سورۃ الشعراء

قرآن مجید

ایپ میں یہ دعا/باب کھولیں

عبارت 2934

بِسْمِ ٱللَّهِ ٱلرَّحْمَٰنِ ٱلرَّحِيمِ طسٓمٓ

طسم ۤ

طا، سین، میم۔

عبارت 2935

تِلْكَ ءَايَٰتُ ٱلْكِتَٰبِ ٱلْمُبِينِ

یہ ایک واضح کتاب کی آیتیں ہیں

یہ ایک واضح کتاب کی آیتیں ہیں۔

عبارت 2936

لَعَلَّكَ بَٰخِعٌ نَّفْسَكَ أَلَّا يَكُونُوا۟ مُؤْمِنِينَ

کیا آپ اپنے نفس کو ہلاکت میں ڈال دیں گے کہ یہ لوگ ایمان نہیں لارہے ہیں

شاید آپ (اس غم میں) جان دے دیں گے کہ یہ لوگ ایمان نہیں لاتے۔

عبارت 2937

إِن نَّشَأْ نُنَزِّلْ عَلَيْهِم مِّنَ ٱلسَّمَآءِ ءَايَةً فَظَلَّتْ أَعْنَٰقُهُمْ لَهَا خَٰضِعِينَ

اگر ہم چاہتے تو آسمان سے ایسی آیت نازل کردیتے کہ ان کی گردنیں خضوع کے ساتھ جھک جاتیں

اگر ہم چاہیں تو ان پر آسمان سے کوئی ایسی نشانی اتاریں جس کے آگے ان کی گردنیں جھک جائیں۔

عبارت 2938

وَمَا يَأْتِيهِم مِّن ذِكْرٍ مِّنَ ٱلرَّحْمَٰنِ مُحْدَثٍ إِلَّا كَانُوا۟ عَنْهُ مُعْرِضِينَ

لیکن ان کی طرف جب بھی خدا کی طرف سے کوئی نیا ذکر آتاہے تو یہ اس سے اعراض ہی کرتے ہیں

اور جب بھی ان کے پاس خدائے رحمن کی طرف سے کوئی نئی نصیحت آتی ہے تو یہ اس سے منہ پھیر لیتے ہیں۔

عبارت 2939

فَقَدْ كَذَّبُوا۟ فَسَيَأْتِيهِمْ أَنۢبَٰٓؤُا۟ مَا كَانُوا۟ بِهِۦ يَسْتَهْزِءُونَ

یقینا انہوں نے تکذیب کی ہے تو عنقریب ان کے پاس اس بات کی خبریں آجائیں گی جس کا یہ لوگ مذاق اڑا رہے تھے

بےشک یہ جھٹلا چکے ہیں تو عنقریب ان کے سامنے اس چیز کی خبریں آئیں گی جس کا یہ مذاق اڑاتے رہے ہیں۔

عبارت 2940

أَوَلَمْ يَرَوْا۟ إِلَى ٱلْأَرْضِ كَمْ أَنۢبَتْنَا فِيهَا مِن كُلِّ زَوْجٍ كَرِيمٍ

کیا ان لوگوں نے زمین کی طرف نہیں دیکھا کہ ہم نے کس طرح عمدہ عمدہ چیزیں اُگائی ہیں

کیا انہوں نے زمین کی طرف (غور سے) نہیں دیکھا کہ ہم نے اس میں کتنی کثرت سے عمدہ نباتات اگائی ہیں۔

عبارت 2941

إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

اس میں ہماری نشانی ہے لیکن ان کی اکثریت ایمان لانے والی نہیں ہے

بےشک اس کے اندر ایک بڑی نشانی ہے لیکن ان میں سے اکثر ایمان لانے والے نہیں ہیں۔

عبارت 2942

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور آپ کاپروردگار صاحبِ عزت بھی ہے اور صاحب هحکمت بھی ہے

اور بےشک آپ کا پروردگار بڑا غالب، بڑا رحم کرنے والا ہے۔

عبارت 2943

وَإِذْ نَادَىٰ رَبُّكَ مُوسَىٰٓ أَنِ ٱئْتِ ٱلْقَوْمَ ٱلظَّٰلِمِينَ

اور اس وقت کو یاد کرو جب آپ کے پروردگار نے موسیٰ کو آواز دی کہ اس ظالم قوم کے پاس جاؤ

(اے رسول(ص)) وہ وقت یاد کرو جب آپ کے پروردگار نے موسیٰ کو پکارا کہ ظالم قوم کے پاس جاؤ۔

عبارت 2944

قَوْمَ فِرْعَوْنَ أَلَا يَتَّقُونَ

یہ فرعون کی قوم ہے کیا یہ متقی نہ بنیں گے

یعنی فرعون کی قوم کے پاس۔ کیا وہ نہیں ڈرتے؟

عبارت 2945

قَالَ رَبِّ إِنِّىٓ أَخَافُ أَن يُكَذِّبُونِ

موسیٰ نے کہا کہ پروردگار میں ڈرتا ہوں کہ یہ میری تکذیب نہ کریں

موسیٰ نے کہا اے میرے پروردگار! میں ڈرتا ہوں کہ وہ مجھے جھٹلائیں گے۔

عبارت 2946

وَيَضِيقُ صَدْرِى وَلَا يَنطَلِقُ لِسَانِى فَأَرْسِلْ إِلَىٰ هَٰرُونَ

میرا دل تنگ ہورہا ہے اور میری زبان رواں نہیں ہے یہ پیغام ہارون کے پاس بھیج دے

اور میرا سینہ تنگ ہوتا ہے اور میری زبان نہیں چلتی سو ہارون کے پاس (وحی) بھیج (کہ وہ میرا ساتھ دے)۔

عبارت 2947

وَلَهُمْ عَلَىَّ ذَنۢبٌ فَأَخَافُ أَن يَقْتُلُونِ

اور میرے اوپر ان کاایک جرم بھی ہے تو مجھے خوف ہے کہ یہ مجھے قتل نہ کردیں

اور ان لوگوں کا میرے ذمہ ایک جرم بھی ہے اس لئے مجھے اندیشہ ہے کہ وہ مجھے قتل کر دیں گے۔

عبارت 2948

قَالَ كَلَّا فَٱذْهَبَا بِـَٔايَٰتِنَآ إِنَّا مَعَكُم مُّسْتَمِعُونَ

ارشاد ہوا کہ ہرگز نہیںتم دونوں ہی ہماری نشانیوں کو لے کر جاؤ اور ہم بھی تمہارے ساتھ سب سن رہے ہیں

ارشاد ہوا ہرگز نہیں! تم دونوں ہماری نشانیاں لے کر جاؤ ہم تمہارے ساتھ (سب کچھ) سن رہے ہیں۔

عبارت 2949

فَأْتِيَا فِرْعَوْنَ فَقُولَآ إِنَّا رَسُولُ رَبِّ ٱلْعَٰلَمِينَ

فرعون کے پاس جاؤ اور کہو کہ ہم دونوں رب العالمین کے فرستادہ ہیں

پس تم دونوں فرعون کے پاس جاؤ۔ اور اس سے کہو کہ ہم تمام جہانوں کے پروردگار کے رسول ہیں۔

عبارت 2950

أَنْ أَرْسِلْ مَعَنَا بَنِىٓ إِسْرَٰٓءِيلَ

کہ بنی اسرائیل کو میرے ساتھ بھیج دے

کہ تو بنی اسرائیل کو ہمارے ساتھ بھیج دے۔

عبارت 2951

قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ

اس نے کہا کیا ہم نے تمہیں بچپنے میں پالا نہیں ہے اور کیا تم نے ہمارے درمیان اپنی عمر کے کئی سال نہیں گزارے ہیں

فرعون نے کہا (اے موسیٰ) کیا تمہارے بچپن میں ہم نے تمہاری پرورش نہیں کی ہے؟ اور تو نے اپنی عمر کے کئی سال ہم میں گزارے ہیں۔

عبارت 2952

وَفَعَلْتَ فَعْلَتَكَ ٱلَّتِى فَعَلْتَ وَأَنتَ مِنَ ٱلْكَٰفِرِينَ

اور تم نے وہ کام کیا ہے جو تم کرگئے ہو اور تم شکریہ ادا کرنے والوں میں سے نہیں ہو

اور تو نے اپنی وہ حرکت بھی کی تھی جو کی تھی اور تو ناشکروں میں سے ہے۔

عبارت 2953

قَالَ فَعَلْتُهَآ إِذًا وَأَنَا۠ مِنَ ٱلضَّآلِّينَ

موسیٰ نے کہا کہ وہ قتل میں نے اس وقت کیا تھا جب میں قتل سے غافل تھا

موسیٰ نے کہا: ہاں میں نے وہ کام اس وقت کیا تھا جب میں راستہ سے بھٹکا ہوا تھا۔

عبارت 2954

فَفَرَرْتُ مِنكُمْ لَمَّا خِفْتُكُمْ فَوَهَبَ لِى رَبِّى حُكْمًا وَجَعَلَنِى مِنَ ٱلْمُرْسَلِينَ

پھر میں نے تم لوگوں کے خوف سے گریز اختیار کیا تو میرے رب نے مجھے نبوت عطا فرمائی اور مجھے اپنے نمائندوں میں سے قرار دے دیا

تو جب میں تم سے ڈرا تو بھاگ کھڑا ہوا۔ اس کے بعد میرے پروردگار نے مجھے علم و حکمت عطا کیا اور مجھے رسولوں میں سے قرار دے دیا۔

