَا يَوْمُ ٱلْفَصْلِ ٱلَّذِى كُنتُم بِهِۦ تُكَذِّبُونَ
بیشک یہی وہ فیصلہ کا دن ہے جسے تم لوگ جھٹلایا کرتے تھے
(ہاں) یہ وہی فیصلہ کا دن ہے جسے تم جھٹلایا کرتے تھے۔
عبارت 3811
ٱحْشُرُوا۟ ٱلَّذِينَ ظَلَمُوا۟ وَأَزْوَٰجَهُمْ وَمَا كَانُوا۟ يَعْبُدُونَ
فرشتو ذرا ان ظلم کرنے والوں کو اور ان کے ساتھیوں کو اور خدا کے علاوہ جن کی یہ عبادت کیا کرتے تھے سب کو اکٹھا تو کرو
(فرشتوں کو حکم ہوگا کہ) جن لوگوں نے ظلم کیا اور ان کے ہم مشربوں کو اور اللہ کو چھوڑ کر جن کی یہ پرستش کرتے تھے ان سب کو جمع کرو۔
عبارت 3812
مِن دُونِ ٱللَّهِ فَٱهْدُوهُمْ إِلَىٰ صِرَٰطِ ٱلْجَحِيمِ
اور ان کے تمام معبودوں کو اور ان کو جہّنم کا راستہ تو بتادو
اور پھر سب کو دوزخ کا راستہ دکھاؤ۔
عبارت 3813
وَقِفُوهُمْ إِنَّهُم مَّسْـُٔولُونَ
اور ذرا ان کو ٹہراؤ کہ ابھی ان سے کچھ سوال کیا جائے گا
اور انہیں ٹھہراؤ (ابھی) ان سے کچھ پوچھنا ہے۔
عبارت 3814
مَا لَكُمْ لَا تَنَاصَرُونَ
اب تمہیں کیا ہوگیا ہے کہ ایک دوسرے کی مدد کیوں نہیں کرتے ہو
تمہیں کیا ہوگیا ہے کہ تم ایک دوسرے کی مدد نہیں کرتے؟
عبارت 3815
بَلْ هُمُ ٱلْيَوْمَ مُسْتَسْلِمُونَ
بلکہ آج تو سب کے سب سر جھکائے ہوئے ہیں
بلکہ وہ تو آج سرِ تسلیم خم کئے ہوئے ہیں۔
عبارت 3816
وَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ
اور ایک دوسرے کی طرف رخ کرکے سوال کررہے ہیں
اور (اس کے بعد) ایک دوسرے کی طرف متوجہ ہوں گے (اور) باہم سوال و جواب کریں گے۔
عبارت 3817
قَالُوٓا۟ إِنَّكُمْ كُنتُمْ تَأْتُونَنَا عَنِ ٱلْيَمِينِ
کہتے ہیں کہ تم ہی تو ہو جو ہماری داہنی طرف سے آیا کرتے تھے
(کمزور گروہ دوسرے بڑے گروہ سے) کہے گا کہ تم ہی ہمارے پاس دائیں جانب سے (بڑی شد و مد سے) آیا کرتے تھے (اور ہمیں کفر پر آمادہ کرتے تھے)۔
عبارت 3818
قَالُوا۟ بَل لَّمْ تَكُونُوا۟ مُؤْمِنِينَ
وہ کہیں گے کہ نہیں تم خود ہی ایمان لانے والے نہیں تھے
وہ کہیں گے بلکہ تم خود ہی ایمان نہیں لائے تھے۔
عبارت 3819
وَمَا كَانَ لَنَا عَلَيْكُم مِّن سُلْطَٰنٍۭ بَلْ كُنتُمْ قَوْمًا طَٰغِينَ
اور ہماری تمہارے اوپر کوئی حکومت نہیں تھی بلکہ تم خود ہی سرکش قوم تھے
اور ہمارا تم پر کوئی زور نہیں تھا بلکہ تم خود ہی سرکش لوگ تھے۔
عبارت 3820
فَحَقَّ عَلَيْنَا قَوْلُ رَبِّنَآ إِنَّا لَذَآئِقُونَ
اب ہم سب پر خدا کا عذاب ثابت ہوگیا ہے اور سب کو اس کا مزہ چکھنا ہوگا
سو ہم پر ہمارے پروردگار کی بات پوری ہوگئی ہے اب ہم (سب عذابِ خداوندی کا مزہ) چکھنے والے ہیں۔
عبارت 3821
فَأَغْوَيْنَٰكُمْ إِنَّا كُنَّا غَٰوِينَ
ہم نے تم کو گمراہ کیا کہ ہم خود ہی گمراہ تھے
پس ہم نے تمہیں گمراہ کیا (کیونکہ) ہم خود بھی گمراہ تھے۔
عبارت 3822
فَإِنَّهُمْ يَوْمَئِذٍ فِى ٱلْعَذَابِ مُشْتَرِكُونَ
تو آج کے دن سب ہی عذاب میں برابر کے شریک ہوں گے
سو وہ سب اس دن عذاب میں باہم شریک ہوں گے۔
عبارت 3823
إِنَّا كَذَٰلِكَ نَفْعَلُ بِٱلْمُجْرِمِينَ
اور ہم اسی طرح مجرمین کے ساتھ برتاؤ کیا کرتے ہیں
بے شک ہم مجرموں کے ساتھ ایسا ہی سلوک کرتے ہیں۔
عبارت 3824
إِنَّهُمْ كَانُوٓا۟ إِذَا قِيلَ لَهُمْ لَآ إِلَٰهَ إِلَّا ٱللَّهُ يَسْتَكْبِرُونَ
ان سے جب کہا جاتا تھا کہ اللہ کے علاوہ کوئی خدا نہیں ہے تو اکڑ جاتے تھے
وہ ایسے (شریر) لوگ تھے کہ جب ان سے کہا جاتا تھا کہ اللہ کے سوا کوئی حقیقی معبود نہیں ہے تو یہ تکبر کیا کرتے تھے۔
عبارت 3825
وَيَقُولُونَ أَئِنَّا لَتَارِكُوٓا۟ ءَالِهَتِنَا لِشَاعِرٍ مَّجْنُونٍۭ
اور کہتے تھے کہ کیا ہم ایک مجنون شاعر کی خاطر اپنے خداؤں کو چھوڑ دیں گے
اور کہتے تھے کہ آیا ایک دیوانے شاعر کی خاطر ہم اپنے خداؤں کو چھوڑ دیں۔
عبارت 3826
بَلْ جَآءَ بِٱلْحَقِّ وَصَدَّقَ ٱلْمُرْسَلِينَ
حالانکہ وہ حق لے کر آیا تھا اور تمام رسولوں کی تصدیق کرنے والا تھا
حالانکہ وہ (دینِ) حق لے کر آیا تھا اور (سارے) رسولوں(ص) کی تصدیق کی تھی۔
عبارت 3827
إِنَّكُمْ لَذَآئِقُوا۟ ٱلْعَذَابِ ٱلْأَلِيمِ
بیشک تم سب دردناک عذاب کا مزہ چکھنے والے ہو
(اے مجرمو!) تم ضرور دردناک عذاب کا مزہ چکھنے والے ہو۔
