عبارت 192002
(۱٩٢) وَ مِنْ خُطْبَةٍ لَّهٗ عَلَیْهِ السَّلَامُ
خطبہ 192: پیغمبر ﷺکی بعثت، قبائلِ عرب کی عداوت اور منافقین کی حالت
عبارت 192003
خطبہ (۱۹۲)
عبارت 192004
یَصِفُ فِیْهَا الْمُنَافِقِیْنَ
عبارت 192005
اس میں منافقین کی صفات بیان کی ہیں
عبارت 192006
نَحْمَدُهٗ عَلٰی مَا وَفَّقَ لَهٗ مِنَ الطَّاعَةِ، وَ ذَادَ عَنْهُ مِنَ الْمَعْصِیَةِ، وَ نَسْئَلُهٗ لِـمِنَّتِهٖ تَمَامًا، وَ بِحَبْلِهِ اعْتِصَامًا.
عبارت 192007
ہم اس کی حمد و ستائش کرتے ہیں جس نے اطاعت کی توفیق بخشی اور معصیت سے روک کر رکھا۔ ہم اس سے نعمتوں کے پایہ تکمیل تک پہنچانے کی خواہش اور اس سے (اسلام کی)رسی سے وابستہ رہنے کا سوال کرتے ہیں۔
عبارت 192008
وَ نَشْهَدُ اَنَّ مُحَمَّدًا عَبْدُهٗ وَ رَسُوْلُهٗ، خَاضَ اِلٰی رِضْوَانِ اللهِ كُلَّ غَمْرَةٍ، وَ تَجَرَّعَ فِیْهِ كُلَّ غُصَّةٍ، وَ قَدْ تَلَوَّنَ لَهُ الْاَدْنَوْنَ، وَ تَاَلَّبَ عَلَیْهِ الْاَقْصَوْنَ، وَ خَلَعَتْ اِلَیْهِ الْعَرَبُ اَعِنَّتَهَا، وَ ضَرَبَتْ لِمُحَارَبَتِهٖ بُطُوْنَ رَوَاحِلِهَا، حَتّٰۤی اَنْزَلَتْ بِسَاحَتِهٖ عَدَاوَتَهَا، مِنْ اَبْعَدِ الدَّارِ، وَ اَسْحَقِ الْمَزَارِ.
عبارت 192009
اور ہم گواہی دیتے ہیں کہ محمد ﷺ اس کے عبد اور رسول ہیں جو اللہ کی رضا مندی حاصل کرنے کیلئے ہر سختی میں پھاند پڑے اور جنہوں نے اس کیلئے غم و غصہ کے گھونٹ پئے، جن کے قریبیوں نے بھی مختلف رنگ بدلے اور دور والوں نے بھی ان کی دشمنی پر ایکا کر لیا اور عرب والے بھی ان کے خلاف بگٹٹ چڑھ دوڑے اور دور دراز جگہوں اور دور افتادہ سرحدوں سے سواریوں کے پیٹ پر ایڑ لگاتے ہوئے آپؐ سے لڑنے کیلئے جمع ہو گئے اور عداوتوں کے (پشتارے) آپؐ کے صحن میں لا اتارے۔
عبارت 192010
اُوصِیْكُمْ عِبَادَ اللهِ! بِتَقْوَی اللهِ، وَ اُحَذِّرُكُمْ اَهْلَ النِّفَاقِ، فَاِنَّهُمُ الضَّالُّوْنَ الْمُضِلُّوْنَ، وَ الزَّالُّوْنَ الْمُزِلُّوْنَ، یَتَلَوَّنُوْنَ اَلْوَانًا، وَ یَفْتَنُّوْنَ افْتِنَانًا، وَ یَعْمِدُوْنَكُمْ بِكُلِّ عِمَادٍ، وَ یَرْصُدُوْنَكُمْ بِكُلِّ مِرْصَادٍ.
عبارت 192011
اے خدا کے بندو! میں اللہ سے ڈرتے رہنے کی تمہیں وصیت کرتا ہوں اور منافقوں سے بھی چوکنا کئے دیتا ہوں، کیونکہ وہ گمراہ اور گمراہ کرنے والے، بے راہ اور بے راہروی پر لگا نے والے ہیں۔وہ مختلف رنگ اور ہر بات میں جداگانہ پینترا بدلتے ہیں اور (تمہیں ہم خیال بنانے کیلئے) ہر قسم کے مکر و فریب کے اُڑانوں کا سہارا دیتے ہیں اور ہر گھات کی جگہ میں تمہاری تاک لگائے بیٹھے ہیں۔
عبارت 192012
قُلُوْبُهُمْ دَوِیَّةٌ، وَ صِفَاحُهُمْ نَقِیَّةٌ. یَمْشُوْنَ الْخَفَآءَ، وَ یَدِبُّوْنَ الضَّرَآءَ. وَصْفُهُمْ دَوَآءٌ، وَ قَوْلُهُمْ شِفَآءٌ، وَ فِعْلُهُمُ الدَّآءُ الْعَیَآءُ. حَسَدَةُ الرَّخَآءِ، وَ مُؤَكِّدُوا الْبَلَآءِ، وَ مُقَنِّطُوا الرَّجَآءِ.