عبارت 2955

وَتِلْكَ نِعْمَةٌ تَمُنُّهَا عَلَىَّ أَنْ عَبَّدتَّ بَنِىٓ إِسْرَٰٓءِيلَ

یہ احسان جو تربیت کے سلسلہ میں تو جتا رہا ہے تو تونے بڑا غضب کیا تھاکہ بنی اسرائیل کو غلام بنا لیا تھا

اور یہی (پرورش وغیرہ کا) وہ احسان ہے جو تو مجھے جتا رہا ہے جب کہ تو نے بنی اسرائیل کو غلام بنا رکھا ہے۔

عبارت 2956

قَالَ فِرْعَوْنُ وَمَا رَبُّ ٱلْعَٰلَمِينَ

فرعون نے کہا کہ یہ ربّ العالمین کیا چیز ہے

فرعون نے کہا اور یہ رب العالمین کیا چیز ہے۔

عبارت 2957

قَالَ رَبُّ ٱلسَّمَٰوَٰتِ وَٱلْأَرْضِ وَمَا بَيْنَهُمَآ إِن كُنتُم مُّوقِنِينَ

موسیٰ نے کہا کہ زمین و آسمان اور اس کے مابین جو کچھ ہے سب کا پروردگار اگر تم یقین کرسکو

موسیٰ نے کہا وہ آسمانوں اور زمین اور جو کچھ ان کے درمیان ہے سب کا پروردگار ہے۔ اگر تم یقین کرنے والے ہو۔

عبارت 2958

قَالَ لِمَنْ حَوْلَهُۥٓ أَلَا تَسْتَمِعُونَ

فرعون نے اپنے اطرافیوں سے کہا کہ تم کچھ سن رہے ہو

فرعون نے اپنے اردگرد والوں سے کہا کیا تم سنتے نہیں ہو؟

عبارت 2959

قَالَ رَبُّكُمْ وَرَبُّ ءَابَآئِكُمُ ٱلْأَوَّلِينَ

موسیٰ نے کہا کہ وہ تمہارا بھی رب ہے اور تمہارے باپ دادا کا بھی رب ہے

موسیٰ نے کہا وہ تمہارا بھی پروردگار ہے اور تمہارے اگلے آباء و اجداد کا بھی پروردگار۔

عبارت 2960

قَالَ إِنَّ رَسُولَكُمُ ٱلَّذِىٓ أُرْسِلَ إِلَيْكُمْ لَمَجْنُونٌ

فرعون نے کہا کہ یہ رسول جو تمہاری طرف بھیجا گیا ہے یہ بالکل دیوانہ ہے

فرعون نے کہا تمہارا یہ رسول جو تمہاری طرف بھیجا گیا ہے یہ تو بالکل دیوانہ ہے۔

عبارت 2961

قَالَ رَبُّ ٱلْمَشْرِقِ وَٱلْمَغْرِبِ وَمَا بَيْنَهُمَآ إِن كُنتُمْ تَعْقِلُونَ

موسیٰ نے کہا وہ مشرق و مغرب اور جو کچھ اس کے درمیان ہے سب کا پرودگار ہے اگر تمہارے پاس عقل ہے

موسیٰ نے کہا کہ وہ مشرق و مغرب اور جو کچھ ان کے درمیان ہے سب کا پروردگار ہے اگر تم عقل سے کام لو۔

عبارت 2962

قَالَ لَئِنِ ٱتَّخَذْتَ إِلَٰهًا غَيْرِى لَأَجْعَلَنَّكَ مِنَ ٱلْمَسْجُونِينَ

فرعون نے کہا کہ تم نے میرے علاوہ کسی خدا کو بھی اختیار کیا تو تمہیں قیدیوں میں شامل کردوں گا

فرعون نے کہا کہ اگر تو نے میرے سوا کوئی معبود بنایا تو میں تمہیں قیدیوں میں شامل کر دوں گا۔

عبارت 2963

قَالَ أَوَلَوْ جِئْتُكَ بِشَىْءٍ مُّبِينٍ

موسیٰ نے جواب دیا کہ چاہے میں کھلی ہوئی دلیل ہی پیش کردوں

موسیٰ نے کہا: اگرچہ میں تیرے پاس کوئی واضح نشانی بھی لے کر آؤں؟

عبارت 2964

قَالَ فَأْتِ بِهِۦٓ إِن كُنتَ مِنَ ٱلصَّٰدِقِينَ

فرعون نے کہا وہ دلیل کیا ہے اگر تم سچےّ ہو تو پیش کرو

فرعون نے کہا: اچھا تو لے آ۔ اگر تو سچا ہے۔

عبارت 2965

فَأَلْقَىٰ عَصَاهُ فَإِذَا هِىَ ثُعْبَانٌ مُّبِينٌ

موسیٰ نے اپنا عصا ڈال دیا اور وہ سانپ بن کر رینگنے لگا

اس پر موسیٰ نے اپنا عصا پھینک دیا تو ایک دم وہ کھلا ہوا اژدھا بن گیا۔

عبارت 2966

وَنَزَعَ يَدَهُۥ فَإِذَا هِىَ بَيْضَآءُ لِلنَّٰظِرِينَ

اور گریبان سے ہاتھ نکالا تو وہ سفید چمک دار نظر آنے لگا

اس نے اپنا ہاتھ نکالا تو وہ ایک دم دیکھنے والوں کیلئے چمک رہا تھا۔

عبارت 2967

قَالَ لِلْمَلَإِ حَوْلَهُۥٓ إِنَّ هَٰذَا لَسَٰحِرٌ عَلِيمٌ

فرعون نے اپنے اطراف والوں سے کہا کہ یہ تو بڑا ہوشیار جادوگر معلوم ہوتا ہے

فرعون نے اپنے اردگرد کے عمائدین سے کہا کہ یہ تو بڑا ماہر جادوگر ہے۔

عبارت 2968

يُرِيدُ أَن يُخْرِجَكُم مِّنْ أَرْضِكُم بِسِحْرِهِۦ فَمَاذَا تَأْمُرُونَ

اس کا مقصد یہ ہے کہ جادو کے زور پر تمہیں تمہاری زمین سے نکال باہر کردے تو اب تمہاری رائے کیا ہے

یہ اپنے جادو (کے زور) سے تمہیں اپنے ملک سے باہر نکالنا چاہتا ہے۔ اب تم کیا رائے دیتے ہو؟

عبارت 2969

قَالُوٓا۟ أَرْجِهْ وَأَخَاهُ وَٱبْعَثْ فِى ٱلْمَدَآئِنِ حَٰشِرِينَ

لوگوں نے کہا کہ انہیں اور ان کے بھائی کو روک لیجئے اور شہروں میں جادوگروں کو اکٹھاکرنے والوں کو روانہ کردیجئے

انہوں نے کہا اسے اور اس کے بھائی کو روک لیجئے اور تمام شہروں میں جمع کرنے والے آدمی (ہرکارے) بھیجئے۔

عبارت 2970

يَأْتُوكَ بِكُلِّ سَحَّارٍ عَلِيمٍ

وہ لوگ ایک سے ایک ہوشیار جادوگرلے آئیں گے

جو ہر بڑے جادوگر کو تمہارے پاس لے آئیں۔

عبارت 2971

فَجُمِعَ ٱلسَّحَرَةُ لِمِيقَٰتِ يَوْمٍ مَّعْلُومٍ

غرض وقت مقرر پر تمام جادوگر اکٹھا کئے گئے

چنانچہ تمام جادوگر ایک خاص مقررہ وقت پر جمع کر لئے گئے۔

عبارت 2972

وَقِيلَ لِلنَّاسِ هَلْ أَنتُم مُّجْتَمِعُونَ

اور ان لوگوں سے کہا گیا کہ تم سب اس بات پر اجتماع کرنے والے ہو

اور عام لوگوں سے کہا گیا۔ کیا تم لوگ بھی (مقابلہ دیکھنے کیلئے) جمع ہوگے؟

عبارت 2973

لَعَلَّنَا نَتَّبِعُ ٱلسَّحَرَةَ إِن كَانُوا۟ هُمُ ٱلْغَٰلِبِينَ

شاید ہم لوگ ان ساحروں کا اتباع کرلیں اگر وہ غالب آگئے

تاکہ اگر جادوگر غالب آجائیں تو ہم سب ان کی پیروی کریں۔

عبارت 2974

فَلَمَّا جَآءَ ٱلسَّحَرَةُ قَالُوا۟ لِفِرْعَوْنَ أَئِنَّ لَنَا لَأَجْرًا إِن كُنَّا نَحْنُ ٱلْغَٰلِبِينَ

اس کے بعد جب جادوگر اکٹھا ہوئے تو انہوں نے فرعون سے کہا کہ اگر ہم غالب آگئے تو کیا ہماری کوئی اجرت ہوگی

تو جب جادوگر (میدان میں) آگئے تو انہوں نے فرعون سے کہا کہ اگر ہم غالب آگئے تو ہمیں کچھ صلہ تو ملے گا۔

عبارت 2975

قَالَ نَعَمْ وَإِنَّكُمْ إِذًا لَّمِنَ ٱلْمُقَرَّبِينَ

فرعون نے کہا کہ بے شک تم لوگ میرے مقربین میں شمار ہوگے

فرعون نے کہا: ہاں ضرور! اور تم اس وقت مقرب بارگاہ ہو جاؤگے۔

عبارت 2976

قَالَ لَهُم مُّوسَىٰٓ أَلْقُوا۟ مَآ أَنتُم مُّلْقُونَ

موسیٰ نے ان لوگوں سے کہا کہ جو کچھ پھینکنا چاہتے ہو پھینکو

موسیٰ نے ان سے کہا کہ تم پھینکو جو کچھ تمہیں پھینکنا ہے۔

عبارت 2977

فَأَلْقَوْا۟ حِبَالَهُمْ وَعِصِيَّهُمْ وَقَالُوا۟ بِعِزَّةِ فِرْعَوْنَ إِنَّا لَنَحْنُ ٱلْغَٰلِبُونَ