عبارت 3828
وَمَا تُجْزَوْنَ إِلَّا مَا كُنتُمْ تَعْمَلُونَ
اور تمہیں تمہارے اعمال کے مطابق ہی بدلہ دیا جائے گا
اور تمہیں اسی کا بدلہ دیا جائے گا جو کچھ تم کیا کرتے تھے۔
عبارت 3829
إِلَّا عِبَادَ ٱللَّهِ ٱلْمُخْلَصِينَ
علاوہ اللہ کے مخلص بندوں کے
ہاں البتہ اللہ کے برگزیدہ بندے (اس سے مستثنیٰ ہوں گے)۔
عبارت 3830
أُو۟لَٰٓئِكَ لَهُمْ رِزْقٌ مَّعْلُومٌ
کہ ان کے لئے معین رزق ہے
یہ وہ (خوش نصیب) ہیں جن کیلئے معلوم و معین رزق ہے۔
عبارت 3831
فَوَٰكِهُ وَهُم مُّكْرَمُونَ
میوے ہیں اور وہ باعزت طریقہ سے رہیں گے
یعنی طرح طرح کے میوے اور وہ عزت و اکرام کے ساتھ ہوں گے۔
عبارت 3832
فِى جَنَّٰتِ ٱلنَّعِيمِ
نعمتوں سے بھری ہوئی جنّت میں
باغہائے بہشت میں۔
عبارت 3833
عَلَىٰ سُرُرٍ مُّتَقَٰبِلِينَ
آمنے سامنے تخت پر بیٹھے ہوئے
(مرصع) پلنگوں پر آمنے سامنے بیٹھے ہوں گے۔
عبارت 3834
يُطَافُ عَلَيْهِم بِكَأْسٍ مِّن مَّعِينٍۭ
ان کے گرد صاف شفاف شراب کا دور چل رہا ہوگا
(شرابِ طہور کے) جام چشموں سے پُر کرکے ان کے درمیان گردش کر رہے ہوں گے۔
عبارت 3835
بَيْضَآءَ لَذَّةٍ لِّلشَّٰرِبِينَ
سفید رنگ کی شراب جس میں پینے والے کو لطف آئے
(یعنی بالکل) سفید براق شراب جو پینے والوں کیلئے بڑی لذیذ ہوگی۔
عبارت 3836
لَا فِيهَا غَوْلٌ وَلَا هُمْ عَنْهَا يُنزَفُونَ
اس میں نہ کوئی درد سر ہو اور نہ ہوش و حواس گم ہونے پائیں
نہ اس میں دردِ سر و بدحواسی ہوگی اور نہ ہی مدہوشی کی وجہ سے وہ بہکی ہوئی باتیں کریں گے۔
عبارت 3837
وَعِندَهُمْ قَٰصِرَٰتُ ٱلطَّرْفِ عِينٌ
اور ان کے پاس محدود نظر رکھنے والی کشادہ چشم حوریں ہوں گی
اور ان کے پاس نگاہیں نیچے رکھنے والی (باحیا) اور غزال چشم (بیویاں) ہوں گی۔
عبارت 3838
كَأَنَّهُنَّ بَيْضٌ مَّكْنُونٌ
جن کا رنگ و روغن ایسا ہوگا جیسے چھپائے ہوئے انڈے رکھے ہوئے ہوں
(وہ رنگ و روپ اور نزاکت میں) گویا چھپے ہوئے انڈے ہیں۔
عبارت 3839
فَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ
پھر ایک دوسرے کی طرف رخ کرکے سوال کریں گے
پھر وہ (بہشتی لوگ) ایک دوسرے کی طرف متوجہ ہوں گے اور سوال و جواب کریں گے۔
عبارت 3840
قَالَ قَآئِلٌ مِّنْهُمْ إِنِّى كَانَ لِى قَرِينٌ
تو ان میں کا ایک کہے گا کہ دار دنیا میں ہمارا ایک ساتھی بھی تھا
(چنانچہ) ان میں سے ایک کہے گا کہ (دنیا میں) میرا ایک رفیق تھا۔
عبارت 3841
يَقُولُ أَءِنَّكَ لَمِنَ ٱلْمُصَدِّقِينَ
وہ کہا کرتا تھا کہ کیاتم بھی قیامت کی تصدیق کرنے والوں میں ہو
جو (مجھ سے) کہتا تھا کہ آیا تم بھی (قیامت کی) تصدیق کرتے ہو؟
عبارت 3842
أَءِذَا مِتْنَا وَكُنَّا تُرَابًا وَعِظَٰمًا أَءِنَّا لَمَدِينُونَ
کیا جب مرکر مٹی اور ہڈی ہوجائیں گے تو ہمیں ہمارے اعمال کا بدلہ دیا جائے گا
کب جب مر جائیں گے اور (سڑ گل کر) مٹی اور ہڈیاں ہو جائیں گے تو (اس وقت زندہ کرکے) ہمیں جزا و سزا دی جائے گی؟
عبارت 3843
قَالَ هَلْ أَنتُم مُّطَّلِعُونَ
کیا تم لوگ بھی اسے دیکھو گے
پھر وہ (اپنے جنتی ساتھیوں سے) کہے گا کیا تم اسے جھانک کر دیکھنا چاہتے ہو؟ (کہ اب وہ رفیق کہاں اور کس حال میں ہے؟)
عبارت 3844
فَٱطَّلَعَ فَرَءَاهُ فِى سَوَآءِ ٱلْجَحِيمِ
یہ کہہ کہ نگاہ ڈالی تو اسے بیچ جہّنم میں دیکھا
پھر جب وہ جھانک کر دیکھے گا تو اسے جہنم کے وسط میں پائے گا۔
عبارت 3845
قَالَ تَٱللَّهِ إِن كِدتَّ لَتُرْدِينِ
کہا کہ خدا کی قسم قریب تھا کہ تو مجھے بھی ہلاک کردیتا
اس وقت (اس سے خطاب کرکے) کہے گا کہ خدا کی قسم تو تو مجھے ہلاک کرنا ہی چاہتا تھا۔
عبارت 3846
وَلَوْلَا نِعْمَةُ رَبِّى لَكُنتُ مِنَ ٱلْمُحْضَرِينَ
اور میرے پروردگار کا احسان نہ ہوتا تو میں بھی یہیں حاضر کردیا جاتا
اور اگر میرے پروردگار کا فضل و کرم نہ ہوتا تو آج میں بھی اس گروہ میں شامل ہوتا جو پکڑ کر لایا گیا ہے۔
عبارت 3847
أَفَمَا نَحْنُ بِمَيِّتِينَ
کیا یہ صحیح نہیں ہے کہ ہم اب مرنے والے نہیں ہیں
(جنتی لوگ) کہیں گے کیا اب تو ہم نہیں مریں گے؟
عبارت 3848
إِلَّا مَوْتَتَنَا ٱلْأُولَىٰ وَمَا نَحْنُ بِمُعَذَّبِينَ
سوائے پہلی موت کے اور ہم پر عذاب ہونے والا بھی نہیں ہے
