عبارت 54002
(٥٤) وَ مِنْ كَلَامٍ لَّهٗ عَلَیْهِ السَّلَامُ
خطبہ 54: آپؑ کے ہاتھ پر بیعت کرنے والوں کا ہجوم
عبارت 54003
نہج البلاغہ خطبہ 54
عبارت 54004
فَتَدَاكُّوْا عَلَیَّ تَدَاكَّ الْاِبِلِ الْهِیْمِ یَوْمَ وِرْدِهَا، قَدْ اَرْسَلَهَا رَاعِیْهَا، وَ خُلِعَتْ مَثَانِیْهَا، حَتّٰی ظَنَنْتُ اَنَّهُمْ قَاتِلِیَّ، اَوْ بَعْضَهُمْ قَاتِلُ بَعْضٍ لَّدَیَّ، وَ قَدْ قَلَّبْتُ هٰذَا الْاَمْرَ بَطْنَهٗ وَ ظَهْرَهٗ، فَمَا وَجَدْتُّنِیْ یَسَعُنِیْۤ اِلَّا قِتَالُهُمْ اَوِ الْجُحُوْدُ بِمَا جَآءَ بِهٖ مُحَمَّدٌ ﷺ، فَكَانَتْ مُعَالَجَةُ الْقِتَالِ اَهْوَنَ عَلَیَّ مِنْ مُّعَالَجَةِ الْعِقَابِ، وَ مَوْتَاتُ الدُّنْیَا اَهْوَنَ عَلَیَّ مِنْ مَّوْتَاتِ الْاٰخِرَةِ.
عبارت 54005
وہ اس طرح بے تحاشا میری طرف لپکے جس طرح پانی پینے کے دن وہ اونٹ ایک دوسرے پر ٹوٹتے ہیں کہ جنہیں ان کے ساربان نے پیروں کے بندھن کھول کر کھلا چھوڑ دیا ہو۔ یہاں تک کہ مجھے یہ گمان ہونے لگا کہ یا تو مجھے مار ڈالیں گے، یا میرے سامنے ان میں سے کوئی کسی کا خون کر دے گا۔ میں نے اس امر کو اندر باہر سے الٹ پلٹ کر دیکھا تو مجھے جنگ کے علاوہ کوئی صورت نظر نہ آئی، یا یہ کہ محمد ﷺ کے لائے ہوئے احکام سے انکار کر دوں، لیکن آخرت کی سختیاں جھیلنے سے مجھے جنگ کی سختیاں جھیلنا سہل نظر آیا اور آخرت کی تباہیوں سے دنیا کی ہلاکتیں میرے لئے آسان نظر آئیں۔