تو ان لوگوں نے اپنی رسیوں اور چھڑیوں کو پھینک دیا اور کہا کہ فرعون کی عزّت و جلال کی قسم ہم لوگ غالب آنے والے ہیں

چنانچہ انہوں نے اپنی رسیاں اور اپنی لاٹھیاں پھینک دیں اور کہا کہ فرعون کے جلال و اقبال کی قَسم ہم ہی غالب آئیں گے۔

عبارت 2978

فَأَلْقَىٰ مُوسَىٰ عَصَاهُ فَإِذَا هِىَ تَلْقَفُ مَا يَأْفِكُونَ

پھر موسیٰ نے بھی اپنا عصا ڈال دیا تو لوگوں نے اچانک کیا دیکھا کہ وہ سب کے جادو کو نگلے جارہا ہے

پھر موسیٰ نے اپنا عصا پھینکا تو وہ ایک دم ان کے بنائے ہوئے جھوٹ کو نگلنے لگا۔

عبارت 2979

فَأُلْقِىَ ٱلسَّحَرَةُ سَٰجِدِينَ

یہ دیکھ کر جادوگر سجدہ میں گر پڑے

(یہ معجزہ دیکھ کر) سب جادوگر سجدہ میں گر پڑے۔

عبارت 2980

قَالُوٓا۟ ءَامَنَّا بِرَبِّ ٱلْعَٰلَمِينَ

اور ان لوگوں نے کہا کہ ہم تو رب العالمین پر ایمان لے آئے

اور کہنے لگے کہ ہم رب العالمین پر ایمان لائے۔

عبارت 2981

رَبِّ مُوسَىٰ وَهَٰرُونَ

جو موسیٰ اور ہارون دونوں کا رب ہے

جو موسیٰ و ہارون کا رب ہے فرعون نے کہا تم اس پر ایمان لائے قبل اس کے کہ میں تمہیں اجازت دوں یقیناً یہ تمہارا بڑا (جادوگر) ہے۔

عبارت 2982

قَالَ ءَامَنتُمْ لَهُۥ قَبْلَ أَنْ ءَاذَنَ لَكُمْ إِنَّهُۥ لَكَبِيرُكُمُ ٱلَّذِى عَلَّمَكُمُ ٱلسِّحْرَ فَلَسَوْفَ تَعْلَمُونَ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَٰفٍ وَلَأُصَلِّبَنَّكُمْ أَجْمَعِينَ

فرعون نے کہا کہ تم لوگ میری اجازت سے پہلے ہی ایمان لے آئے یہ تم سے بھی بڑا جادوگر ہے جس نے تم لوگوں کو جادو سکھایا ہے میں تم لوگوں کے ہاتھ پاؤں مختلف سمتوں سے کاٹ دوں گا اور تم سب کو سولی پر لٹکا دوں گا

جس نے تمہیں جادو سکھایا ہے ابھی تمہیں (اس کا انجام) معلوم ہو جائے گا کہ میں تمہارے ہاتھ پاؤں کو مخالف سمتوں سے کٹوا دوں گا۔ اور تم سب کو سولی چڑھا دوں گا۔

عبارت 2983

قَالُوا۟ لَا ضَيْرَ إِنَّآ إِلَىٰ رَبِّنَا مُنقَلِبُونَ

ان لوگوں نے کہا کہ کوئی حرج نہیں ہم سب پلٹ کر اپنے رب کی بارگاہ میں پہنچ جائیں گے

انہوں نے کہا کوئی جرم نہیں ہم اپنے پروردگار کی بارگاہ میں لوٹ جائیں گے۔

عبارت 2984

إِنَّا نَطْمَعُ أَن يَغْفِرَ لَنَا رَبُّنَا خَطَٰيَٰنَآ أَن كُنَّآ أَوَّلَ ٱلْمُؤْمِنِينَ

ہم تو صرف یہ چاہتے ہیں کہ ہمارا پروردگار ہماری خطاؤں کو معاف کردے کہ ہم سب سے پہلے ایمان لانے والے ہیں

ہمیں امید ہے کہ وہ ہماری خطاؤں کو معاف کرے گا کیونکہ ہم سب سے پہلے ایمان لا رہے ہیں۔

عبارت 2985

وَأَوْحَيْنَآ إِلَىٰ مُوسَىٰٓ أَنْ أَسْرِ بِعِبَادِىٓ إِنَّكُم مُّتَّبَعُونَ

اور ہم نے موسیٰ کی طرف وحی کی کہ میرے بندوں کو لے کر راتوں رات نکل جاؤ کہ تمہارا پیچھا کیا جانے والا ہے

اور ہم نے موسیٰ کو وحی کی کہ راتوں رات میرے بندوں کو لے کر نکل جاؤ کیونکہ تمہارا پیچھا کیا جائے گا۔

عبارت 2986

فَأَرْسَلَ فِرْعَوْنُ فِى ٱلْمَدَآئِنِ حَٰشِرِينَ

پھر فرعون نے مختلف شہروں میں لشکر جمع کرنے والے روانہ کردیئے

پس فرعون نے تمام شہروں میں (لشکر) جمع کرنے والے (ہرکارے) بھیجے۔

عبارت 2987

إِنَّ هَٰٓؤُلَآءِ لَشِرْذِمَةٌ قَلِيلُونَ

کہ یہ تھوڑے سے افراد کی ایک جماعت ہے

(اور کہلا بھیجا کہ) یہ لوگ ایک چھوٹی سی جماعت ہے۔

عبارت 2988

وَإِنَّهُمْ لَنَا لَغَآئِظُونَ

اور ان لوگوں نے ہمیں غصہ دلا دیا ہے

اور انہوں نے ہمیں بہت غصہ دلایا ہے۔

عبارت 2989

وَإِنَّا لَجَمِيعٌ حَٰذِرُونَ

اور ہم سب سارے سازوسامان کے ساتھ ہیں

اور بےشک ہم پورے محتاط اور چوکنا ہیں۔

عبارت 2990

فَأَخْرَجْنَٰهُم مِّن جَنَّٰتٍ وَعُيُونٍ

نتیجہ میں ہم نے ان کو باغات اور چشموں سے نکال باہر کردیا

پھر ہم نے انہیں (مصر کے) باغوں اور چشموں

عبارت 2991

وَكُنُوزٍ وَمَقَامٍ كَرِيمٍ

اور خزانوں اور باعزّت جگہوں سے بھی

اور خزانوں اور شاندر عمدہ مکانوں سے نکال باہر کیا۔

عبارت 2992

كَذَٰلِكَ وَأَوْرَثْنَٰهَا بَنِىٓ إِسْرَٰٓءِيلَ

اور ہم اسی طرح سزا دیتے ہیں اور ہم نے زمین کا وارث بنی اسرائیل کو بنادیا

ایسا ہی ہوا اور ہم نے ان چیزوں کا وارث بنی اسرائیل کو بنایا۔

عبارت 2993

فَأَتْبَعُوهُم مُّشْرِقِينَ

پھر ان لوگوں نے موسیٰ اور ان کے ساتھیوں کا صبح سویرے پیچھا کیا

چنانچہ صبح تڑکے وہ لوگ (فرعونی) ان کے تعاقب میں نکلے۔

عبارت 2994

فَلَمَّا تَرَٰٓءَا ٱلْجَمْعَانِ قَالَ أَصْحَٰبُ مُوسَىٰٓ إِنَّا لَمُدْرَكُونَ

پھر جب دونوں ایک دوسرے کو نظر آنے لگے تو اصحاب موسیٰ نے کہا کہ اب تو ہم گرفت میںآجائیں گے

پس جب دونوں جماعتیں ایک دوسرے کو دیکھنے لگیں (آمنے سامنے ہوئیں) تو موسیٰ کے ساتھیوں نے (گھبرا کر) کہا کہ بس ہم تو پکڑے گئے۔

عبارت 2995

قَالَ كَلَّآ إِنَّ مَعِىَ رَبِّى سَيَهْدِينِ

موسیٰ نے کہا کہ ہرگز نہیں ہمارے ساتھ ہمارا پروردگار ہے وہ ہماری راہنمائی کرے گا

موسیٰ نے کہا ہرگز نہیں! یقیناً میرا پروردگار میرے ساتھ ہے جو ضرور میری راہنمائی کرے گا۔

عبارت 2996

فَأَوْحَيْنَآ إِلَىٰ مُوسَىٰٓ أَنِ ٱضْرِب بِّعَصَاكَ ٱلْبَحْرَ فَٱنفَلَقَ فَكَانَ كُلُّ فِرْقٍ كَٱلطَّوْدِ ٱلْعَظِيمِ

پھر ہم نے موسیٰ کی طرف وحی کی کہ اپنا عصا دریا میں مار دیں چنانچہ دریا شگافتہ ہوگیا اور ہر حصہّ ایک پہاڑ جیسا نظر آنے لگا

سو ہم نے موسیٰ کو وحی کی کہ اپنا عصا دریا پر مارو۔ چنانچہ وہ دریا پھٹ گیا اور (پانی کا) ہر حصہ ایک بڑے پہاڑ کی طرح ہوگیا۔