سوائے پہلی موت کے اور نہ ہی ہمیں کوئی عذاب ہوگا۔
عبارت 3849
إِنَّ هَٰذَا لَهُوَ ٱلْفَوْزُ ٱلْعَظِيمُ
یقینا یہ بہت بڑی کامیابی ہے
بے شک یہ بڑی کامیابی ہے۔
عبارت 3850
لِمِثْلِ هَٰذَا فَلْيَعْمَلِ ٱلْعَٰمِلُونَ
اسی دن کے لئے عمل کرنے والوں کو عمل کرنا چاہئے
ایسی ہی کامیابی کیلئے عمل کرنے والوں کو عمل کرنا چاہیے۔
عبارت 3851
أَذَٰلِكَ خَيْرٌ نُّزُلًا أَمْ شَجَرَةُ ٱلزَّقُّومِ
ذرا بتاؤ کہ یہ ن نعمتیں مہمانی کے واسطے بہتر ہیں یا تھوہڑ کا درخت
کیا یہ ضیافت اچھی ہے یا زقوم کا درخت؟
عبارت 3852
إِنَّا جَعَلْنَٰهَا فِتْنَةً لِّلظَّٰلِمِينَ
جسے ہم نے ظالمین کی آزمائش کے لئے قرار دیا ہے
جسے ہم نے ظالموں کیلئے آزمائش بنایا۔
عبارت 3853
إِنَّهَا شَجَرَةٌ تَخْرُجُ فِىٓ أَصْلِ ٱلْجَحِيمِ
یہ ایک درخت ہے جوجہّنم کی تہہ سے نکلتا ہے
وہ ایک درخت ہے جو جہنم کی گہرائی سے نکلتا ہے۔
عبارت 3854
طَلْعُهَا كَأَنَّهُۥ رُءُوسُ ٱلشَّيَٰطِينِ
اس کے پھل ایسے بدنما ہیں جیسے شیطانوں کے سر
اس کے شگوفے ایسے ہیں جیسے شیطانوں کے سر۔
عبارت 3855
فَإِنَّهُمْ لَـَٔاكِلُونَ مِنْهَا فَمَالِـُٔونَ مِنْهَا ٱلْبُطُونَ
مگر یہ جہنّمی اسی کو کھائیں گے اور اسی سے پیٹ بھریں گے
جہنمی لوگ اسے کھائیں گے اور اسی سے پیٹ بھریں گے۔
عبارت 3856
ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ
پھر ان کے پینے کے لئے گرما گرم پانی ہوگا جس میں پیپ وغیرہ کی آمیزش ہوگی
(پھر زقوم کھانے کے بعد) انہیں (پینے کیلئے) کھولتا ہوا پانی ملا کر دیا جائے گا۔
عبارت 3857
ثُمَّ إِنَّ مَرْجِعَهُمْ لَإِلَى ٱلْجَحِيمِ
پھر ان سب کا آخری انجام جہّنم ہوگا
پھر ان کی بازگشت جہنم ہی کی طرف ہوگی۔
عبارت 3858
إِنَّهُمْ أَلْفَوْا۟ ءَابَآءَهُمْ ضَآلِّينَ
انہوں نے اپنے باپ دادا کو گمراہ پایا تھا
ان لوگوں نے اپنے باپ دادا کو گمراہ پایا۔
عبارت 3859
فَهُمْ عَلَىٰٓ ءَاثَٰرِهِمْ يُهْرَعُونَ
تو ان ہی کے نقش قدم پر بھاگتے چلے گئے
اور یہ (بے سوچے سمجھے) انہی کے نقش قدم پر دوڑتے رہے۔
عبارت 3860
وَلَقَدْ ضَلَّ قَبْلَهُمْ أَكْثَرُ ٱلْأَوَّلِينَ
اور یقینا ان سے پہلے بزرگوں کی ایک بڑی جماعت گمراہ ہوچکی ہے
اور بے شک ان سے پہلے بھی اگلوں میں اکثر لوگ گمراہ ہو چکے تھے۔
عبارت 3861
وَلَقَدْ أَرْسَلْنَا فِيهِم مُّنذِرِينَ
اور ہم نے ان کے درمیان ڈرانے والے پیغمبر علیھ السّلام بھیجے
اور ہم نے ان میں ڈرانے والے (رسول) بھیجے تھے۔
عبارت 3862
فَٱنظُرْ كَيْفَ كَانَ عَٰقِبَةُ ٱلْمُنذَرِينَ
تو اب دیکھو کہ جنہیں ڈرایا جاتا ہے ان کے نہ ماننے کا انجام کیا ہوتا ہے
تو دیکھو کہ ڈرائے ہوؤں کا انجام کیا ہوا؟
عبارت 3863
إِلَّا عِبَادَ ٱللَّهِ ٱلْمُخْلَصِينَ
علاوہ ان لوگوں کے جو اللہ کے مخلص بندے ہوتے ہیں
ہاں البتہ اللہ کے برگزیدہ بندے اس سے مستثنیٰ ہیں۔
عبارت 3864
وَلَقَدْ نَادَىٰنَا نُوحٌ فَلَنِعْمَ ٱلْمُجِيبُونَ
اور یقینا نوح علیھ السّلامنے ہم کو آواز دی تو ہم بہترین قبول کرنے والے ہیں
اور یقینا نوح(ع) نے ہم کو پکارا تو ہم کیا اچھا جواب دینے والے تھے۔
عبارت 3865
وَنَجَّيْنَٰهُ وَأَهْلَهُۥ مِنَ ٱلْكَرْبِ ٱلْعَظِيمِ
اور ہم نے انہیں اور ان کے اہل کو بہت بڑے کرب سے نجات دے دی ہے
اور ہم نے انہیں اور ان کے اہل کو سخت تکلیف سے نجات دی۔
عبارت 3866
وَجَعَلْنَا ذُرِّيَّتَهُۥ هُمُ ٱلْبَاقِينَ
اور ہم نے ان کی اولاد ہی کو باقی رہنے والوں میں قرار دیا
اور ہم نے انہی کی نسل کو باقی رہنے والا بنایا۔
عبارت 3867
وَتَرَكْنَا عَلَيْهِ فِى ٱلْـَٔاخِرِينَ
اور ان کے تذکرہ کو آنے والی نسلوں میں برقرار رکھا
اور ہم نے بعد میں آنے والے لوگوں میں ان کا ذکرِ خیر باقی رکھا۔
عبارت 3868
سَلَٰمٌ عَلَىٰ نُوحٍ فِى ٱلْعَٰلَمِينَ
ساری خدائی میں نوح علیھ السّلام پر ہمارا سلام
تمام جہانوں میں نوح(ع) پر سلام ہو۔
عبارت 3869
إِنَّا كَذَٰلِكَ نَجْزِى ٱلْمُحْسِنِينَ
ہم اسی طرح نیک عمل کرنے والوں کو جزا دیتے ہیں
بیشک ہم نیکی کرنے والوں کو ایسی ہی جزا دیتے ہیں۔
عبارت 3870
إِنَّهُۥ مِنْ عِبَادِنَا ٱلْمُؤْمِنِينَ