عبارت 192013
ان کے دل (نفاق کے) روگ میں مبتلا اور چہرے (بظاہر کدورتوں سے) پاک و صاف ہیں وہ اندر ہی اندر چالیں چلتے ہیں اور (بہکانے کیلئے) اس طرح رینگتے ہوئے بڑھتے ہیں جس طرح مرض چپکے سے سرایت کرتا ہے۔ ان کے طور طریقے دوا، باتیں شفا اور کرتوت درد بے درماں ہیں۔ (دوسروں کی) خوشحالی پر جلنے والے، انہیں مصیبت میں پھنسانے کیلئے جدوجہد کرنے والے اور انہیں امیدوں سے بے آس بنانے والے ہیں۔
عبارت 192014
لَهُمْ بِكُلِّ طَرِیْقٍ صَرِیْعٌ، وَ اِلٰی كُلِّ قَلْبٍ شَفِیْعٌ، وَ لِكُلِّ شَجْوٍ دُمُوْعٌ. یَتَقَارَضُوْنَ الثَّنَآءَ، وَ یَتَرَاقَبُوْنَ الْجَزَآءَ. اِنْ سَئَلُوْۤا اَلْحَفُوْا، وَ اِنْ عَذَلُوْا كَشَفُوْا، وَ اِنْ حَكَمُوْۤا اَسْرَفُوْا.
عبارت 192015
ہر راہ گزر پر ان کا ایک کشتہ اور ہر دل میں گھر کرنے کا ان کے پاس وسیلہ ہے اور ہر غم کیلئے (ان کی آنکھوں میں مگر مچھ کے) آنسو ہیں۔ ایک دوسرے کی قرضہ کے طور پر مدح و ستائش کرتے ہیں اور اس کا بدلہ دیئے جانے کی آس لگائے رکھتے ہیں۔ اگر مانگتے ہیں تو لپٹ ہی جاتے ہیں اور برا بھلا کہنے پر آتے ہیں تو پھر رسوا کر کے چھوڑتے ہیں۔اگر کوئی فیصلہ کرتے ہیں تو بے راہروی میں حد سے بڑھ جاتے ہیں۔
عبارت 192016
قَدْ اَعَدُّوْا لِكُلِّ حَقٍّ بَاطِلًا، وَ لِكُلِّ قَآئِمٍ مَّآئِلًا، وَ لِكُلِّ حَیٍّ قَاتِلًا، وَ لِكُلِّ بَابٍ مِّفْتَاحًا، وَ لِكُلِّ لَیْلٍ مِّصْبَاحًا. یَتَوَصَّلُوْنَ اِلَی الطَّمَعِ بِالْیَاْسِ لِیُقِیْمُوْا بِهٖۤ اَسْوَاقَهُمْ، وَ یُنَفِّقُوْا بِهٖۤ اَعْلَاقَهُمْ. یَقُوْلُونَ فَیُشَبِّهُوْنَ، وَ یَصِفُوْنَ فَیُمَوِّهُوْنَ. قَدْ هَوَّنُوا الطَّرِیْقَ، وَ اَضْلَعُوا الْمَضِیْقَ.
عبارت 192017
انہوں نے ہر حق کے مقابلے میں باطل اور ہر راست کے مقابلے میں کج، ہر زندہ کیلئے قاتل، ہر دَر کیلئے کلید اور ہر رات کیلئے چراغ مہیا کر رکھا ہے۔ وہ بے آسی میں بھی آس پیدا کر لیتے ہیں کہ جس سے اپنے بازار جمائیں اور اپنے مال کو رواج دیں۔ غلط بات کو صحیح بات کے انداز میں کہتے ہیں اور باطل کو حق کا رنگ دے کر پیش کرتے ہیں۔ انہوں نے (اپنے لئے تو) راستے آسان بنا رکھے ہیں اور دوسروں کیلئے پیچیدگیاں ڈال دی ہیں۔
عبارت 192018
فَهُمْ لُمَةُ الشَّیْطٰنِ، وَ حُمَةُ النِّیْرَانِ، ﴿اُولٰٓىِٕكَ حِزْبُ الشَّیْطٰنِ ؕ اَلَاۤ اِنَّ حِزْبَ الشَّیْطٰنِ هُمُ الْخٰسِرُوْنَ﴾.
عبارت 192019
وہ شیطان کا گروہ اور آگ کا شعلہ ہیں (جیسا کہ اللہ کا ارشاد ہے کہ:) ’’یہ شیطان کا گروہ ہے اور جانے رہو کہ شیطان کا گروہ ہی گھاٹا اٹھانے والا ہے‘‘۔