عبارت 2997

وَأَزْلَفْنَا ثَمَّ ٱلْـَٔاخَرِينَ

اور دوسرے فریق کو بھی ہم نے قریب کردیا

اور ہم وہاں دوسرے فریق کو بھی نزدیک لائے۔

عبارت 2998

وَأَنجَيْنَا مُوسَىٰ وَمَن مَّعَهُۥٓ أَجْمَعِينَ

اور ہم نے موسیٰ اور ان کے تمام ساتھیوں کو نجات دے دی

اور ہم نے موسیٰ اور ان کے ساتھیوں کو نجات دی۔

عبارت 2999

ثُمَّ أَغْرَقْنَا ٱلْـَٔاخَرِينَ

پھر باقی لوگوں کو غرق کردیا

اور پھر ہم نے دوسرے فریق کو غرق کر دیا۔

عبارت 3000

إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

اس میں بھی ہماری ایک نشانی ہے اور بنی اسرائیل کی اکثریت ایمان لانے والی نہیں تھی

بےشک اس واقعہ میں ایک بڑی نشانی ہے مگر ان سے اکثر لوگ ایمان لانے والے نہیں ہیں۔

عبارت 3001

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور تمہارا پروردگار صاحبِ عزّت بھی ہے اور مہربان بھی

اور بےشک آپ کا پروردگار بڑا غالب آنے والا، بڑا رحم کرنے والا ہے۔

عبارت 3002

وَٱتْلُ عَلَيْهِمْ نَبَأَ إِبْرَٰهِيمَ

اور انہیں ابراہیم کی خبر پڑھ کر سناؤ

اور آپ ان لوگوں کے سامنے ابراہیم (ع) کا قصہ بیان کیجئے۔

عبارت 3003

إِذْ قَالَ لِأَبِيهِ وَقَوْمِهِۦ مَا تَعْبُدُونَ

جب انہوںنے اپنے مربی باپ اور قوم سے کہا کہ تم لوگ کس کی عبادت کررہے ہو

جب انہوں نے اپنے باپ (یعنی چچا) اور اپنی قوم سے کہا کہ تم کس چیز کی پرستش کرتے ہو؟

عبارت 3004

قَالُوا۟ نَعْبُدُ أَصْنَامًا فَنَظَلُّ لَهَا عَٰكِفِينَ

ان لوگوں نے کہا کہ ہم بتوں کی عبادت کرتے ہیں اور انہی کی مجاوری کرتے ہیں

انہوں نے کہا کہ ہم تو بتوں کی پرستش کرتے ہیں اور اس پر قائم ہیں۔

عبارت 3005

قَالَ هَلْ يَسْمَعُونَكُمْ إِذْ تَدْعُونَ

تو ابراہیم نے کہا کہ جب تم ان کو پکارتے ہو تو یہ تمہاری آواز سنتے ہیں

ابراہیم نے کہا کہ جب تم انہیں پکارتے ہو تو کیا یہ تمہاری آواز سنتے ہیں۔

عبارت 3006

أَوْ يَنفَعُونَكُمْ أَوْ يَضُرُّونَ

یہ کوئی فائدہ یا نقصان پہنچاتے ہیں

یا تمہیں کچھ نفع یا نقصان پہنچاتے ہیں؟

عبارت 3007

قَالُوا۟ بَلْ وَجَدْنَآ ءَابَآءَنَا كَذَٰلِكَ يَفْعَلُونَ

ان لوگوں نے جواب دیا کہ ہم نے اپنے باپ داداکو ایسا ہی کرتے دیکھا ہے

انہوں نے کہا بلکہ ہم نے اپنے باپ داداؤں کو ایسے ہی کرتے پایا ہے۔

عبارت 3008

قَالَ أَفَرَءَيْتُم مَّا كُنتُمْ تَعْبُدُونَ

ابراہیم نے کہا کہ کیا تم کو معلوم ہے کہ جن کی تم عبادت کرتے ہو

ابراہیم نے کہا کیا تم نے ان چیزوں کی (اصل حقیقت) دیکھی ہے کہ جن کی تم

عبارت 3009

أَنتُمْ وَءَابَآؤُكُمُ ٱلْأَقْدَمُونَ

تم اور تمہارے تمام بزرگان خاندان

اور تمہارے باپ دادا پرستش کرتے رہے ہیں؟ (کہ وہ کیا ہے؟)

عبارت 3010

فَإِنَّهُمْ عَدُوٌّ لِّىٓ إِلَّا رَبَّ ٱلْعَٰلَمِينَ

یہ سب میرے دشمن ہیں. رب العالمین کے علاوہ

بہرکیف یہ سب میرے دشمن ہیں سوائے رب العالمین کے۔

عبارت 3011

ٱلَّذِى خَلَقَنِى فَهُوَ يَهْدِينِ

کہ جس نے مجھے پیدا کیا ہے اور پھر وہی ہدایت بھی دیتا ہے

جس نے مجھے پیدا کیا ہے۔ پھر وہی میری راہنمائی کرتا ہے۔

عبارت 3012

وَٱلَّذِى هُوَ يُطْعِمُنِى وَيَسْقِينِ

وہی کھانادیتا ہے اور وہی پانی پلاتا ہے

اور وہ جو مجھے کھلاتا ہے اور پلاتا بھی۔

عبارت 3013

وَإِذَا مَرِضْتُ فَهُوَ يَشْفِينِ

اور جب بیمار ہوجاتا ہوں تو وہی شفا بھی دیتا ہے

اور جب میں بیمار ہوتا ہوں تو وہ مجھے شفا دیتا ہے۔

عبارت 3014

وَٱلَّذِى يُمِيتُنِى ثُمَّ يُحْيِينِ

وہی موت دیتا ہے اور پھر وہی زندہ کرتا ہے

اور جو مجھے موت دے گا اور پھر مجھے (دوبارہ) زندہ کرے گا۔

عبارت 3015

وَٱلَّذِىٓ أَطْمَعُ أَن يَغْفِرَ لِى خَطِيٓـَٔتِى يَوْمَ ٱلدِّينِ

اور اسی سے یہ امید ہے کہ روزِ حساب میری خطاؤں کو معاف کردے

اور جس سے میں امید رکھتا ہوں کہ وہ جزا و سزا کے دن میری خطا معاف کر دے گا۔

عبارت 3016

رَبِّ هَبْ لِى حُكْمًا وَأَلْحِقْنِى بِٱلصَّٰلِحِينَ

خدایا مجھے علم و حکمت عطا فرما اور مجھے صالحین کے ساتھ ملحق کردے

اے میرے پروردگار! مجھے (علم و حکمت) عطا فرما۔ اور مجھے نیکوکاروں میں شامل فرما۔

عبارت 3017

وَٱجْعَل لِّى لِسَانَ صِدْقٍ فِى ٱلْـَٔاخِرِينَ

اور میرے لئے آئندہ نسلوں میں سچی زبان اور ذکر خیر قرار دے

اور آئندہ آنے والوں میں میرا ذکرِ خیر جاری رکھ۔

عبارت 3018

وَٱجْعَلْنِى مِن وَرَثَةِ جَنَّةِ ٱلنَّعِيمِ

اور مجھے جنت کے وارثوں میں سے قرار دے

اور مجھے جنتِ نعیم کے وارثوں میں شامل فرما۔

عبارت 3019

وَٱغْفِرْ لِأَبِىٓ إِنَّهُۥ كَانَ مِنَ ٱلضَّآلِّينَ

اور میرے مربی کو بخش دے کہ وہ گمراہوں میں سے ہے

اور میرے باپ (یعنی چچا) کی مغفرت فرما۔ بےشک وہ گمراہوں میں سے تھا۔

عبارت 3020

وَلَا تُخْزِنِى يَوْمَ يُبْعَثُونَ

اور مجھے اس دن رسوا نہ کرنا جب سب قبروں سے اٹھائے جائیں گے

اور جس دن لوگ (قبروں سے) اٹھائے جائیں گے اس دن مجھے رسوا نہ کر۔

عبارت 3021

يَوْمَ لَا يَنفَعُ مَالٌ وَلَا بَنُونَ

جس دن مال اور اولاد کوئی کام نہ آئے گا

جس دن نہ مال فائدہ دے گا اور نہ اولاد۔

عبارت 3022

إِلَّا مَنْ أَتَى ٱللَّهَ بِقَلْبٍ سَلِيمٍ

مگر وہ جو قلب سلیم کے ساتھ اللہ کی بارگاہ میں حاضر ہو

اور سوائے اس کے جو اللہ کی بارگاہ میں قلبِ سلیم کے ساتھ حاضر ہوگا۔

عبارت 3023

وَأُزْلِفَتِ ٱلْجَنَّةُ لِلْمُتَّقِينَ

اور جس دن جنتّ پرہیزگاروں سے قریب تر کردی جائے گی

اور جنت پرہیزگاروں کے قریب کر دی جائے گی۔

عبارت 3024

وَبُرِّزَتِ ٱلْجَحِيمُ لِلْغَاوِينَ

اور جہنمّ کو گمراہوں کے سامنے کردیا جائے گا

اور دوزخ گمراہوں کے سامنے ظاہر کر دی جائے گی۔

عبارت 3025

وَقِيلَ لَهُمْ أَيْنَ مَا كُنتُمْ تَعْبُدُونَ

اور جہنّمیوں سے کہا جائے گا کہ کہاں ہیں وہ جن کی تم عبادت کیا کرتے تھے

اور ان سے کہا جائے گا کہ تمہارے وہ معبود کہاں ہیں جن کی تم اللہ کو چھوڑ کر عبادت کرتے تھے؟