وہ ہمارے ایماندار بندوں میں سے تھے
بے شک وہ ہمارے ایماندار بندوں میں سے تھے۔
عبارت 3871
ثُمَّ أَغْرَقْنَا ٱلْـَٔاخَرِينَ
پھر ہم نے باقی سب کو غرق کردیا
پھر دوسرے لوگوں کو ہم نے غرق کر دیا۔
عبارت 3872
وَإِنَّ مِن شِيعَتِهِۦ لَإِبْرَٰهِيمَ
اور یقینا نوح علیھ السّلام ہی کے پیروکاروں میں سے ابراہیم علیھ السّلام بھی تھے
اور انہی (نوح(ع)) کے پیروکاروں میں سے ابراہیم(ع) بھی تھے۔
عبارت 3873
إِذْ جَآءَ رَبَّهُۥ بِقَلْبٍ سَلِيمٍ
جب اللہ کی بارگاہ میں قلب سلیم کے ساتھ حاضر ہوئے
جبکہ وہ اپنے پروردگار کی بارگاہ میں قلبِ سلیم کے ساتھ حاضر ہوئے۔
عبارت 3874
إِذْ قَالَ لِأَبِيهِ وَقَوْمِهِۦ مَاذَا تَعْبُدُونَ
جب اپنے مربّی باپ اور اپنی قوم سے کہا کہ تم لوگ کس کی عبادت کررہے ہو
جبکہ انہوں نے اپنے باپ (یعنی چچا) اور اپنی قوم سے کہا کہ تم کس چیز کی عبادت کرتے ہو؟
عبارت 3875
أَئِفْكًا ءَالِهَةً دُونَ ٱللَّهِ تُرِيدُونَ
کیا خدا کو چھوڑ کر ان خود ساختہ خداؤں کے طلب گار بن گئے ہو
کیا تم اللہ کو چھوڑ کر جھوٹے گھڑے ہوئے خداؤں کو چاہتے ہو۔
عبارت 3876
فَمَا ظَنُّكُم بِرَبِّ ٱلْعَٰلَمِينَ
تو پھر رب العالمین کے بارے میں تمہارا کیا خیال ہے
آخر تمام جہانوں کے پروردگار کے بارے میں تمہارا کیا خیال ہے؟
عبارت 3877
فَنَظَرَ نَظْرَةً فِى ٱلنُّجُومِ
پھر ابراہیم علیھ السّلام نے ستاروں میں وقت نظر سے کام لیا
پھر آپ نے ستاروں پر ایک نگاہ ڈالی۔
عبارت 3878
فَقَالَ إِنِّى سَقِيمٌ
اور کہا کہ میں بیمار ہوں
اور کہا کہ میں بیمار ہونے والا ہوں۔
عبارت 3879
فَتَوَلَّوْا۟ عَنْهُ مُدْبِرِينَ
تو وہ لوگ منہ پھیر کر چلے گئے
اس پر وہ لوگ پیٹھ پھیر کر ان کے پاس سے چلے گئے۔
عبارت 3880
فَرَاغَ إِلَىٰٓ ءَالِهَتِهِمْ فَقَالَ أَلَا تَأْكُلُونَ
اور ابراہیم علیھ السّلام نے ان کے خداؤں کی طرف رخ کرکے کہا کہ تم لوگ کچھ کھاتے کیوں نہیں ہو
پس چپکے سے ان کے دیوتاؤں کی طرف گئے اور (ان سے) کہا کہ تم کھاتے کیوں نہیں؟
عبارت 3881
مَا لَكُمْ لَا تَنطِقُونَ
تمہیں کیا ہوگیا ہے کہ بولتے بھی نہیں ہو
تمہیں کیا ہوگیا ہے کہ تم بولتے بھی نہیں ہو۔
عبارت 3882
فَرَاغَ عَلَيْهِمْ ضَرْبًۢا بِٱلْيَمِينِ
پھر ان کی مرمت کی طرف متوجہ ہوگئے
پھر ان پر پَل پڑے اور اپنے دائیں ہاتھ سے خوب ضربیں لگائیں۔
عبارت 3883
فَأَقْبَلُوٓا۟ إِلَيْهِ يَزِفُّونَ
تو وہ لوگ دوڑتے ہوئے ابراہیم علیھ السّلام کے پاس آئے
پھر وہ لوگ دوڑتے ہوئے ان (ابراہیم(ع)) کے پاس آئے۔
عبارت 3884
قَالَ أَتَعْبُدُونَ مَا تَنْحِتُونَ
تو ابراہیم علیھ السّلامنے کہا کہ کیا تم لوگ اپے ہاتھوں کے تراشیدہ بتوں کی پرستش کرتے ہو
آپ(ع) نے کہا کیا تم ان چیزوں کی پرستش کرتے ہو جنہیں خود تراشتے ہو؟
عبارت 3885
وَٱللَّهُ خَلَقَكُمْ وَمَا تَعْمَلُونَ
جب کہ خدا نے تمہیں اور ان کو سبھی کو پیدا کیا ہے
حالانکہ اللہ ہی نے تم کو پیدا کیا ہے اور ان چیزوں کو بھی جو تم بناتے ہو۔
عبارت 3886
قَالُوا۟ ٱبْنُوا۟ لَهُۥ بُنْيَٰنًا فَأَلْقُوهُ فِى ٱلْجَحِيمِ
ان لوگوں نے کہا کہ ایک عمارت بناکر کر آگ جلا کر انہیں آگ میں ڈال دو
ان لوگوں نے کہا کہ ان کیلئے ایک آتش کدہ بناؤ اور اسے دہکتی ہوئی آگ میں ڈال دو۔
عبارت 3887
فَأَرَادُوا۟ بِهِۦ كَيْدًا فَجَعَلْنَٰهُمُ ٱلْأَسْفَلِينَ
ان لوگوں نے ایک چال چلنا چاہی لیکن ہم نے انہیں پست اور ذلیل کردیا
سو انہوں نے آپ(ع) کے خلاف چال چلنا چاہی مگر ہم نے انہی کو نیچا دکھا دیا۔
عبارت 3888
وَقَالَ إِنِّى ذَاهِبٌ إِلَىٰ رَبِّى سَيَهْدِينِ
اور ابراہیم علیھ السّلامنے کہا کہ میں اپنے پروردگار کی طرف جارہا ہوں کہ وہ میری ہدایت کردے گا
آپ(ع) نے فرمایا کہ میں اپنے پروردگار کی طرف جاتا ہوں وہ میری راہنمائی فرمائے گا۔
عبارت 3889
رَبِّ هَبْ لِى مِنَ ٱلصَّٰلِحِينَ
پروردگار مجھے ایک صالح فرزند عطا فرما
(اور عرض کیا) اے میرے پروردگار مجھے ایک بیٹا عطا فرما جو صالحین میں سے ہو۔
عبارت 3890
فَبَشَّرْنَٰهُ بِغُلَٰمٍ حَلِيمٍ
پھر ہم نے انہیں ایک نیک دل فرزند کی بشارت دی
(اس دعا کے بعد) ہم نے ان کو ایک حلیم و بردبار بیٹے کی بشارت دی۔
عبارت 3891
