عبارت 237002
(٢٣٧) وَ مِنْ كَلَامٍ لَّهٗ عَلَیْهِ السَّلَامُ
خطبہ 237: جب عثمان نے ینبع چلے جانے کے لیے پیغام بھجوایا تو فرمایا
عبارت 237003
خطبہ (۲۳۷)
عبارت 237004
قَالَهٗ لِعَبْدِ اللّٰهِ بْنِ الْعَبَّاسِ وَ قَدْ جَآئَهٗ بِرِسَالَةٍ مِّنْ عُثْمَانَ وَ هُوَ مَحْصُوْرٌ يَّسْئَلُهٗ فِيْهَا الْخُرُوْجَ اِلٰى مَالِهٖ بِيَنْۢبُعَ لِيَقِلَّ هَتْفُ النَّاسِ بِاسْمِهٖ لِلْخِلَافَةِ بَعْدَ اَنْ كَانَ سَئَلَهٗ مِثْلَ ذٰلِكَ مِنْ قَبْلُ، فَقَالَ ؑ:
عبارت 237005
جن دنوں میں عثمان ابن عفان محاصرہ میں تھے تو عبد اللہ ابن عباس ان کی ایک تحریر لے کر امیر المومنین علیہ السلام کے پاس آئے جس میں آپؑ سے خواہش کی تھی کہ آپؑ اپنی جاگیر ینبع کی طرف چلے جائیں، تاکہ خلافت کیلئے جو حضرتؑ کا نام پکارا جا رہا ہے اس میں کچھ کمی آ جائے اور وہ ایسی درخواست پہلے بھی کر چکے تھے جس پر حضرتؑ نے ابن عباس سے فرمایا:
عبارت 237006
یَابْنَ عَبَّاسٍ! مَا یُرِیْدُ عُثْمَانُ اِلَّاۤ اَنْ یَّجَعَلَنِیْ جَمَلًا نَّاضِحًۢا بِالْغَرْبِ: اُقْبِلُ وَ اُدْبِرُ! بَعَثَ اِلَیَّ اَنْ اَخْرُجَ، ثُمَّ بَعَثَ اِلَیَّ اَنْ اَقْدَمَ، ثُمَّ هُوَ الْاٰنَ یَبْعَثُ اِلَیَّ اَنْ اَخْرُجَ! وَاللهِ! لَقَدْ دَفَعْتُ عَنْهُ حَتّٰی خَشِیْتُ اَنْ اَكُوْنَ اٰثِمًا.
عبارت 237007
اے ابن عباس! عثمان تو بس یہ چاہتے ہیں کہ وہ مجھے اپنا شتر آب کش بنا لیں کہ جو ڈول کے ساتھ کبھی آگے بڑھتا ہے اور کبھی پیچھے ہٹتا ہے۔ انہوں نے پہلے بھی یہی پیغام بھیجا تھا کہ میں (مدینہ سے) باہر نکل جاؤں اور اس کے بعد یہ کہلوا بھیجا کہ میں پلٹ آؤں، اب پھر وہ پیغام بھیجتے ہیں کہ میں یہاں سے چلا جاؤں۔ (جہاں تک مناسب تھا) میں نے ان کو بچایا، اب تو مجھے ڈر ہے کہ میں (ان کو مدد دینے سے) کہیں گنہگار نہ ہو جاؤں۔