عبارت 3026

مِن دُونِ ٱللَّهِ هَلْ يَنصُرُونَكُمْ أَوْ يَنتَصِرُونَ

خدا کو چھوڑ کر وہ تمہاری مدد کریں گے یا اپنی مدد کریں گے

کیا وہ (آج) تمہاری کچھ مدد کرتے ہیں یا وہ اپنا ہی بچاؤ کر سکتے ہیں؟

عبارت 3027

فَكُبْكِبُوا۟ فِيهَا هُمْ وَٱلْغَاوُۥنَ

پھر وہ سب مع تمام گمراہوں کے جہنّم میں منہ کے بل ڈھکیل دیئے جائیں گے

پھر وہ معبود اور (یہ) گمراہ لوگ۔

عبارت 3028

وَجُنُودُ إِبْلِيسَ أَجْمَعُونَ

اور ابلیس کے تمام لشکر والے بھی

اور ابلیس اور اس کے سارے لشکر اس (دوزخ) میں اندھے منہ ڈال دیئے جائیں گے۔

عبارت 3029

قَالُوا۟ وَهُمْ فِيهَا يَخْتَصِمُونَ

اور وہ سب جہنمّ میں آپس میں جھگڑا کرتے ہوئے کہیں گے

اور وہ دوزخ میں باہم جھگڑتے ہوئے کہیں گے۔

عبارت 3030

تَٱللَّهِ إِن كُنَّا لَفِى ضَلَٰلٍ مُّبِينٍ

کہ خدا کی قسم ہم سب کھلی ہوئی گمراہی میں تھے

خدا کی قَسم ہم کھلی ہوئی گمراہی میں تھے۔

عبارت 3031

إِذْ نُسَوِّيكُم بِرَبِّ ٱلْعَٰلَمِينَ

جب تم کو رب العالمین کے برابر قرار دے رہے تھے

جب تمہیں رب العالمین کے برابر قرار دیتے تھے۔

عبارت 3032

وَمَآ أَضَلَّنَآ إِلَّا ٱلْمُجْرِمُونَ

اور ہمیں مجرموں کے علاوہ کسی نے گمراہ نہیں کیا

اور ہم کو تو بس (بڑے) مجرموں نے گمراہ کیا تھا۔

عبارت 3033

فَمَا لَنَا مِن شَٰفِعِينَ

اب ہمارے لئے کوئی شفاعت کرنے والا بھی نہیں ہے

نہ اب ہمارا کوئی سفارشی ہے۔

عبارت 3034

وَلَا صَدِيقٍ حَمِيمٍ

اور نہ کوئی دل پسند دوست ہے

اور نہ کوئی مخلص دوست۔

عبارت 3035

فَلَوْ أَنَّ لَنَا كَرَّةً فَنَكُونَ مِنَ ٱلْمُؤْمِنِينَ

پس اے کاش ہمیں واپسی نصیب ہوجاتی تو ہم سب بھی صاحب هایمان ہوجاتے

کاش! ہم دوبارہ (دنیا میں) بھیجے جاتے تو ضرور ہم اہلِ ایمان سے ہو جاتے۔

عبارت 3036

إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

اس میں بھی ہماری ایک نشانی ہے اور ان کی اکثریت بہرحال مومن نہیں تھی

بےشک اس میں بڑی نشانی ہے مگر ان میں سے اکثر ایمان لانے والے نہیں ہیں۔

عبارت 3037

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور تمہارا پروردگار سب پر غالب بھی ہے اور مہربان بھی ہے

اور یقیناً آپ کا پروردگار بڑا غالب اور بڑا رحم کرنے والا ہے۔

عبارت 3038

كَذَّبَتْ قَوْمُ نُوحٍ ٱلْمُرْسَلِينَ

اور نوح کی قوم نے بھی مرسلین کی تکذیب کی

نوح(ع) کی قوم نے پیغمبروں کو جھٹلایا۔

عبارت 3039

إِذْ قَالَ لَهُمْ أَخُوهُمْ نُوحٌ أَلَا تَتَّقُونَ

جب ان کے بھائی نوح نے ان سے کہا کہ تم پرہیزگاری کیوں نہیں اختیار کرتے ہو

جب کہ ان کے بھائی نوح نے ان سے کہا کیا تم ڈرتے نہیں ہو؟ ۔

عبارت 3040

إِنِّى لَكُمْ رَسُولٌ أَمِينٌ

میں تمہارے لئے امانت دار نمائندہ پروردگار ہوں

بےشک میں تمہارے لئے امانت دار رسول ہوں۔

عبارت 3041

فَٱتَّقُوا۟ ٱللَّهَ وَأَطِيعُونِ

پس اللہ سے ڈرو اور میری اطاعت کرو

سو تم اللہ سے ڈرو اور میری اطاعت کرو۔

عبارت 3042

وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ

اور میں اس تبلیغ کی کوئی اجر بھی نہیں چاہتا ہوں میری اجر ت تو رب العالمین کے ذمہ ہے

اور میں تم سے اس (تبلیغ) پر کوئی اجرت نہیں مانگتا۔ میری اجرت تو رب العالمین کے ذمہ ہے۔

عبارت 3043

فَٱتَّقُوا۟ ٱللَّهَ وَأَطِيعُونِ

لہذا تم اللہ سے ڈرو اور میری اطاعت کرو

پس تم اللہ سے ڈرو اور میری اطاعت کرو۔

عبارت 3044

قَالُوٓا۟ أَنُؤْمِنُ لَكَ وَٱتَّبَعَكَ ٱلْأَرْذَلُونَ

ان لوگوں نے کہا کہ ہم آپ پر کس طرح ایمان لے آئیں جبکہ آپ کے سارے پیروکار پست طبقہ کے لوگ ہیں

انہوں نے کہا ہم کس طرح تجھے مان لیں (اور اطاعت کریں) جبکہ رذیل لوگ تمہاری پیروی کر رہے ہیں۔

عبارت 3045

قَالَ وَمَا عِلْمِى بِمَا كَانُوا۟ يَعْمَلُونَ

نوح نے کہا کہ میں کیا جانوں کہ یہ کیا کرتے تھے

آپ نے کہا مجھے اس کی کیا خبر (اور کیا غرض؟) جو وہ کرتے رہے ہیں؟

عبارت 3046

إِنْ حِسَابُهُمْ إِلَّا عَلَىٰ رَبِّى لَوْ تَشْعُرُونَ

ان کا حساب تو میرے پروردگار کے ذمہ ہے اگر تم اس بات کا شعور رکھتے ہو

ان کا حساب کتاب کرنا تو میرے پروردگار ہی کا کام ہے کاش تم شعور سے کام لیتے۔

عبارت 3047

وَمَآ أَنَا۠ بِطَارِدِ ٱلْمُؤْمِنِينَ

اور میں مومنین کو ہٹانے ولا نہیں ہوں

اور میں اہلِ ایمان کو دھتکارنے والا نہیں ہوں۔

عبارت 3048

إِنْ أَنَا۠ إِلَّا نَذِيرٌ مُّبِينٌ

میں تو صرف واضح طور پر عذاب الٰہی سے ڈرانے والا ہوں

میں تو صرف ایک کھلا ہوا ڈرانے والا ہوں۔

عبارت 3049

قَالُوا۟ لَئِن لَّمْ تَنتَهِ يَٰنُوحُ لَتَكُونَنَّ مِنَ ٱلْمَرْجُومِينَ

ان لوگوں نے کہا کہ نوح اگر تم ان باتوں سے باز نہ آئے تو ہم تمہیں سنگسار کردیں گے

ان لوگوں نے کہا اے نوح! اگر تم باز نہ آئے تو تم ضرور سنگسار کر دیئے جاؤگے۔

عبارت 3050

قَالَ رَبِّ إِنَّ قَوْمِى كَذَّبُونِ

نوح نے یہ سن کر فریاد کی کہ پروردگار میری قوم نے مجھے جھٹلا دیا ہے

آپ نے کہا اے میرے پروردگار! میری قوم نے تو مجھے جھٹلایا دیا ہے۔

عبارت 3051

فَٱفْتَحْ بَيْنِى وَبَيْنَهُمْ فَتْحًا وَنَجِّنِى وَمَن مَّعِىَ مِنَ ٱلْمُؤْمِنِينَ

اب میرے اور ان کے درمیان کھلا ہوا فیصلہ فرما دے اور مجھے اور میرے ساتھی صاحبانِ ایمان کو نجات دے دے

پس اب تو ہی میرے اور ان کے درمیان فیصلہ فرما اور مجھے اور میرے ساتھ ایمان لانے والوں کو نجات دے۔

عبارت 3052

فَأَنجَيْنَٰهُ وَمَن مَّعَهُۥ فِى ٱلْفُلْكِ ٱلْمَشْحُونِ

پھر ہم نے انہیں اور ان کے ساتھیوں کو ایک بھری ہوئی کشتی میں نجات دے دی

پس ہم نے انہیں اور جو اس بھری ہوئی کشتی میں ان کے ساتھ تھے سب کو نجات دی۔

عبارت 3053

ثُمَّ أَغْرَقْنَا بَعْدُ ٱلْبَاقِينَ

اس کے بعد باقی سب کو غرق کردیا

پھر اس کے بعد باقی لوگوں کو غرق کر دیا۔

عبارت 3054

إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

یقینا اس میں بھی ہماری ایک نشانی ہے اور ان کی اکثریت ایمان لانے والی نہیں تھی

بےشک اس میں ایک بڑی نشانی ہے (مگر) ان میں سے اکثر لوگ ایمان نہیں لانے والے ہیں۔

عبارت 3055

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور تمہارا پروردگار ہی سب پر غالب اور مہربان ہے