فَلَمَّا بَلَغَ مَعَهُ ٱلسَّعْىَ قَالَ يَٰبُنَىَّ إِنِّىٓ أَرَىٰ فِى ٱلْمَنَامِ أَنِّىٓ أَذْبَحُكَ فَٱنظُرْ مَاذَا تَرَىٰ قَالَ يَٰٓأَبَتِ ٱفْعَلْ مَا تُؤْمَرُ سَتَجِدُنِىٓ إِن شَآءَ ٱللَّهُ مِنَ ٱلصَّٰبِرِينَ
پھر جب وہ فرزند ان کے ساتھ دوڑ دھوپ کرنے کے قابل ہوگیا تو انہوں نے کہا کہ بیٹا میں خواب میں دیکھ رہا ہوں کہ میں تمہیں ذبح کررہا ہوں اب تم بتاؤ کہ تمہارا کیا خیال ہے فرزند نے جواب دیا کہ بابا جو آپ کو حکم دیا جارہا ہے اس پر عمل کریں انشائ اللہ آپ مجھے صبر کرنے والوں میں سے پائیں گے
پس جب وہ لڑکا آپ کے ساتھ چلنے پھرنے کے قابل ہوا تو آپ(ع) نے فرمایا (اے بیٹا) میں نے خواب میں دیکھا ہے کہ میں تمہیں ذبح کر رہا ہوں تم غور کرکے بتاؤ کہ تمہاری رائے کیا ہے؟ عرض کیا بابا جان! آپ کو جو حکم دیا گیا ہے وہ بجا لائیے اللہ نے چاہا تو آپ مجھے صبر کرنے والوں میں سے پائیں گے۔
عبارت 3892
فَلَمَّآ أَسْلَمَا وَتَلَّهُۥ لِلْجَبِينِ
پھر جب دونوں نے سر تسلیم خم کردیا اور باپ نے بیٹے کو ماتھے کے بل لٹادیا
پس جب دونوں (باپ بیٹے) نے سرِ تسلیم خم کر دیا اور باپ نے بیٹے کو پیشانی کے بل لٹا دیا۔
عبارت 3893
وَنَٰدَيْنَٰهُ أَن يَٰٓإِبْرَٰهِيمُ
اور ہم نے آواز دی کہ اے ابراہیم علیھ السّلام
تو ہم نے ندا دی اے ابراہیم(ع)!
عبارت 3894
قَدْ صَدَّقْتَ ٱلرُّءْيَآ إِنَّا كَذَٰلِكَ نَجْزِى ٱلْمُحْسِنِينَ
تم نے اپنا خواب سچ کر دکھایا ہم اسی طرح حسن عمل والوں کو جزا دیتے ہیں
تم نے (اپنے) خواب کو سچ کر دکھایا بے شک ہم نیکوکاروں کو اسی طرح جزا دیتے ہیں۔
عبارت 3895
إِنَّ هَٰذَا لَهُوَ ٱلْبَلَٰٓؤُا۟ ٱلْمُبِينُ
بیشک یہ بڑا کھلا ہوا امتحان ہے
بے شک یہ ایک کھلی ہوئی آزمائش تھی۔
عبارت 3896
وَفَدَيْنَٰهُ بِذِبْحٍ عَظِيمٍ
اور ہم نے اس کا بدلہ ایک عظیم قربانی کو قرار دے دیا ہے
اور ہم نے ایک عظیم قربانی کے عوض اس کو چھڑا لیا۔
عبارت 3897
وَتَرَكْنَا عَلَيْهِ فِى ٱلْـَٔاخِرِينَ
اور اس کا تذکرہ آخری دور تک باقی رکھا ہے
اور ہم نے اس کا ذکر خیر آنے والوں میں چھوڑا۔
عبارت 3898
سَلَٰمٌ عَلَىٰٓ إِبْرَٰهِيمَ
سلام ہو ابراہیم علیھ السّلامپر
سلام ہو ابراہیم(ع) پر۔
عبارت 3899
كَذَٰلِكَ نَجْزِى ٱلْمُحْسِنِينَ
ہم اسی طرح حَسن عمل والوں کو جزا دیا کرتے ہیں
ہم اسی طرح نیکوکاروں کو جزا دیتے ہیں۔
عبارت 3900
إِنَّهُۥ مِنْ عِبَادِنَا ٱلْمُؤْمِنِينَ
بیشک ابراہیم علیھ السّلامہمارے مومن بندوں میں سے تھے
یقیناً وہ ہمارے ایمانداروں میں سے تھے۔
عبارت 3901
وَبَشَّرْنَٰهُ بِإِسْحَٰقَ نَبِيًّا مِّنَ ٱلصَّٰلِحِينَ
اور ہم نے انہیں اسحاق علیھ السّلامکی بشارت دی جو نبی اور نیک بندوں میں سے تھے
اور ہم نے انہیں اسحاق(ع) کی بشارت دی جو نیک بندوں میں سے نبی ہوں گے۔
عبارت 3902
وَبَٰرَكْنَا عَلَيْهِ وَعَلَىٰٓ إِسْحَٰقَ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِۦ مُبِينٌ
اور ہم نے ان پر اور اسحاق علیھ السّلامپر برکت نازل کی اور ان کی اولاد میں بعض نیک کردار اور بعض کِھلم کِھلا اپنے نفس پر ظلم کرنے والے ہیں
اور ہم نے انہیں اور اسحاق(ع) کو برکت عطا کی اور ان دونوں کی اولاد میں سے نیوکار بھی ہوں گے اور اپنے نفس پر کھلا ظلم کرنے والے بھی۔
عبارت 3903
وَلَقَدْ مَنَنَّا عَلَىٰ مُوسَىٰ وَهَٰرُونَ
اور ہم نے موسٰی علیھ السّلام اور ہارون علیھ السّلامپر بھی احسان کیا ہے
بے شک ہم نے موسیٰ(ع) و ہارون(ع) پر (بھی) احسان کیا۔
عبارت 3904
وَنَجَّيْنَٰهُمَا وَقَوْمَهُمَا مِنَ ٱلْكَرْبِ ٱلْعَظِيمِ
اور انہیں اور ان کی قوم کو عظیم کرب سے نجات دلائی ہے
اور ہم نے ان دونوں کو اور ان کی قوم کو عظیم کرب و بلا سے نجات دی۔
عبارت 3905
وَنَصَرْنَٰهُمْ فَكَانُوا۟ هُمُ ٱلْغَٰلِبِينَ
اور ان کی مدد کی ہے تو وہ غلبہ حاصل کرنے والوں میں ہوگئے ہیں
اور ہم نے ان کی مدد کی (جس کی وجہ سے) وہی غالب رہے۔
عبارت 3906
وَءَاتَيْنَٰهُمَا ٱلْكِتَٰبَ ٱلْمُسْتَبِينَ
اور ہم نے انہیں واضح مطالب والی کتاب عطا کی ہے
اور ہم نے ان دونوں کو واضح کتاب (توراۃ) عطا کی۔
عبارت 3907
وَهَدَيْنَٰهُمَا ٱلصِّرَٰطَ ٱلْمُسْتَقِيمَ