اور آپ کا پروردگار بڑا غالب ہے، بڑا رحم کرنے والا ہے۔

عبارت 3056

كَذَّبَتْ عَادٌ ٱلْمُرْسَلِينَ

اورقوم عاد نے بھی مرسلین کی تکذیب کی ہے

(اسی طرح قوم) عاد نے بھی رسولوں کو جھٹلایا۔

عبارت 3057

إِذْ قَالَ لَهُمْ أَخُوهُمْ هُودٌ أَلَا تَتَّقُونَ

جب ان کے بھائی ہود نے کہا کہ تم خورِ خدا کیوں نہیں پیدا کرتے ہو

جبکہ ان کے بھائی ہود نے ان سے کہا کیا تم ڈرتے نہیں ہو؟

عبارت 3058

إِنِّى لَكُمْ رَسُولٌ أَمِينٌ

میں تمہارے لئے ایک امانتدار پیغمبر ہوں

بےشک میں تمہارے لئے امانت دار رسول ہوں۔

عبارت 3059

فَٱتَّقُوا۟ ٱللَّهَ وَأَطِيعُونِ

لہذا اللہ سے ڈرو اور میری اطاعت کرو

سو تم اللہ سے ڈرو اور میری اطاعت کرو۔

عبارت 3060

وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ

اور میں تو تم سے تبلیغ کا کوئی اجر بھی نہیں چاہتا ہوں میرا اجر صرف رب العالمین کے ذمہ ہے

اور میں تم سے اس (تبلیغ) پر کوئی اجرت نہیں مانگتا۔ میری اجرت تو رب العالمین کے ذمہ ہے۔

عبارت 3061

أَتَبْنُونَ بِكُلِّ رِيعٍ ءَايَةً تَعْبَثُونَ

کیا تم کھیل تماشے کے لئے ہر اونچی جگہ پر ایک یادگار بناتے ہو

کیا تم ہر بلندی پر بے فائدہ ایک یادگار تعمیر کرتے ہو؟

عبارت 3062

وَتَتَّخِذُونَ مَصَانِعَ لَعَلَّكُمْ تَخْلُدُونَ

اور بڑے بڑے محل تعمیر کرتے ہو کہ شاید اسی طرح ہمیشہ دنیا میں رہ جاؤ

اور تم بڑے بڑے محل تعمیر کرتے ہو شاید کہ تم ہمیشہ زندہ رہوگے۔

عبارت 3063

وَإِذَا بَطَشْتُم بَطَشْتُمْ جَبَّارِينَ

اور جب حملہ کرتے ہو تو نہایت جابرانہ حملہ کرتے ہو

اور جب تم کسی پر حملہ کرتے ہو تو جبار و سرکش بن کر حملہ کرتے ہو؟

عبارت 3064

فَٱتَّقُوا۟ ٱللَّهَ وَأَطِيعُونِ

اب اللہ سے ڈرو اور میری اطاعت کرو

پس تم اللہ سے ڈرو اور میری اطاعت کرو۔

عبارت 3065

وَٱتَّقُوا۟ ٱلَّذِىٓ أَمَدَّكُم بِمَا تَعْلَمُونَ

اور اس کا خوف پیدا کرو جس نے تمہاری ان تمام چیزوں سے مدد کی ہے جنہیں تم خوب جانتے ہو

اور اس ذات سے ڈرو جس نے ان چیزوں سے تمہاری مدد کی ہے جنہیں تم جانتے ہو۔

عبارت 3066

أَمَدَّكُم بِأَنْعَٰمٍ وَبَنِينَ

تمہاری امداد جانوروں اور اولاد سے کی ہے

(یعنی) اس نے مویشیوں اور اولاد سے تمہاری مدد فرمائی۔

عبارت 3067

وَجَنَّٰتٍ وَعُيُونٍ

اور باغات اور چشموں سے کی ہے

اور باغات اور چشموں سے۔

عبارت 3068

إِنِّىٓ أَخَافُ عَلَيْكُمْ عَذَابَ يَوْمٍ عَظِيمٍ

میں تمہارے بارے میں بڑے سخت دن کے عذاب سے خوفزدہ ہوں

میں تمہارے متعلق ایک بہت بڑے (سخت) دن کے عذاب سے ڈرتا ہوں۔

عبارت 3069

قَالُوا۟ سَوَآءٌ عَلَيْنَآ أَوَعَظْتَ أَمْ لَمْ تَكُن مِّنَ ٱلْوَٰعِظِينَ

ان لوگوں نے کہا کہ ہمارے لئے سب برابر ہے چاہے تم ہمیں نصیحت کرو یا تمہارا شمارنصیحت کرنے والوں میں نہ ہو

ان لوگوں نے کہا کہ تم نصیحت کرو یا نہ کرو۔ ہمارے لئے برابر ہے۔

عبارت 3070

إِنْ هَٰذَآ إِلَّا خُلُقُ ٱلْأَوَّلِينَ

یہ ڈرانا دھمکانا تو پرانے لوگوں کی عادت ہے

یہ (ڈراوا) تو بس اگلے لوگوں کی عادت ہے۔

عبارت 3071

وَمَا نَحْنُ بِمُعَذَّبِينَ

اور ہم پر عذاب ہونے والا نہیں ہے

اور ہم کبھی عذاب میں مبتلا ہونے والے نہیں ہیں۔

عبارت 3072

فَكَذَّبُوهُ فَأَهْلَكْنَٰهُمْ إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

پس قوم نے تکذیب کی اور ہم نے اسے ہلاک کردیا کہ اس میں بھی ہماری ایک نشانی ہے ا ور ان کی اکثریت بہرحا ل مومن نہیں تھی

پس انہوں نے اس (ہود) کو جھٹلایا اور ہم نے انہیں ہلاک کر دیا بےشک اس میں ایک بڑی نشانی ہے مگر ان میں سے اکثر لوگ ایمان لائے نہیں تھے۔

عبارت 3073

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور تمہارا پروردگار غالب بھی ہے اور مہربان بھی ہے

اور یقیناً آپ کا پروردگار بڑا غالب، بڑا رحم کرنے والا ہے۔

عبارت 3074

كَذَّبَتْ ثَمُودُ ٱلْمُرْسَلِينَ

او قوم ثمود نے بھی مرسلین کی تکذیب کی

قومِ ثمود نے رسولوں کو جھٹلایا۔

عبارت 3075

إِذْ قَالَ لَهُمْ أَخُوهُمْ صَٰلِحٌ أَلَا تَتَّقُونَ

جب ان کے بھائی صالح نے کہا کہ تم لوگ خدا سے کیوں نہیں ڈرتے ہو

جبکہ ان کے بھائی صالح نے ان سے کہا کیا تم ڈرتے نہیں ہو؟

عبارت 3076

إِنِّى لَكُمْ رَسُولٌ أَمِينٌ

میں تمہارے لئے ایک امانتدار پیغمبر ہوں

میں تمہارے لئے امانت دار رسول ہوں۔

عبارت 3077

فَٱتَّقُوا۟ ٱللَّهَ وَأَطِيعُونِ

لہذا اللہ سے ڈرو اور میری اطاعت کرو

سو تم اللہ سے ڈرو اور میری اطاعت کرو۔

عبارت 3078

وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ

اور میں تم سے اس کام کی اجرت بھی نہیں چاہتا ہوں میری اجرت تو خدائے رب العالمین کے ذمہ ہے

اور میں تم سے اس (تبلیغ رسالت) پر کوئی اجرت نہیں مانگتا۔ میری اجرت تو رب العالمین کے ذمہ ہے۔

عبارت 3079

أَتُتْرَكُونَ فِى مَا هَٰهُنَآ ءَامِنِينَ

کیا تم یہاں کی نعمتوں میں اسی آرام سے چھوڑ دیئے جاؤ گے

کیا تمہیں ان چیزوں میں جو یہاں ہیں امن و اطمینان سے چھوڑ دیا جائے گا۔

عبارت 3080

فِى جَنَّٰتٍ وَعُيُونٍ

انہی باغات اور چشموں میں

(یعنی) باغوں اور چشموں میں۔

عبارت 3081

وَزُرُوعٍ وَنَخْلٍ طَلْعُهَا هَضِيمٌ

اور انہی کھیتوں اور خرمے کے درختوں کے درمیان جن کی کلیاں نرم و نازک ہیں

اور ان کھجوروں میں جن کے خوشے نرم اور خوب بھرے ہوئے ہیں۔

عبارت 3082

وَتَنْحِتُونَ مِنَ ٱلْجِبَالِ بُيُوتًا فَٰرِهِينَ

اور جو تم پہاڑوں کو کاٹ کر آسائشی مکانات تعمیر کررہے ہو

اور تم پہاڑوں کو تراش تراش کر اتراتے ہوئے (یا مہارت سے) مکانات بناتے ہو۔

عبارت 3083

فَٱتَّقُوا۟ ٱللَّهَ وَأَطِيعُونِ

ایسا ہرگز نہیں ہوگا لہذا اللہ سے ڈرو اور میری اطاعت کرو

پس اللہ سے ڈرو اور میری اطاعت کرو۔

عبارت 3084

وَلَا تُطِيعُوٓا۟ أَمْرَ ٱلْمُسْرِفِينَ

اور زیادتی کرنے والوں کی بات نہ مانو

اور ان حد سے تجاوز کرنے والوں کے حکم کی اطاعت نہ کرو۔

عبارت 3085

ٱلَّذِينَ يُفْسِدُونَ فِى ٱلْأَرْضِ وَلَا يُصْلِحُونَ

جو زمین میں فساد برپا کرتے ہیںاور اصلاح نہیں کرتے ہیں

جو زمین میں فساد پھیلاتے ہیں اور اصلاح نہیں کرتے۔

عبارت 3086

قَالُوٓا۟ إِنَّمَآ أَنتَ مِنَ ٱلْمُسَحَّرِينَ

ان لوگوں نے کہا کہ تم پر تو صرف جادو کردیا گیا ہے اور بس

ان لوگوں نے کہا: (اے صالح) تم ان لوگوں میں سے ہو جن پر سخت (یا بار بار) جادو کر دیا گیا ہے۔

عبارت 3087

مَآ أَنتَ إِلَّا بَشَرٌ مِّثْلُنَا فَأْتِ بِـَٔايَةٍ إِن كُنتَ مِنَ ٱلصَّٰدِقِينَ

تم ہمارے ہی جیسے ایک انسان ہو لہذا اگر سچےّ ہو تو کوئی نشانی اور معجزہ لے آؤ

(اور) تم تو بس ہمارے جیسے ایک بندہ ہو۔ اگر تم سچے ہو تو کوئی معجزہ لاؤ۔

عبارت 3088

قَالَ هَٰذِهِۦ نَاقَةٌ لَّهَا شِرْبٌ وَلَكُمْ شِرْبُ يَوْمٍ مَّعْلُومٍ

صالح نے کہا کہ یہ ایک اونٹنی ہے ایک دن کا پانی اس کے لئے ہے اورایک مقرر دن کا پانی تمہارے لئے ہے

صالح نے کہا یہ ایک اونٹنی ہے ایک دن اس کے پانی پینے کا ہوگا اور ایک مقررہ دن کا پانی تمہارے پینے کیلئے ہوگا۔

عبارت 3089

وَلَا تَمَسُّوهَا بِسُوٓءٍ فَيَأْخُذَكُمْ عَذَابُ يَوْمٍ عَظِيمٍ

اور خبردار اسے کوئی تکلیف نہ پہنچانا ورنہ تمہیں سخت دن کا عذاب گرفتار کرلے گا

اور خبردار اسے کوئی تکلیف نہ پہنچانا ورنہ تمہیں ایک بڑے دن کا عذاب آپکڑے گا۔

عبارت 3090

فَعَقَرُوهَا فَأَصْبَحُوا۟ نَٰدِمِينَ

پھر ان لوگوں نے اس کے پیرکاٹ دیئے او بعد میں بہت شرمند ہوئے

پس انہوں نے اس کی کونچیں کاٹ دیں پھر پشیمان ہوئے۔

عبارت 3091

فَأَخَذَهُمُ ٱلْعَذَابُ إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

کہ عذاب نے انہیں گھیر لیا اور یقینا اس میں بھی ہماری ایک نشانی ہے اور ان کی اکثریت ایمان والی نہیں تھی

پھر ان کو عذاب نے آپکڑا بےشک اس (واقعہ) میں ایک بڑی نشانی ہے مگر ان میں سے اکثر لوگ ایمان لانے والے نہیں تھے۔

عبارت 3092

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور تمہارا پروردگار سب پرغالب آنے والا اور صاحبِ رحمت بھی ہے

اور یقیناً آپ کا پروردگار بڑا غالب ہے، بڑا رحم کرنے والا ہے۔

عبارت 3093

كَذَّبَتْ قَوْمُ لُوطٍ ٱلْمُرْسَلِينَ

اور قوم لوط نے بھی مرسلین کو جھٹلایا

قومِ لوط نے رسولوں کو جھٹلایا۔

عبارت 3094

إِذْ قَالَ لَهُمْ أَخُوهُمْ لُوطٌ أَلَا تَتَّقُونَ

جب ان سے ان کے بھائی لوط نے کہا کہ تم خدا سے کیوں نہیں ڈرتے ہو

جبکہ ان کے بھائی لوط نے ان سے کہا کیا تم ڈرتے نہیں ہو۔

عبارت 3095

إِنِّى لَكُمْ رَسُولٌ أَمِينٌ

میں تمہارے حق میں ایک امانتدار پیغمبر ہوں

میں تمہارے لئے امانت دار رسول ہوں۔

عبارت 3096

فَٱتَّقُوا۟ ٱللَّهَ وَأَطِيعُونِ

اللرُ سے ڈرو اور میری اطاعت کرو

پس تم اللہ سے ڈرو اور میری اطاعت کرو۔

عبارت 3097

وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ

اور میں تم سے اس امر کی کوئی اجرت بھی نہیں چاہتا ہوں میرا اجر تو صرف پروردگار کے ذمہ ہے جو عالمین کا پالنے والا ہے

اور میں تم سے اس (تبلیغ رسالت) پر کوئی اجرت نہیں مانگتا میری اجرت تو بس رب العالمین کے ذمہ ہے۔

عبارت 3098

أَتَأْتُونَ ٱلذُّكْرَانَ مِنَ ٱلْعَٰلَمِينَ

کیا تم لوگ ساری دنیا میں صرف مُردوں ہی سے جنسی تعلقات پیدا کرتے ہو

کیا تم دنیا جہان والوں میں سے (بدفعلی کیلئے) مَردوں کے پاس ہی جاتے ہو۔

عبارت 3099

وَتَذَرُونَ مَا خَلَقَ لَكُمْ رَبُّكُم مِّنْ أَزْوَٰجِكُم بَلْ أَنتُمْ قَوْمٌ عَادُونَ

اور ان ازواج کو چھوڑ دیتے ہو جنہیں پروردگار نے تمہارے لئے پیدا کیا ہے حقیقتا تم بڑی زیادتی کرنے والے لوگ ہو

اور تمہارے پروردگار نے تمہارے لئے جو بیویاں پیدا کی ہیں انہیں چھوڑ دیتے ہو۔ بلکہ تم حد سے گزر جانے والے لوگ ہو۔

عبارت 3100

قَالُوا۟ لَئِن لَّمْ تَنتَهِ يَٰلُوطُ لَتَكُونَنَّ مِنَ ٱلْمُخْرَجِينَ

ان لوگوں نے کہا کہ لوط اگر تم اس تبلیغ سے باز نہ آئے تو اس بستی سے نکال باہر کردیئے جاؤ گے

ان لوگوں نے کہا: اے لوط (ع)! (اگر تم ان باتوں سے) باز نہ آئے تو تمہیں ضرور باہر نکال دیا جائے گا۔

عبارت 3101

قَالَ إِنِّى لِعَمَلِكُم مِّنَ ٱلْقَالِينَ

انہوں نے کہا کہ بہرحال میں تمہارے عمل سے بیزار ہوں

آپ نے کہا میں تمہارے (اس) کردار سے سخت نفرت کرنے والوں میں سے ہوں۔

عبارت 3102

رَبِّ نَجِّنِى وَأَهْلِى مِمَّا يَعْمَلُونَ

پروردگار ! مجھے اور میرے اہل کو ان کے اعمال کی سزا سے محفوظ رکھنا

اے میرے پروردگار! مجھے اور میرے گھر والوں کو اس عمل (کے وبال) سے جو یہ کرتے ہیں نجات عطا فرما۔

عبارت 3103

فَنَجَّيْنَٰهُ وَأَهْلَهُۥٓ أَجْمَعِينَ

تو ہم نے انہیں اور ان کے اہل سب کو نجات دے دی

چنانچہ ہم نے انہیں اور ان کے گھر والوں کو نجات عطا کی ہے۔

عبارت 3104

إِلَّا عَجُوزًا فِى ٱلْغَٰبِرِينَ

سوائے اس ضعیفہ کے کہ جو پیچھے رہ گئی

سوائے ایک بڑھیا کے جو پیچھے رہ جانے والوں میں سے تھی۔

عبارت 3105

ثُمَّ دَمَّرْنَا ٱلْـَٔاخَرِينَ

پھر ہم نے ان لوگوں کو تباہ و برباد کردیا

پھر ہم نے دوسرے سب لوگوں کو تباہ و برباد کر دیا۔

عبارت 3106

وَأَمْطَرْنَا عَلَيْهِم مَّطَرًا فَسَآءَ مَطَرُ ٱلْمُنذَرِينَ

اور ان کے اوپر زبردست پتھروں کی بارش کردی جو ڈرائے جانے والوں کے حق میں بدترین بارش ہے

اور ہم نے ان پر (پتھروں کی) بارش برسائی۔ سو کیا بڑی بارش تھی جو ڈرائے ہوؤوں پر برسی۔

عبارت 3107

إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

اور اس میں بھی ہماری ایک نشانی ہے اور ان کی اکثریت بہرحال مومن نہیں تھی

بےشک اس میں ایک بڑی نشانی ہے۔ مگر ان میں سے اکثر لوگ ایمان لانے والے نہیں تھے۔

عبارت 3108

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور تمہارا پروردگار عزیز بھی ہے اور رحیم بھی ہے