اور دونوں کو سیدھے راستہ کی ہدایت بھی دی ہے
اور ہم نے (ہی) ان دونوں کو راہِ راست دکھائی۔
عبارت 3908
وَتَرَكْنَا عَلَيْهِمَا فِى ٱلْـَٔاخِرِينَ
اور ان کا تذکرہ بھی اگلی نسلوں میں باقی رکھا ہے
اور ہم نے آئندہ آنے والوں میں ان کا ذکرِ خیر باقی رکھا۔
عبارت 3909
سَلَٰمٌ عَلَىٰ مُوسَىٰ وَهَٰرُونَ
سلام ہو موسٰی علیھ السّلاماور ہارون علیھ السّلامپر
موسیٰ(ع) و ہارون(ع) پر سلام ہو۔
عبارت 3910
إِنَّا كَذَٰلِكَ نَجْزِى ٱلْمُحْسِنِينَ
ہم اسی طرح نیک عمل کرنے والوں کو بدلہ دیا کرتے ہیں
اسی طرح ہم نیکوکاروں کو جزا دیتے ہیں۔
عبارت 3911
إِنَّهُمَا مِنْ عِبَادِنَا ٱلْمُؤْمِنِينَ
بیشک وہ دونوں ہمارے مومن بندوں میں سے تھے
بیشک یہ دونوں ہمارے مؤمن بندوں میں سے تھے۔
عبارت 3912
وَإِنَّ إِلْيَاسَ لَمِنَ ٱلْمُرْسَلِينَ
اور یقینا الیاس علیھ السّلام بھی مرسلین میں سے تھے
اور بے شک الیاس(ع) (بھی) پیغمبروں میں سے تھے۔
عبارت 3913
إِذْ قَالَ لِقَوْمِهِۦٓ أَلَا تَتَّقُونَ
جب انہوں نے اپنی قوم سے کہا کہ تم لوگ خدا سے کیوں نہیں ڈرتے ہو
(وہ وقت یاد کرو) جب انہوں نے اپنی قوم سے کہا کہ تم (اللہ سے) ڈرتے نہیں ہو؟
عبارت 3914
أَتَدْعُونَ بَعْلًا وَتَذَرُونَ أَحْسَنَ ٱلْخَٰلِقِينَ
کیا تم لوگ بعل کو آواز دیتے ہو اور بہترین خلق کرنے والے کو چھوڑ دیتے ہو
کیا تم بعل (نامی بت) کو پکارتے ہو (اور اس کی پرستش کرتے ہو) اور بہترین خالق اللہ کو چھوڑتے ہو۔
عبارت 3915
ٱللَّهَ رَبَّكُمْ وَرَبَّ ءَابَآئِكُمُ ٱلْأَوَّلِينَ
جب کہ وہ اللہ تمہارے اور تمہارے باپ داد کا پالنے والا ہے
جو تمہارا بھی پروردگار ہے اور تمہارے پہلے والے آباء و اجداد کا بھی پروردگار ہے۔
عبارت 3916
فَكَذَّبُوهُ فَإِنَّهُمْ لَمُحْضَرُونَ
پھر ان لوگوں نے رسول کی تکذیب کی تو سب کے سب جہنمّ میں گرفتار کئے جائیں گے
سو ان لوگوں نے انہیں جھٹلایا۔ لہٰذا وہ (سزا کیلئے) ضرور (پکڑ کر) حاضر کئے جائیں گے۔
عبارت 3917
إِلَّا عِبَادَ ٱللَّهِ ٱلْمُخْلَصِينَ
علاوہ اللہ کے مخلص بندوں کے
ہاں البتہ جو اللہ کے مخلص اور برگزیدہ بندے ہیں وہ اس سے مستثنیٰ ہیں۔
عبارت 3918
وَتَرَكْنَا عَلَيْهِ فِى ٱلْـَٔاخِرِينَ
اور ہم نے ان کا تذکرہ بھی بعد کی نسلوں میں باقی رکھ دیا ہے
اور ہم نے آئندہ آنے والوں میں ان کا ذکرِ خیر باقی رکھا۔
عبارت 3919
سَلَٰمٌ عَلَىٰٓ إِلْ يَاسِينَ
سلام ہو آل یاسین علیھ السّلامپر
سلام ہو الیاس(ع)(ع)(ع) پر۔
عبارت 3920
إِنَّا كَذَٰلِكَ نَجْزِى ٱلْمُحْسِنِينَ
ہم اسی طرح حسوُ عمل والوں کو جزا دیا کرتے ہیں
ہم اسی طرح نیکوکاروں کو جزا دیتے ہیں۔
عبارت 3921
إِنَّهُۥ مِنْ عِبَادِنَا ٱلْمُؤْمِنِينَ
بیشک وہ ہمارے باایمان بندوں میں سے تھے
بیشک وہ مؤمن بندوں میں سے تھے۔
عبارت 3922
وَإِنَّ لُوطًا لَّمِنَ ٱلْمُرْسَلِينَ
اور لوط بھی یقینا مرسلین میں تھے
اور یقیناً لوط(ع) (بھی) پیغمبروں میں سے تھے۔
عبارت 3923
إِذْ نَجَّيْنَٰهُ وَأَهْلَهُۥٓ أَجْمَعِينَ
تو ہم نے انہیں اور ان کے تمام گھروالوں کو نجات دے دی
جب کہ ہم نے انہیں اور ان کے گھر والوں کو نجات دی۔
عبارت 3924
إِلَّا عَجُوزًا فِى ٱلْغَٰبِرِينَ
علاوہ ان کی زوجہ کے کہ وہ پیچھے رہ جانے والوں میں شامل ہوگئی تھی
سوائے ایک بڑھیا (بیوی) کے جو پیچھے رہ جانے والوں میں سے تھی۔
عبارت 3925
ثُمَّ دَمَّرْنَا ٱلْـَٔاخَرِينَ
پھر ہم نے سب کو تباہ و برباد بھی کردیا
پھر دوسروں کو ہم نے تہس نہس کر دیا۔
عبارت 3926
وَإِنَّكُمْ لَتَمُرُّونَ عَلَيْهِم مُّصْبِحِينَ
تم ان کی طرف سے برابر صبح کو گزرتے رہتے ہو
اور تم لوگ صبح بھی ان (کی ویران شدہ بستیوں) پر سے گزرتے ہو۔
عبارت 3927
وَبِٱلَّيْلِ أَفَلَا تَعْقِلُونَ
اور رات کے وقت بھی تو کیا تمہیں عقل نہیں آرہی ہے
اور شام کو بھی کیا پھر بھی عقل سے کام نہیں لیتے؟
عبارت 3928
وَإِنَّ يُونُسَ لَمِنَ ٱلْمُرْسَلِينَ
اور بیشک یونس علیھ السّلام بھی مرسلین میں سے تھے
اور یقیناً یونس(ع) (بھی) پیغمبروں میں سے تھے۔
عبارت 3929
إِذْ أَبَقَ إِلَى ٱلْفُلْكِ ٱلْمَشْحُونِ
جب وہ بھاگ کر ایک بھری ہوئی کشتی کی طرف گئے