اور یقیناً آپ کا پروردگار بڑا غالب ہے، بڑا رحم کرنے والا ہے۔

عبارت 3109

كَذَّبَ أَصْحَٰبُ لْـَٔيْكَةِ ٱلْمُرْسَلِينَ

اور جنگل کے رہنے والوں نے بھی مرسلین کو جھٹلایا

ایکہ والوں نے رسولوں کو جھٹلایا۔

عبارت 3110

إِذْ قَالَ لَهُمْ شُعَيْبٌ أَلَا تَتَّقُونَ

جب ان سے شعیب نے کہا کہ تم خدا سے ڈرتے کیوں نہیں ہو

جبکہ ان کے بھائی شعیب (ع) نے کہا کیا تم ڈرتے نہیں ہو؟

عبارت 3111

إِنِّى لَكُمْ رَسُولٌ أَمِينٌ

میں تمہارے لئے ایک امانتدار پیغمبر ہوں

بےشک میں تمہارے لئے امانت دار رسول ہوں۔

عبارت 3112

فَٱتَّقُوا۟ ٱللَّهَ وَأَطِيعُونِ

لہذا اللہ سے ڈرو اور میری اطاعت کرو

سو تم اللہ سے ڈرو اور میری اطاعت کرو۔

عبارت 3113

وَمَآ أَسْـَٔلُكُمْ عَلَيْهِ مِنْ أَجْرٍ إِنْ أَجْرِىَ إِلَّا عَلَىٰ رَبِّ ٱلْعَٰلَمِينَ

اور میں تم سے اس کام کی کوئی اجرت بھی نہیں چاہتا ہوں کہ میرا اجر تو صرف رب العالمین کے ذمہ ہے

میں تم سے اس (تبلیغ رسالت) پر کوئی اجرت نہیں مانگتا۔ میری اجرت تو بس رب العالمین کے ذمہ ہے۔

عبارت 3114

أَوْفُوا۟ ٱلْكَيْلَ وَلَا تَكُونُوا۟ مِنَ ٱلْمُخْسِرِينَ

اور دیکھو ناپ تول کو ٹھیک رکھو اور لوگوں کو خسارہ دینے والے نہ بنو

(دیکھو) پورا ناپا کرو (پیمانہ بھرا کرو) اور نقصان پہنچانے والوں میں سے نہ ہو۔

عبارت 3115

وَزِنُوا۟ بِٱلْقِسْطَاسِ ٱلْمُسْتَقِيمِ

اور وزن کرو تو صحیح اور سچیّ ترازو سے تولو

اور صحیح ترازو سے تولا کرو (ڈنڈی سیدھی رکھا کرو)۔

عبارت 3116

وَلَا تَبْخَسُوا۟ ٱلنَّاسَ أَشْيَآءَهُمْ وَلَا تَعْثَوْا۟ فِى ٱلْأَرْضِ مُفْسِدِينَ

اور لوگوں کی چیزوں میں کمی نہ کیا کرو اور روئے زمین میں فساد نہ پھیلاتے پھرو

اور لوگوں کو ان کی چیزیں کم نہ دیا کرو۔ اور زمین میں فساد پھیلاتے نہ پھرو۔

عبارت 3117

وَٱتَّقُوا۟ ٱلَّذِى خَلَقَكُمْ وَٱلْجِبِلَّةَ ٱلْأَوَّلِينَ

اور اس خدا سے ڈرو جس نے تمہیں اور تم سے پہلے والی نسلوں کو پیدا کیا ہے

اور اس (اللہ) سے ڈرو جس نے تمہیں اور پہلی مخلوق کو پیدا کیا ہے۔

عبارت 3118

قَالُوٓا۟ إِنَّمَآ أَنتَ مِنَ ٱلْمُسَحَّرِينَ

ان لوگوں نے کہا کہ تم تو صرف جادو زدہ معلوم ہوتے ہو

ان لوگوں نے کہا کہ تم تو بس سخت سحر زدہ آدمی ہو۔

عبارت 3119

وَمَآ أَنتَ إِلَّا بَشَرٌ مِّثْلُنَا وَإِن نَّظُنُّكَ لَمِنَ ٱلْكَٰذِبِينَ

اور تم ہمارے ہی جیسے ایک انسان ہو اور ہمیں تو جھوٹے بھی معلوم ہوتے ہو

اور تم ہمارے ہی جیسے ایک انسان ہو اور ہمیں تو جھوٹے بھی معلوم ہوتے ہو۔

عبارت 3120

فَأَسْقِطْ عَلَيْنَا كِسَفًا مِّنَ ٱلسَّمَآءِ إِن كُنتَ مِنَ ٱلصَّٰدِقِينَ

اور اگر واقعا سچے ہو تو ہمارے اوپر آسمان کا کوئی ٹکڑا نازل کردو

اگر تم سچے ہو تو ہم پر آسمان کا کوئی ٹکڑا گرا دو۔

عبارت 3121

قَالَ رَبِّىٓ أَعْلَمُ بِمَا تَعْمَلُونَ

انہوں نے کہا کہ ہمارا پروردگار تمہارے اعمال سے خوب باخبر ہے

آپ نے کہا میرا پروردگار بہتر جانتا ہے جو کچھ تم کرتے ہو۔

عبارت 3122

فَكَذَّبُوهُ فَأَخَذَهُمْ عَذَابُ يَوْمِ ٱلظُّلَّةِ إِنَّهُۥ كَانَ عَذَابَ يَوْمٍ عَظِيمٍ

پھر ان لوگوں نے تکذیب کی تو انہیں سایہ کے دن کے عذاب نے اپنی گرفت میں لے لیا کہ یہ بڑے سخت دن کا عذاب تھا

پس ان لوگوں نے ان (شعیب (ع)) کو جھٹلایا تو سائبان والے دن کے عذاب نے انہیں اپنی گرفت میں لے لیا۔ بےشک وہ ایک بڑے سخت دن کا عذاب تھا۔

عبارت 3123

إِنَّ فِى ذَٰلِكَ لَـَٔايَةً وَمَا كَانَ أَكْثَرُهُم مُّؤْمِنِينَ

بیشک اس میں بھی ہماری ایک نشانی ہے اور ان کی اکثریت ایمان لانے والی نہیں تھی

بےشک اس میں ایک بڑی نشانی ہے۔ مگر ان میں سے اکثر لوگ ایمان لانے والے نہیں تھے۔

عبارت 3124

وَإِنَّ رَبَّكَ لَهُوَ ٱلْعَزِيزُ ٱلرَّحِيمُ

اور تمہارا پروردگار بہت بڑا عزت والا اور مہربان ہے

اور بےشک آپ کا پروردگار بڑا غالب ہے، بڑا رحم کرنے والا ہے۔

عبارت 3125

وَإِنَّهُۥ لَتَنزِيلُ رَبِّ ٱلْعَٰلَمِينَ

اور یہ قرآن رب العالمین کی طرف سے نازل ہونے والا ہے

اور بےشک یہ (قرآن) رب العالمین کا نازل کردہ ہے۔

عبارت 3126

نَزَلَ بِهِ ٱلرُّوحُ ٱلْأَمِينُ

اسے جبریل امین لے کر نازل ہوئے ہیں

جسے روح الامین (جبرائیل) نے آپ کے دل پر اتارا ہے۔

عبارت 3127

عَلَىٰ قَلْبِكَ لِتَكُونَ مِنَ ٱلْمُنذِرِينَ

یہ آپ کے قلب پر نازل ہوا ہے تاکہ آپ لوگوں کو عذاب الٰہی سے ڈرائیں

تاکہ آپ (عذابِ الٰہی سے) ڈرانے والوں میں سے ہو جائیں۔

عبارت 3128

بِلِسَانٍ عَرَبِىٍّ مُّبِينٍ

یہ واضح عربی زبان میں ہے

یہ کھلی ہوئی عربی زبان میں ہے۔

عبارت 3129

وَإِنَّهُۥ لَفِى زُبُرِ ٱلْأَوَّلِينَ

اور اس کا ذکر سابقین کی کتابوں میں بھی موجود ہے

اور یہ پہلے لوگوں کی کتابوں میں (بھی) ہے۔

عبارت 3130

أَوَلَمْ يَكُن لَّهُمْ ءَايَةً أَن يَعْلَمَهُۥ عُلَمَٰٓؤُا۟ بَنِىٓ إِسْرَٰٓءِيلَ

کیا یہ نشانی ان کے لئے کافی نہیں ہے کہ اسے بنی اسرائیل کے علمائ بھی جانتے ہیں

کیا یہ نشانی اس (اہل مکہ) کیلئے کافی نہیں ہے کہ اس (قرآن) کو بنی اسرائیل کے علماء جانتے ہیں۔

عبارت 3131

وَلَوْ نَزَّلْنَٰهُ عَلَىٰ بَعْضِ ٱلْأَعْجَمِينَ

اور اگر ہم اسے کسی عجمی آدمی پر نازل کردیتے

اور اگر ہم اسے کسی عجمی (غیر عرب) پر نازل کرتے۔

عبارت 3132

فَقَرَأَهُۥ عَلَيْهِم مَّا كَانُوا۟ بِهِۦ مُؤْمِنِينَ

اور وہ انہیں پڑھ کر سناتا تو یہ کبھی ایمان لانے والے نہیں تھے

پھر وہ اسے پڑھ کر ان کو سناتا تب بھی وہ اس پر ایمان نہ لاتے۔

عبارت 3133

كَذَٰلِكَ سَلَكْنَٰهُ فِى قُلُوبِ ٱلْمُجْرِمِينَ

اور اس طرح ہم نے اس انکار کو مجرمین کے دلوں تک جانے کا رستہ دے دیا ہے

اسی طرح ہم نے اس (انکار) کو مجرموں کے دلوں میں داخل کر دیا ہے۔