جبکہ وہ (سوار ہونے کیلئے) بھری ہوئی کشتی کی طرف بھاگ کر گئے۔
عبارت 3930
فَسَاهَمَ فَكَانَ مِنَ ٱلْمُدْحَضِينَ
اور اہل کشتی نے قرعہ نکالا تو انہیں شرمندگی کا سامنا کرنا پڑا
پھر وہ قرعہ اندازی میں شریک ہوئے تو وہ پھینک دیئے گئے۔
عبارت 3931
فَٱلْتَقَمَهُ ٱلْحُوتُ وَهُوَ مُلِيمٌ
پھر انہیں مچھلی نے نگل لیا جب کہ وہ خود اپنے نفس کی ملامت کررہے تھے
تو انہیں مچھلی نے نگل لیا درآنحالیکہ کہ وہ (اپنے آپ کو) ملامت کر رہے تھے۔
عبارت 3932
فَلَوْلَآ أَنَّهُۥ كَانَ مِنَ ٱلْمُسَبِّحِينَ
پھر اگر وہ تسبیح کرنے والوں میں سے نہ ہوتے
پس اگر وہ تسبیح (خدا) کرنے والوں میں سے نہ ہوتے۔
عبارت 3933
لَلَبِثَ فِى بَطْنِهِۦٓ إِلَىٰ يَوْمِ يُبْعَثُونَ
تو روزِ قیامت تک اسی کے شکم میں رہ جاتے
تو (دوبارہ) اٹھائے جانے والے دن (قیامت) تک اسی (مچھلی) کے پیٹ میں رہتے۔
عبارت 3934
فَنَبَذْنَٰهُ بِٱلْعَرَآءِ وَهُوَ سَقِيمٌ
پھر ہم نے ان کو ایک میدان میں ڈال دیا جب کہ وہ مریض بھی ہوگئے تھے
سو ہم نے انہیں (مچھلی کے پیٹ سے نکال کر) ایک کھلے میدان میں ڈال دیا۔ اس حال میں کہ وہ بیمار تھے۔
عبارت 3935
وَأَنۢبَتْنَا عَلَيْهِ شَجَرَةً مِّن يَقْطِينٍ
اور ان پر ایک کدو کا درخت اُگادیا
اور ہم نے ان پر (سایہ کرنے کیلئے) کدو کا ایک درخت لگا دیا۔
عبارت 3936
وَأَرْسَلْنَٰهُ إِلَىٰ مِا۟ئَةِ أَلْفٍ أَوْ يَزِيدُونَ
اور انہیں ایک لاکھ یا اس سے زیادہ کی قوم کی طرف نمائندہ بناکر بھیجا
اور ہم نے ان کو ایک لاکھ یا اس سے کچھ زیادہ لوگوں کی طرف بھیجا۔
عبارت 3937
فَـَٔامَنُوا۟ فَمَتَّعْنَٰهُمْ إِلَىٰ حِينٍ
تو وہ لوگ ایمان لے آئے اور ہم نے بھی ایک مدّت تک انہیں آرام بھی دیا
پس وہ ایمان لائے تو ہم نے انہیں ایک مدت تک (زندگی سے) لطف اندوز ہونے دیا۔
عبارت 3938
فَٱسْتَفْتِهِمْ أَلِرَبِّكَ ٱلْبَنَاتُ وَلَهُمُ ٱلْبَنُونَ
پھر اے پیغمبر ان کفار سے پوچھئے کہ کیا تمہارے پروردگار کے پاس لڑکیاں ہیں اور تمہارے پاس لڑکے ہیں
ان سے ذرا پوچھئے! کہ تمہارے پروردگار کیلئے بیٹیاں ہیں اور خود ان کیلئے بیٹے؟
عبارت 3939
أَمْ خَلَقْنَا ٱلْمَلَٰٓئِكَةَ إِنَٰثًا وَهُمْ شَٰهِدُونَ
یا ہم نے ملائکہ کو لڑکیوں کی شکل میں پیدا کیا ہے اور یہ اس کے گواہ ہیں
کیا ہم نے فرشتوں کو عورت پیدا کیا اور وہ دیکھ رہے تھے؟
عبارت 3940
أَلَآ إِنَّهُم مِّنْ إِفْكِهِمْ لَيَقُولُونَ
آگاہ ہوجاؤ کہ یہ لوگ اپنی من گھڑت کے طور پر یہ باتیں بناتے ہیں
آگاہ ہو جاؤ کہ یہ دروغ بافی کرتے ہیں۔
عبارت 3941
وَلَدَ ٱللَّهُ وَإِنَّهُمْ لَكَٰذِبُونَ
کہ اللہ کے یہاں فرزند پیدا ہوا ہے اور یہ لوگ بالکل جھوٹے ہیں
جب کہتے ہیں کہ اللہ کے اولاد ہے اور بلاشبہ وہ جھوٹے ہیں۔
عبارت 3942
أَصْطَفَى ٱلْبَنَاتِ عَلَى ٱلْبَنِينَ
کیا اس نے اپنے لئے بیٹوں کے بجائے بیٹیوں کا انتخاب کیا ہے
کیا اللہ نے بیٹوں کے مقابلہ میں بیٹیوں کو ترجیح دی۔
عبارت 3943
مَا لَكُمْ كَيْفَ تَحْكُمُونَ
آخر تمہیں کیا ہوگیا ہے تم کیسا فیصلہ کررہے ہو
تمہیں کیا ہوگیا ہے تم کیا فیصلہ کرتے ہو؟
عبارت 3944
أَفَلَا تَذَكَّرُونَ
کیا تم غور و فکر نہیں کررہے ہو
کیا تم اتنا بھی نہیں سمجھتے؟
عبارت 3945
أَمْ لَكُمْ سُلْطَٰنٌ مُّبِينٌ
یا تمہارے پاس اس کی کوئی واضح دلیل ہے
کیا تمہارے پاس کوئی واضح دلیل ہے؟
عبارت 3946
فَأْتُوا۟ بِكِتَٰبِكُمْ إِن كُنتُمْ صَٰدِقِينَ
تو اپنی کتاب کو لے آؤ اگر تم اپنے دعویٰ میں سچے ہو
اگر تم سچے ہو تو پھر اپنی وہ دستاویز پیش کرو۔
عبارت 3947
وَجَعَلُوا۟ بَيْنَهُۥ وَبَيْنَ ٱلْجِنَّةِ نَسَبًا وَلَقَدْ عَلِمَتِ ٱلْجِنَّةُ إِنَّهُمْ لَمُحْضَرُونَ
اور انہوں نے خدا اور جّنات کے درمیان بھی رشتہ قرار دے دیا حالانکہ جّنات کو معلوم ہے کہ انہیں بھی خدا کی بارگاہ میں حاضر کیا جائے گا
کیا ان لوگوں نے اس (خدا) اور جنوں کے درمیان کوئی رشتہ ناطہ قرار دیا ہے؟ حالانکہ خود جنات جانتے ہیں کہ وہ (جزا و سزا کیلئے) پکڑ کر حاضر کئے جائیں گے۔
عبارت 3948
سُبْحَٰنَ ٱللَّهِ عَمَّا يَصِفُونَ
خدا ان سب کے بیانات سے بلند و برتر اور پاک و پاکیزہ ہے
پاک ہے اللہ (ان غلطیوں سے) جو وہ بیان کرتے ہیں۔
عبارت 3949
إِلَّا عِبَادَ ٱللَّهِ ٱلْمُخْلَصِينَ
علاوہ خدا کے نیک اور مخلص بندوں کے
ہاں البتہ اللہ کے مخلص اور برگزیدہ بندے اس سے مستثنیٰ ہیں۔
عبارت 3950
فَإِنَّكُمْ وَمَا تَعْبُدُونَ
پھر تم اور جس کی تم پرستش کررہے ہو
سو تم اور جن کی تم پرستش کرتے ہو۔
عبارت 3951
مَآ أَنتُمْ عَلَيْهِ بِفَٰتِنِينَ
سب مل کر بھی اس کے خلاف کسی کو بہکا نہیں سکتے ہو
تم (سب مل کر بھی) اللہ سے کسی کو پھیر نہیں سکتے۔
عبارت 3952
إِلَّا مَنْ هُوَ صَالِ ٱلْجَحِيمِ
علاوہ اس کے جس کو جہّنم میں جانا ہی ہے
سوائے اس کے جو دوزخ کی بھڑکتی آگ کو تاپنے والا ہے۔
عبارت 3953
وَمَا مِنَّآ إِلَّا لَهُۥ مَقَامٌ مَّعْلُومٌ
اور ہم میں سے ہر ایک کے لئے ایک مقام معّین ہے
اور (فرشتوں) میں سے کوئی ایسا نہیں مگر یہ کہ اس کا ایک خاص مقام ہے۔
عبارت 3954
وَإِنَّا لَنَحْنُ ٱلصَّآفُّونَ
اور ہم اس کی بارگاہ میں صف بستہ کھڑے ہونے والے ہیں
اور بے شک ہم صف بستہ حاضر ہیں۔
عبارت 3955
وَإِنَّا لَنَحْنُ ٱلْمُسَبِّحُونَ
اور ہم اس کی تسبیح کرنے والے ہیں
اور بے شک ہم تسبیح و تقدیس کرنے والے ہیں۔
عبارت 3956
وَإِن كَانُوا۟ لَيَقُولُونَ
اگرچہ یہ لوگ یہی کہا کرتے تھے
اور (کفار بعثتِ نبوی(ص) سے پہلے) کہا کرتے تھے۔
عبارت 3957
لَوْ أَنَّ عِندَنَا ذِكْرًا مِّنَ ٱلْأَوَّلِينَ
کہ اگر ہمارے پاس بھی پہلے والوں کا تذکرہ ہوتا
تو اگر ہمارے پاس پہلے والے لوگوں کی طرح کوئی نصیحت (والی کتاب) ہوتی۔
عبارت 3958
لَكُنَّا عِبَادَ ٱللَّهِ ٱلْمُخْلَصِينَ
تو ہم بھی اللہ کے نیک اور مخلص بندے ہوتے
تو یقیناً ہم اللہ کے برگزیدہ بندوں میں سے ہوتے۔
عبارت 3959
فَكَفَرُوا۟ بِهِۦ فَسَوْفَ يَعْلَمُونَ
تو پھر ان لوگوں نے کفر اختیار کرلیا تو عنقریب انہیں اس کا انجام معلوم ہوجائے گا
اور جب وہ (کتاب آئی) تو اس کا انکار کر دیا سو عنقریب (اس کا انجام) معلوم کر لیں گے۔
عبارت 3960
وَلَقَدْ سَبَقَتْ كَلِمَتُنَا لِعِبَادِنَا ٱلْمُرْسَلِينَ
اور ہمارے پیغامبربندوں سے ہماری بات پہلے ہی طے ہوچکی ہے
اور ہمارا وعدہ پہلے ہو چکا ہے اپنے ان بندوں کے ساتھ جو رسول ہیں۔
عبارت 3961
إِنَّهُمْ لَهُمُ ٱلْمَنصُورُونَ
کہ ان کی مدد بہرحال کی جائے گی
کہ یقیناً ان کی نصرت اور مدد کی جائے گی۔
عبارت 3962
وَإِنَّ جُندَنَا لَهُمُ ٱلْغَٰلِبُونَ
اور ہمارا لشکر بہرحال غالب آنے والا ہے
اور ہمارا لشکر بہرحال غالب آنے والا ہے۔
عبارت 3963
فَتَوَلَّ عَنْهُمْ حَتَّىٰ حِينٍ
لہذا آپ تھوڑے دنوں کے لئے ان سے منہ پھیر لیں
سو ایک مدت تک ان سے بے اعتنائی کیجئے۔
عبارت 3964
وَأَبْصِرْهُمْ فَسَوْفَ يُبْصِرُونَ
اور ان کو دیکھتے رہیں عنقریب یہ خود اپنے انجام کو دیکھ لیں گے
اور انہیں دیکھتے رہئے اور عنقریب وہ خود بھی (اپنا انجام) دیکھ لیں گے۔
عبارت 3965
أَفَبِعَذَابِنَا يَسْتَعْجِلُونَ
کیا یہ ہمارے عذاب کے بارے میں جلدی کررہے ہیں
کیا وہ ہمارے عذاب کیلئے جلدی کرتے ہیں؟
عبارت 3966
فَإِذَا نَزَلَ بِسَاحَتِهِمْ فَسَآءَ صَبَاحُ ٱلْمُنذَرِينَ
تو جب وہ عذاب ان کے آنگن میں نازل ہوجائے گا تو وہ ڈرائی جانے والی قوم کی بدترین صبح ہوگی
تو جب وہ ان کے ہاں نازل ہو جائے گا تو وہ بڑی بری صبح ہوگی ڈرائے ہوؤں کیلئے۔
عبارت 3967
وَتَوَلَّ عَنْهُمْ حَتَّىٰ حِينٍ
اور آپ تھوڑے دنوں ان سے منہ پھیرلیں
اور ایک مدت تک ان سے بے توجہی کیجئے۔
عبارت 3968
وَأَبْصِرْ فَسَوْفَ يُبْصِرُونَ
اور دیکھتے رہیں عنقریب یہ خود دیکھ لیں گے
اور دیکھئے وہ بھی دیکھ رہے ہیں۔
عبارت 3969
سُبْحَٰنَ رَبِّكَ رَبِّ ٱلْعِزَّةِ عَمَّا يَصِفُونَ
آپ کا پروردگار جو مالک عزت بھی ہے ان کے بیانات سے پاک و پاکیزہ ہے
پاک ہے آپ کا پروردگار جوکہ عزت کا مالک ہے ان (غلط) باتوں سے جو وہ بیان کرتے ہیں۔
عبارت 3970
وَسَلَٰمٌ عَلَى ٱلْمُرْسَلِينَ
اور ہمارا سلام تمام مرسلین پر ہے
اور سلام ہو رسولوں(ع) پر۔
عبارت 3971
وَٱلْحَمْدُ لِلَّهِ رَبِّ ٱلْعَٰلَمِينَ
اور ساری تعریف اس اللہ کے لئے ہے جو عالمین کا پروردگار ہے
اور ہر طرح کی تعریف ہے اس اللہ کیلئے جو سارے جہانوں کا پروردگار ہے۔